1~Ped 5
5
Pedro ifwenho lhämet iyhäj tä häpehen líderes tä t'uyehen Dios leles
1Athana ot'uhläk ofwel amhohen olhämet amel tä ahäpehen líderes tä let'uyehen Dios leles. Tsi olhamtej ohäpe, wet ow'ente'pe Cristo leteläythayajay, wet äp ihlat n'amejen häp lewujyaj tä isi tä lhain'älthila che lepes lewhäy. 2Oyok, uyehen Dios leläy tson'atas tä lham pajche ayen lewosa,#Juan 21.15-17; Ap.Lh 20.28 wet is tä wuj tä alet'amkatayej mälhyej tä Dios ihuminche. Isit'ak w'et alenityenej t'at tä lewoye, wok lewoye häp tä lewatläk lekalhi chinaj t'äj, mat is tä wuj tä lehumin achumetna. 3Isit'ak alhen lewuka lhamel tä let'uye,#Mat 20.25-26 mat woye m'ak tä is yämthilek lhamel iten. 4Che mälhyejtso, che nämla Tson'ataswo tä Lhamya,#Heb 13.20 itihla atapehen awayhat tä isilataj wet nittäya.
5Häte amel tä amamses, ch'ahuyaye aiyhäj tä thänhäyej t'ekhahyaj.
Pedro tahuyej nilhokej Dios leles
Wet nilhokej amel, oyok, Yej alechäjwethä mat ch'otpej amehen. Tsi N'olesaynek yok, “Dios tatayhlä wichi tä lhaichäjwethä, mat tach'oteje lep'altsenyaj häp iyhäj tä lhaknichäjawethä.”#Prov 3.34; Sant 4.6 6Tä mälhyejtso, a'ayhatchä tä lheyaychufwi Dios takwey tä lakhajyhayaj ihi, häpkhilek lham aiwujyenhen che nichäte lewhäy.#Mat 23.12; Sant 4.10 7Wet ti'pe lham nilhokej m'ak tä lhen alhakliya, tsi aihumnhen.#Sal 55.22; Mat 6.25-34
8Tetshanpej m'ak tä lewoye, u'amehen wet yej mähen. Tsi atayhfwa ahättaj ilunlhi tä ichowalhch'oye elhpej hin'o yämthilek ilän, mälhyej iwoye t'owalhaj tä fwitsaj. 9Akhajyenlä, at'unteji ekhahyaj, tsi lehanej tä apuhfwas tä i'pe nilhok honhat, häte lhamel iteläytej t'at m'ayhay tä mälhyejentso. 10Mat tajyämhiyela, pitajit'a lewhäy tä ateläythayaj i'amejen, wet Dios hi'isyenla alhoho han'äyij, wet inech'aynhihila akhajyhayaj wet ayämla kalelhäjen. Tsi wuj tä hap'altsentsaj, wet t'än amehen yämthilek i'amejen lewujyaj tä lajit lepesa tä lep'akayej Jesucristo. 11¡Is che Dios Leniyatyaj ihi yämthilek tiyäj'attsiy! Amén.
Pedro len'okhayaj tä lepes
12Opuhfwa tä oisej tä olesayen olhämet tä nipitajana, häpe Silvano,#5.12 Silvano häpe hin'o tä õyen lheya Silas tä ihi Apóstoles Lhenhay 15.22–18.5 häp hin'o tä ow'en tä afwtintsaj t'at. Ot'uhläk onityen amejen wet okalelhät amhohen, tä nilhokej m'ak tä otihi hin'älit amejen häp Dios lehumnhayaj. Oyok, yej leyayej mat tujlhache t'at tä lheyayhi lehumnhayajna.
13Dios leles tä ihi Babilonia,#5.13 Babilonia: Dios leles tä ichunpe honhat, tä iwo lheya Roma, häp tä yok, “Babilonia”. (Tetshan häte Apocalipsis 14.8; 16.19; 17.5; 18.2.) häp lhamel tä Dios tatshupiye mälhyej iwoye amel, lhamel ichen amehen len'okhayaj. Häte Marcos,#Ap.Lh 12.12,25; 13.13; 15.37-39; Col 4.10; Film 24 häp elh tä hätet iwoyek olhäs t'at. 14Oyok, n'okwi amejen, tsufwel amejen tä lhen atetneka tä ahäpehen Dios leles.
Is che nilhokej amel atamsek i'amejen, amel tä lep'akayej Cristo.
Currently Selected:
1~Ped 5: WCHB
Highlight
Share
Copy
Want to have your highlights saved across all your devices? Sign up or sign in
Biblia Wichí, Dios Lhämtes tä Matchehen © Sociedad Bíblica Argentina, 2002.