Tel tura Godndu 34
34
Kwəi lə Moyis
1Moyis ḭ ndag-looje gə́ Moab tuga dɔ mbal gə́ Nebo aw dɔ sém mbal gə́ Pisga gə́ wɔji dɔ Jeriko njoroŋ. Ndá Njesigənea̰ aree oo ɓeeje lai tɔ, bèe ɓa, 2Un kudee dɔ naŋg’d lə Galaadje saar teḛ ne dɔ naŋg’d lə Danje ləm, gə loo lə Neptalije lai ləm, gə ɓeeje lə Eprayimje gə Manasə ləm, gə ɓee lə Judaje lai saar teḛ ne baa-boo-kad gə́ to par gə́ dɔ-gó ləm lé, 3gə loo gə́ dɔkɔl ləm, gə looje gə́ gugu dɔ Jurdɛ̰ ləm, gə wəl-loo gə́ Jeriko ləma, gə ɓee-boo gə́ kag-tumburje to keneŋ, saar teḛ ne Soar ləm tɔ. 4Njesigənea̰ ulá pana: Yee neelé ɓa to ɓee gə́ ma man rɔm mba kar Abrakam, gə Isaak gə Jakob m’pana: M’a kar ŋgaka deeje lé. Ma m’ari oo gə kəmi ya nɛ i a kandə keneŋ el tɔ .
5Moyis, kura lə Njesigənea̰ wəi lée’g neelé mee ɓee gə́ Moab gə goo ndukun lə Njesigənea̰ lé. 6Njesigənea̰ dubee wəl-loo gə́ mee ɓee gə́ Moab gə́ wɔji dɔ Bet-Peor njoroŋ. Dəw kára kara oo dɔɓaree el un kudee mee ndəa gən saar teḛ ne mee ndɔ gə́ ɓogənè tɔ.
7Loo gə́ Moyis wəi lé ləbee aḭ tɔl-dəa-rɔ-joo, (120) kəmee tel to bibli el ləm, siŋgá rəm el ləm tɔ. 8Israɛlje no̰ yoo Moyis as ndɔ dee rɔ-munda mee ndag-looje’d gə́ Moab saar kar rudu ndɔje neelé un ne ɗiao.
9Juje, ŋgolə Nun lé ndil gə́ ka̰ kəmkàr rusu mée njḭ-njḭ mbata Moyis ila jia dəa’g. Bèe ɓa Israɛlje d’ila ne koji dəa’g ləm, deḛ ra ne né gə goo godnduje gə́ Njesigənea̰ ar Moyis lé ləm tɔ.
10Njetegginta kára kara gə́ to tana gə Moyis gə́ Njesigənea̰ gəree maji bèe lé a kiŋgá mee ɓee’g lə Israɛlje el ŋga . 11Dəw kára kara gə́ d’a kwá kwɔjee ne gə mbata lə nétɔjije gə némɔrije lai gə́ Ala ulá aree ra mee ɓee gə́ Ejiptə gə Parao̰ gə kuraje ləa gə ɓee ləa lai lé godo tɔ. 12Nédumkooje gə́ to ɓəl lé Moyis ra dee gə jia gə́ ɓar mèr-mèr kəm Israɛlje’g ya.
Currently Selected:
Tel tura Godndu 34: SBA2015
Highlight
Share
Copy
Want to have your highlights saved across all your devices? Sign up or sign in
Ngambai Bible © Alliance Biblique du Tchad 1989, 2015.