ዮሃኒሳ 12
12
ዬሱሳ ሺቱዋ ኦኬዳ ሚሺራቶ
(ማት 26፡6-13፤ ማር 14፡3-9)
1ፓሲጋ ቦንቺያ ጋላሳፔ ኡሱፑን ጋላሳ ካሴቲዴ፥ ዬሱሲ ኢ ሃይቁዋፔ ዴንዳ ኣሊዓዛር ዴዒያ ቢታኒያ ጊያ ካታማ ቤዳ። 2ሄ ሳዓን ኡንቱንቱ ኣው ካዉዋ ካዲኖ፤ ኣሊዓዛር ኣናና ኡቲዴ ኢቲፔ ሚያዋንቱ ጊዶን ኡቲ ዴዒሺን፥ ማርታ ካዉዋ ጊሻ ሚዛዱ። 3ማይራማ ዳሮ ሻሉዋን ዛሊዔቲያ ኢቲ ፃሪሙሲያ ጊዲያ ናርዶሳ ጌቴቲያ ጌሻ ሺቱዋ ኣሃዴ፥ ዬሱሳ ጌዲያ ኦካዴ ባሬ ቢናናን ኣ ጌዲያ ቁጫዱ፤ ጎሊያ ኡባይ ሺቱዋ ሳዉዋን ቶሺኩ ጌ።
4ሺን ዬሱሳ ካሊያዋንቱፔ ኢቱ፥ ዬሱሳ ኣ ኢማናዌ፥ ዪሁዳ ኣስቆሮቱ፥ 5«ሃ ሺቱ ሄዙ ፄቱ ዲናሪያኒ ዛሊዔቲና፥ ኣያሲ ሄዌ ሂዬሳው ኢሜቴኔ?» ያጌዳ። 6ኢ ካዪሱዋ ጊዴዳ ዲራው፥ ሄዋ ጌዳፔ ኣቲን፥ ሂዬሳው ቃሬቲዴ ጊቤና፤ ኢ ሚሻ ቃርጪቲያ ኦይቂያዋ ጊዲያ ዲራው፥ ኡባ ዎዴ ኣፔ ባሬው ኣኬዳ።
7ዬሱሲ፥ «ሃ ሺቱዋ ታኒ ሞጌቲያ ጋላሳይ ጋካናው ኢዛ ኣያው ሚንጃኔ? ኢዞ ኣጊቴ። 8ሂዬሳቱ ኡባ ዎዴ ሂንቴናና ዴዓና፤ ሺን ታኒ ኡባ ዎዴ ሂንቴናና ዴዒኬ» ያጌዳ። #ዛር 15፡11
9ኣዪሁዳቱዋፔ ዳሮ ኣሳይ ዬሱሲ ቢታኒያን ዴዒያዋ ሲሲዴ፥ ያ ቤዳ፤ ኡንቱንቱ ዬሱሳ ቤዓና ጊሻ ፃላላው ጊዴናን፥ ኢ ሃይቁዋፔ ዴንዳ ኣሊዓዛራካ ቤዓናው ቤዲኖ። 10ሄዋ ዲራው፥ ቄሳቱዋ ካፓቱ ኣሊዓዛራካ ቃሲ ዎናው ማቄቴዲኖ። 11ኣዪሲ ጎፔ፥ ኣሊዓዛራ ጋሱዋን ዳሮ ኣዪሁዳቱ ባሬና ካሌያዋንታ ኣጊዴ፥ ዬሱሳ ኣማኒኖ።
ዬሱሲ ቦንቹዋን ዬሩሳላሜ ጌሌዳ
(ማት 21፡1-11፤ ማር 11፡1-11፤ ሉቅ 19፡28-40)
12ዎንቴ ጋላሲ ፓሲጋ ቦንቺያሳ ዬዳ ዳሮ ኣሳይ ዬሱሲ ዬሩሳላሜ ቢያዋ ሲሴዳ። 13ያቲዴ ዛምባ ሃይ ኦይቂዴ፥ #12፡13 ዛምባ ሃይ ኦይቂዴ፡ ሃዌ ኣዪሁዳ ኣሳይ ኤሬቴዳ ኣሳ ሞኪያ ዎጋ። ኣ ሞካናው ኬሴዲኖ። ባሬንቱ ኮሻ ቁ ኡዲዴ፥
«ፆሳይ ጋላቴቶ!
ፆሳ ሱንን ዪያ ኢስራዔሊያ ካቲ ኣንጄቴዳዋ!»
ያጌዲኖ። #ማዝ 118፡25
14-15ፆሳ ማፃፋይ፥
«ፂዮኔ ካታማው፥ ያዮፓ!
