Can 8
8
1¡Isip'antek ahäpe ochila tä opuhfwa,
wet oko n'aip'ajthin'ewek
tä n'aichiheltejen laka t'os!
Tejin'ek oaits'ulhi chik y'e alhoye,
tha wichi iläkwilhit'an'en'o.
2Wet ohänhin'e achafwi oko lewukwe,
wet häp tä lechufwenhin'en'o.
Wet olham oyäynhin'e amej
hat'es tä matche tä is,
lhäy'e häp hal'ä lhay iyhäj t'i.
3Let'alayen n'oyej akwey tä hats'amkat,
wet letatsufwel n'oyejej akwey tä afwomkat.
Wet hin'o mamse tä atsinha lhutsha lehumnek nech'e tahuyej atsinhay tä lew'et Jerusalén wet yok:
4Jerusalén ka'tsinhay, äm matche ämet.
Fwel n'oho tä tek lelhaklitlhi
ohumnek tä imä,
pajla'tha lham t'at tä n'om.
Wet atsinhaytso nech'e yok:
5¿Atsi tä häpe atsinha lhutsha
tä tälhe honhat tä ts'anis
tä iti'pe takwey hin'o tä lehumnek lefwapo tä nekhen?
Wet hin'o mamse tahuyej atsinha lhutsha tä lehumnek wet yok:
Oain'omhatlhi naji
tä lhechufwi häp manzana lhile,
häp honhat tä ako takaw'ahan amej
wet lechäthihchä p'ante.
Wet atsinha lhutsha nichulho wet yok:
6En ow'eta ahusek häpkhilek tet iwoyek
lajit lepesa tä letatsufwel n'oyej.
Tsi n'ohumnhayaj wuj tä takhajay,
ihichet'a m'ak chik lhaifwonlä,
tet iwoye n'ot'ilek.
N'ohumnhayaj mälhyej iwoye itäj tä wuj,
lhal tä y'ajphä.
7Nilhokej häp inät tä ihiche
lewomekitas lhäy'e tewok lhayis
ikalhihit'a chik y'omat n'ohumnhayaj.
Chik iche hin'o chik fwetaj
ichäjej n'ohumnhayaj nilhokej lakäywet,
wet ts'ilak t'at n'oläkwyhanyaj tä ikatej.
Wet hin'ol tä atsinha lhutsha lepuhfwas nech'e iwo lhämeta wet yok:
8Kamaj t'aatey ihihit'a n'amel lhach'inhä.
¿Atsi m'ak chik y'awoye
chik nämhen hin'ol chik t'uhläk iyej?
9Chik häpehi häp n'olafwek tä tuntey,
wet n'amel y'enhiyejlhin'e plata
hupuy tä atoschephä chik y'ati'pe.
Wet chik häpehi häp huppe,
wet y'enhin'e lep'ota hal'äy tä isis
tä häpe pänhichetek.
Atsinha lhutsha yok:
10Olham ohäpe n'olafwek tä tuntey,
wet ot'aatey tet iwoye hupuy tä atoschephä.
Häp tä tamenej tä ohumnek
akäjlhi n'oyej tä iyahinn'o.
11Salomón hiw'en p'ante
häp lelafwek tä uva lhiley ihi
tä ihi honhat tä lhey N'okäywet Lewuk.
Wet iwo lakawosa,
häp tä t'uye yachuyaj tä uvas,
wet chik nichäte lewhäy
tä ilanhi yachuyaj lhay,
wet elh tefwajpejni yachaje laka niyat
mil chinaj t'äj mhoy tä plata
tä laha häp lakäs lhay tä iwom.
12Häp mil chinaj t'äj mhoy
am tä alewuk, Salomón,
wet doscientos tä lewuk häp wichi tä akawos.
Mat yachuyajw'et elh tä olham tä olewuk,
oy'uhyene ohumnek.
Wet hin'o mamse tahuyej atsinha lhutsha tä lehumnek wet yok:
13Olham ohuminche chik oläte achos
tä ahäpe atsinha tä niyatej n'okäsw'etes.
Lhakalay'is iniwhi ahilä,
lhamel t'uhläk ilät ame.
Wet atsinha lhutsha lhämet tä lepes yok:
14¡Nu alhoho tä oalehumnek tä ahäpe oka'is!
¡Is chik ate iwoye ch'iwase tä inu alhoho!
¡Atech'aynej tson'a lhäs tä i'pe tachenhas
tä hal'ä lhawo tä lenij tä akäjche tapoyej!
Currently Selected:
Can 8: WCHB
Highlight
Share
Copy
Want to have your highlights saved across all your devices? Sign up or sign in
Biblia Wichí, Dios Lhämtes tä Matchehen © Sociedad Bíblica Argentina, 2002.