1 VEIGAUNA 2
2
O ira na luve i Isireli, 1,2. O ira ka tubu vei Juta, 3-55.
1O ira oqo na luve i Isireli era tagane: ko Rupeni, ko Simioni, ko Livai, kei Juta, ko Isakari, kei Sepuloni, 2ko Tani, ko Josefa kei Penijamini, ko Nafitalai, ko Kata, kei Aseri.
3O iratou na luve i Juta eratou tagane: ko Eri, kei Onani, kei Sela: ko iratou tolutolu oqo sa vakasucuma ko Paci-sua na yalewa ni Kenani. A sa ca e na mata i Jiova ko Eri na ulumatua i Juta; a sa vakamatei koya ko Jiova. 4A sa vakasucumi Feresi kei Sira vua ko Tema na vugona. O iratou kece na luve i Juta ka tagane eratou lewe lima.
5Oi rau na tagane na luve i Feresi: ko Esironi, kei Emuli. 6Ia ko iratou na luve i Sira ka tagane: ko Simirai, kei Icani, kei Imani kei Kalikoli, kei Tara; ko iratou kece sa lewe lima. 7Ia na tagane na luve i Kamai: ko Ekani, o koya ka vakararawataki Isireli, ka caka ca e na ka sa vakatabui. 8Ia na luve i Icani ka tagane: ko Asaraia. 9O iratou talega na luve i Esironi, eratou tagane: ko Jiramieli, kei Rami, kei Kilupai.
10A sa sucu na luve i Rami ko Aminatapi; a sa sucu na luve i Aminatapi ko Nasoni, a nodra turaga na luve i Juta; 11a sa sucu na luve i Nasoni ko Salima, a sa sucu na luve i Salima ko Poasa, 12a sa sucu na luve i Poasa ko Opeti, a sa sucu na luve i Opeti ko Jese; 13a sa sucu na luve i Jese ko Iliapi ka ulumatua, kei Epinatapi na kenai karua, kei Simea na kenai katolu, 14ko Nicaneli na kenai kava, ko Ratei na kenai kalima, 15ko Osemi na kenai kaono, ko Tevita na kenai kavitu: 16a ganedratou ko Seruaia kei Apikali. Ia na tagane ka luve i Seruaia: ko Apisai, kei Joapi, kei Asaeli, eratou lewe tolu. 17A sa vakasucumi Amasa ko Apikali; ia na tama i Amasa ko Jica na luve i Isimeli.
18A sa sucu eso na luve i Kelepi, o koya na luve i Esironi ka tagane, vei Asupa na watina, kei Jirioci: ko iratou oqo na luvena: ko Jeseri, kei Sopapi, kei Eritoni: 19Ia ni sa mate ko Asupa, sa vakawati kei Efiraca ko Kelepi, a sa dua na luvedrau, ko Uri. 20A sa sucu na luve i Uri, ko Urei, a sa sucu na luve i Urei, ko Pisalieli. 21Ia emuri sa vakawati ko Esironi kei na luve i Mekiri na tama i Kiliati, ni sa onosagavulu na nona yabaki; a sa dua na luvedrau, ko Sikupi. 22A sa sucu na luve i Sikupi ko Jairi, o koya ka ruasagavulu ka tolu na nona koro e na vanua ko Kiliati. 23A sa tauri Kesuri kei Erami ko koya maivei ira, kei na veikoro i Jairi, kei Kinaci, kei na kena veikoro, e onosagavulu na koro. Oqo kecega ka nodra na luve i Mekiri na tama i Kiliati. 24Ia ni sa mate ko Esironi mai Kelepi-efiraca, sa qai vakasucumi Asuri na tama i Tikoa, ko Epaia na wati i Esironi.