ቤዓ፥ ኔ ካቲ ሃሬ ማራ ቦላ ኡቲዴ ዬ»
ጊያዋዳን፥ ዬሱሲ ሃሬ ማራ ዴሚዴ፥ ኣ ቶጌዳ።
16ዬሱሳ ካሊያዋንቱ ሄዋ ካሴ ኣኬኪቤይኪኖ፤ ሺን ዬሱሲ ቦንቼቴዳዋፔ ጉዪያን፥ ፆሳ ማፃፋይ ሄዋ ኡባ ጌዳዋኔ ቃሲ ኡንቱንቱካ ሄዋ ኡባ ዬሱሳው ኦዳዋ ሃሳዬዲኖ።
17ኣሊዓዛር ሞጌቴዳ ጎንጎሉዋፔ ዬሱሲ ኣ ፄሲዴ፥ ሃይቁዋፔ ዴንዳ ዎዴ፥ ዬሱሳና ዴዒያ ዳሮ ኣሳይ ዬሱሳው ማርካቴዳ። 18ዳሮ ኣሳይ ኣ ሞካናው ኬሴዳዌ፥ ኢ ሄ ዎልቃማ ማላሊያዋ ኦዳ ዲራሳ። 19ሄዋ ዲራው፥ ፓሪሳዋቱ ኢቱ ኢቱዋ፥ «ሂንቴንቱ ኣይኔ ኦናው ዳንዳዬናዋ ቤዒቴ! ቤዒቴ፥ ጋዴ ኡባይ ኣ ጌዱዋ ካሌዳ» ያጌዲኖ።
20ፓሲጋ ቦንቺያ ጋላሲ ጎዪናናው ዬሩሳላሜ ቤዳዋንቱ ጊዶን ኢቲ ኢቲ ጊሪኬ ኣሳቱ ዴዒኖ። 21ኡንቱንቱ ጋሊላ ጋዲያን ቤቴሳይዳ ጌቴቲያ ካታማፔ ዬዳ ፒሊጶሳኮ ቢዴ፥ «ጎዳው፥ ኑኒ ዬሱሳ ቤዓናው ኮዬቶ» ያጊዴ ዎሴዲኖ። 22ፒሊጶሲ ቢዴ፥ ኢንዲራሳው ኦዲና ላዓቱካ ቢዴ፥ ዬሱሳው ኦዴዲኖ።
23ዬሱሲ ኡንቱንቱሲ ሃዋዳን ያጌዳ፤ «ታኒ፥ ኣሳ ናዓይ፥ ቦንቼቲያ ሳቲ ጋኬዳ። 24ታኒ ሂንቴንቱሲ ቱሙዋ ኦዳይ፤ ኢቲ ዛርጋ ኣይፋታ ቢታን ዎዴ ዎቃና ዮፔ፥ ባሬካ ኣታው። ሺን ሄ ዛርጋ ኣይፋታ ዎቆፔ፥ ዳሮ ኣይፊያ ኣይፋው። 25ባሬ ሼምፑዋ ሲቂያ ኦኒኔ ባዪዜ፤ ቃሲ ባሬ ሼምፑዋ ሃ ሳዓን ኢፂያ ኦኒኔ ሜና ዴዖ ኣሼ። 26ኦኒኔ ታው ኦፔ፥ ታና ካላናው ቤሴ፤ ቃሲ ታኒ ዴዒያ ሳዓን ታው ኦያዌካ ዴዓናዋ። ታው ኦያ ኦናኔ፥ ታ ኣቡካ ኣ ቦንቻናዋ።
27«ሃዒ ታ ሼምፑ ዳሮ ኡንዔቴዳ፤ ያቲና ዋጎ? ታኒ፥ ‹ታ ኣቦ፥ ታና ሃ ሳታቲፔ ኣሻርኪ› ያጎ? ቱይቲ፥ ታኒ ሃ ሳቲያን ዬዳዌ ሃዋ ዲራሳ። 28ታ ኣቦ፥ ኔ ሱን ቦንቻ» ያጌዳ።
ሄ ዎዴ ሳሉዋፔ፥ «ታኒ ታ ሱን ቦንቻዲ፤ ቃሲካ ጉጃዴ ቦንቻና» ያጊያ ቃላይ ዬዳ።
29ሄ ሳዓን ኤቄዳ ጮራ ኣሳይ ሄ ቃላ ሲሲዴ፥ «ሄዌ ጉጉን» ያጌዳ።
ሃራንቱ ቃሲ፥ «ኪታንቻይ ኣው ሃሳዬዳ» ያጌዲኖ።
