Deut 34
34
Y'il Moisés wet õtjänlä
1Moisés yikch'oye honhat tä w'awulhchä tä ihi Moab, wet iho'pe chenaj Nebo, häp chenaj Pisga lepes tä tumphä tä tatayhlä Jericó. Wet tä i'pe, Lhawuk ipäyne nilhokej honhat, tälhe Galaad pajtha nichäte Dan, 2lhäy'e imälhewek Neftalí kahonhat, lhäy'e Efraín, lhäy'e Manasés kahonhat, imälhewek Judá kahonhat, pajtha nichäte lewomekitaj tä tumej tä ifwala y'uy. 3Wet äp ipäyne ts'anis tä lhey Négueb, lhäy'e lakawayhi tä tewok Jordán inukwe, lhäy'e honhat tä w'awulhchä tä Jericó ihi, häp hupuy tä lhey Fwitsukwat, pajtha nichäte Soar. 4Wet Lhawuk tahuyej Moisés wet yok:
–Honhat tä lew'ene häp tä ot'untejchehte olhämet tä ofwenho Abraham, Isaac, lhäy'e Jacob tä oyok, “Ow'enhihola ales tä lepes lheley.”#Gén 12.7; 26.3; 28.13 Owahin at amej tä leyahne, mat tek letiyäjihola.
5Wet Moisés, Dios lakawo, y'il p'ante tä ihi honhat tä Moab, mälhyej tä Lhawuk pajche ifwenho. 6Wet ithatho lep'itsek honhat tä ihi lakawayhi tä ihi honhat tä Moab lhip tä tatayhlä Bet-peor. Wet lhip tä ihi p'ante yäk häp ifwalana, nehit katsik ihanej ihi.
7Moisés y'il tä hiw'en ciento veinte nekchämis. Tej tä wuj tä thaläkw, mat takhajay t'at wet tatelhoy is t'at. 8Wet treinta ifwalas tä Israel lhayis yen lhafwyhayaja Moisés tä y'il, tä lhamel ihi honhat tä w'awulhchä tä ihi Moab. Häp täjtso ifwalas tä lhamel yen tichunhayaja Moisés tä y'il.
9Wet Josué, Nun lhäs, ikatej t'at lehanyaj tä tälhe Moisés, tsi Moisés pajche iti'pe takweyey. Wet Israel lhayis iwoyepej Josué lhämet, mälhyej tä pajche Lhawuk ifwenho Moisés tä kamaj n'ila.
10Nemhit iche profeta chik häte iwoye Moisés chik iyej Israel lhayis chik Lhawuk ipejwhäye tä yämhoplhi.#Éx 33.11 11Wet nemhit iche elh chik yenlhi letetnhay chik wichi iseltejen, mälhyej tä Lhawuk ne'tek Moisés hin'ältej Egipto kaniyat, lhäy'e leniyatfwas, lhäy'e nilhokej laka honhat. 12Wet nemhit iche elh chik wuj tä lakhajyhayaj ihi wet yenlhi m'ayhay tä wus wet äp äyteschehen, mälhyej tä Israel lhayis hiw'en tä Moisés yenlhipej.
Currently Selected:
Deut 34: WCHB
Highlight
Share
Copy
Want to have your highlights saved across all your devices? Sign up or sign in
Biblia Wichí, Dios Lhämtes tä Matchehen © Sociedad Bíblica Argentina, 2002.