25Ia ko iratou na tagane oqo na luve i Jiramieli na ulumatua i Esironi: ko Rami na ulumatua, kei Puna, kei Oreni, kei Osemi, kei Eaija. 26A sa dua tale na wati i Jiramieli, na yacana ko Atara; o koya na tina i Onama. 27Ia ko iratou na tagane oqo na luve i Rami na ulumatua i Jiramieli: ko Measi, kei Jamini, kei Ika. 28Ia koi rau na luve i Onama: ko Samei, kei Jeta. Ia koi rau na luve i Samei ka tagane: ko Netapi, kei Episuri. 29Ia na yaca ni wati i Episuri ko Epaieli, a sa sucu ko Apani kei Moliti na luvedrau. 30Ia koi rau na luve i Netapi ka tagane: ko Seleti, kei Epaimi: sa mate ko Seleti ka sega na luvena. 31Ia na luve i Epaimi ka tagane: ko Isai. Ia na luve i Isai ka tagane: ko Sesani. Ia na luve i Sesani ka tagane: ko Alai. 32Ia koi rau na luve i Jeta ka tagane na taci i Samei: ko Jica, kei Jonacani; a sa mate ko Jica ka sega na luvena. 33Ia koi rau na luve i Jonacani ka tagane: ko Peleci, kei Sasa. O ira oqo na kawa i Jiramieli.
34Ia ko Sesani sa sega na luvena tagane, eso ga na luvena yalewa. A sa dua na tamata nei Sesani, a kai Ijipita, a yacana ko Jara. 35Ia ko Sesani sa musuka na luvena yalewa vei Jara na nona tamata me watina; a sa dua na luvedrau na yacana ko Atai. 36A sa sucu na luve i Atai ko Necani, a sa sucu na luve i Necani ko Sapati, 37a sa sucu na luve i Sapati ko Efilali, 38a sa sucu na luve i Efilali ko Opeti; a sa sucu na luve i Opeti ko Jeu, a sa sucu na luve i Jeu ko Asaraia, 39a sa sucu na luve i Asaraia ko Ilesi, a sa sucu na luve i Ilesi ko Iliasa, 40a sa sucu na luve i Iliasa ko Sisemei, 41a sa sucu na luve i Sisemei ko Salumi, a sa sucu na luve i Salumi ko Jikamaia, a sa sucu na luve i Jikamaia ko Ilisama.
42Ia ko ira na kawa i Kelepi na taci i Jiramieli: ko Mesa na nona ulumatua, o koya na tama i Sifi; kei iratou na luve i Maresa ka tagane, na tama i Epironi. 43Ia ko iratou na luve i Epironi ka tagane: ko Kora, kei Tapua, kei Rikemi, kei Sema. 44A sa sucu na luve i Sema ko Reami, o koya na tama i Joakiami; a sa sucu na luve i Rikemi ko Samei. 45Ia na luve i Samei ko Maoni na tagane; a sa tama i Peci-suri ko Maoni. 46Ia ko Ifa, na watina lailai i Kelepi, sa vakasucumi Erani, kei Mosa, kei Kesesi; a sa sucu na luve i Erani ko Kesesi. 47Ia ko iratou na luve i Jatei: ko Rikemi, kei Jocame, kei Kesemi, kei Pelati, kei Ifa, kei Seafi eratou tagane. 48O Meeka, na watina lailai i Kelepi, sa vakasucumi Seperi kei Tirena. 49Sa vakasucumi Seafi talega, na tama i Matimana, ko Siva na tama i Makipena, kei na tama i Kepa: ia na luve i Kelepi ka yalewa ko Akesa.
50O iratou oqo na luve i Kelepi ka tagane na luve i Uri, na ulumatua i Efiraca: ko Sopali na tama i Kiriaci-jiarimi; 51ko Salima na tama i Pecileema, ko Arefi na tama i Peci-kateri. 52A sa so na luve i Sopali ka tagane na tama i Kiriaci-jiarimi: ko Eroe, ka dua na kedra wase na luve i Maneaca. 53Ia na veimataqali i Kiriaci-jiarimi; ko iratou na luve i Jeceri, kei iratou na luve i Pua, kei iratou na Sumasi, kei iratou na kai Misira; sa tubu maivei iratou ko ira na kai Sora, kei ira na kai Esitaoli. 54O iratou na luve i Salima ka tagane: ko Pecileema, kei ira na kai Nitofa, ko Ataroci, a mataqali i Joapi, ka dua na kedra wase na luve i Maneaca, ko ira na kai Sora. 55Ia na nodra veimataqali na vunivola era tiko mai Jepesi: ko ira na Tiraci, ko ira na luve i Semea, ko ira na Sukaci. O ira oqo na Kenaiti sa tubu maivei Emaci, na tamadra na Rekapaiti.
Currently Selected:
1 VEIGAUNA 2: FOV
Highlight
Share
Copy
Want to have your highlights saved across all your devices? Sign up or sign in
Vakavakadewa Makawa (Fijian Old Version) © Bible Society of the South Pacific