(Evangelio según San Mateo) 28
28
Jesús nantakbau
(Mr. 16.1-8; Lc. 24.1-12; Jn. 20.1-10)
1Tsawan ayamtai nagkaemaki tumig tsawagmatai, María magdalanmaya, tikich Mariajai Jesús ukusbaun diisagtasag weaju. 2Nuniamunum senchi ugkauwai, wagki Apajuí angelji nayaimpinmaya akaegu asamtai, nunik taak kayan ekek ni nui ekeemsauwai. 3Nuna niimeg peemjai betek, jaanchjish puju nieve#28.3 “Nieve” tawa duka ujuch pujua ibau winchamtin, dukap diimainchau jii emesmain. tutaya iman aajakui. 4Imanun wainkag suntag kuitamak batsatuk ishamak kujagkag, jakaujai betek kakekajui. 5Nunikaju ai, ángel nuwa aidaun chichajak:
—Ishamkaigpajum, wika dekajai atum Jesusan achijagma nu egajum nunak. 6Juig atsawai, nigka nantakne ni timaya nunisag. Jui tantajum Apu Jesusan ukusagma nunú diistajum, 7nunikjum wamak wejum: Jakama duka nantakne, tusajum niina jintintaiji aidau ujaktajum. Nigka, niiyá eemak Galilea wetatui, awi wainkagtatui. Juna titajime timajai, tiuwai.
8Nu tima nuwa aidaushkam, ukusbaunmaya jiinkiag ishamainayatak shiig aneasag tupikaidau, Jesusa jintintai aidaun chichaman ujakagtatus. 9Nuniai Jesús wantintuk ditan kumpamauwai. Tuja ditashkam Jesusan jegaantag dawenum pagkukag emematuidau. 10Dutikam Jesús chichajak:
—Ishamkaigpajum; wejum mina yatsug aidau ujaktajum Galilea minitnume, awi minak waitkagtatui, tiuwai.
Jesús nantakbaun etsegkainum tusa suntag aidau akikbau
11Nunikag nuwa aidauk weenai, ujumak suntag nuna kuitamaidau yaaktanum wegag, sacerdote apuji aidaun dita wainkamunak ashí ujakaju. 12Tusá ujakajam weajui apu aidaujai ijunjag chichaman shiig umikagtatus. Nunikag kuashat kuichkin suntajan susaju. 13Dutikainak:
Atumek aajajum etsegkatajum: “Jutii kajigká batsatjin jintintaiji aidau kashi kautuawag kasamkagmae titajum”, 14tuja gobernador dekamtaishkam jutii tiagtatji, dutikaku atumnak ayamjuktatjime, tiaju.
15Tiajam ditashkam kuichkin jukiag, dita titajum tusa akatjamunak imatiksag tuidau. Jujú tibauwa nunak yamaikishkam judío aidauk dutiksag tinu ainawai.
Jesús niina jintintaiji aidau dutikatnuji ujakbau
(Mr. 16.14-18; Lc. 24.36-49; Jn. 20.19-23)
16Tuja Jesusa jintintaiji once aina duka Galilea weajui, Jesús nunú mujanum minitnume tibaunum. 17Nunikag Jesusan wainkag emematuidau, tujash ujumak utujimushkam asaju. 18Jesús ditá jegantun chichajak:
“Ashí nayaimpinmaya aidau, nugkanmaya aidaushkam ame diistá” tusa mina Apag sujusé, 19nunin asamtai, wetajum nunikjum atum jintintuatajum ashí nugkanmaya aidaush, nuniakjum Apajú daajin, Uchijí daajin, Wakaní Pegkeji daaji pachisjum yamigtajum, 20dutikakjum ashí ju umiktajum, atumin tiuwaitjim dushakam jintintuatajum. Wika ashí tsawantai, nugka nagkanbau atina duish atumjaig tuke pujutnaitjai.
Aatus atí.
Currently Selected:
(Evangelio según San Mateo) 28: AGR
Highlight
Share
Copy
Want to have your highlights saved across all your devices? Sign up or sign in
© 2020, Wycliffe Bible Translators, Inc.