30ዬሱሲ ዛሪዴ ኡንቱንታ፥ «ሃ ቃላይ ሂንቴንቱ ዲራው ዬዳዋፔ ኣቲን፥ ታ ዲራሳ ጊዴና። 31ሃ ሳዓይ ፒርዴቲያ ዎዲ ሃዓ፤ ሃ ሳዓ #12፡31 ሃ ሳዓ፡ ጉሳይ ሃ ኣላሚያ ጊዲዴ ሃ ዮሃኒሳ ሚሺራቹዋን ዴዒያ ሃ ሳዓ ጊያዌ ሃ ሳዓ ቦላ ዴዒያ ኣሳኔ ኡንቱንቱ ካሃ ባሬሳ ኡዲዴ ሞዲያ ኢታ ኣያና ዎልቃ ቤሴ። ሞዲያዌ ሃዒ ካሬ ኦሌታናዋ። 32ቃሲ ታኒ ማስቃሊያ ቦላ ካቄቲያ ዎዴ፥ ኣሳ ኡባ ታኮ ጎቻና» ያጌዳ። 33ኢ ሄዋ ጌዳዌ ኣይ ማላ ሃይቁዋ ኢ ሃይቃኔንቶኔ ኡንቱንታ ኤሪሳናሳ።
34ዳሮ ኣሳይ ዛሪዴ ዬሱሳ፥ «ኑ ሂጊ ኪሪስቶሲ ሜናው ዴዒያዋ ኦዴ። ያቲና፥ ኔኒ ዋጋዴ፥ ‹ኣሳ ናዓይ ማስቃሊያ ቦላ ካቄታና› ጋይ? ሄ ኣሳ ናዓይ ኦኔ?» ያጌዲኖ። #ማዝ 110፡4፤ ኢሳ 9፡7፤ ሂዝ 37፡25፤ ዳን 7፡14
35ዬሱሲ፥ «ፖዑ ሂንቴናና ጉ ዎዲያ ጋሚዓናዋ። ሂንቴንቱሲ ሜና ማላ፥ ፖዑ ዴዒሺን፥ ፖዑዋን ሃሜቲቴ። ማኒ ሃሜቲያ ኡራይ ሃቃ ቢንቶኔ ኤሬና። 36ፖዑዋ ኣሳ ጊዳና ማላ፥ ሂንቴንቱሲ ፖዑ ዴዒሺን፥ ፖዑዋ ኣማኒቴ» ያጌዳ።
ኣዪሁዳቱ ኣማኔናን ኢፄዳ ሃኖታ
ዬሱሲ ሄዋ ሃሳዬዳዋፔ ጉዪያን፥ ቢዴ ኡንቱንቱፔ ጌሜቴዳ። 37-38ኢ ሄዋ ኬና ዎልቃማ ማላታ ኡንቱንቱ ሲንን ኦፔካ፥ ናቢያ ኢሳያሴ፥
«ጎዳው፥ ኑ ማርካቴ ኦኒ ኣማኔዴ?
ጎዳይ ባሬ ዎልቃ ኦና ቤሴዴ?»
ጌዳዌ ቱማ ጊዳና ማላ፥ ኡንቱንቱ ኣ ኣማኒቤይኪኖ። #ኢሳ 53፡1
39-40ኢሳያሴ ቃሲካ፥
«ኡንቱንቱ ኣይፊ ፄሌና ማላ፥
ኡንቱንቱ ዎዛናይካ ኣኬኬና ማላ፥
ኡንቱንቱ ፆሳኮ ሲሚና፥ ኢ ኡንቱንታ ፓና ማላ፥
ፆሳይ ኡንቱንቱ ኣይፊያ ቆቂሴዳ።
ኡንቱንቱ ዎዛና ዳሚሴዳ»
ጌዳ ዲራው፥ ኡንቱንቱ ኣማናናው ዳንዳዪቤዪኪኖ። #ኢሳ 6፡10
41ኢሳያሴ ዬሱሳ ቦንቹዋ ቤዔዳ ዲራዉኔ ቃሲ ኣባ ሃሳዬዳ ዲራው፥ #12፡41 ኢሳያሴ ዬሱሳ ቦንቹዋ ቤዔዳ ዲራዉኔ ቃሲ ኣባ ሃሳዬዳ ዲራው፥ ዎይ ኢሳያሴ ፆሳ ቦንቹዋ ቤዔዳ ዲራዉኔ ቃሲ ዬሱሳባ ሃሳዬዳ ዲራው፥ ሄዋ ጌዳ።
42ሄዋ ጊዲናካ፥ ሃራይ ኣቶ ኣዪሁዳቱ ካፓቱዋፔካ ጮራቱ ዬሱሳ ኣማኔዲኖ። ሺን ፓሪሳዋቱ ባሬና ኣዪሁዳቱ ዎሳ ጎሊያፔ ኬሲኖ ጊዴ ያዬዳ ዲራው፥ ኣማኔዳ ጊዴ ማርካቲቤይኪኖ። 43ኣዪሲ ጎፔ፥ ኡንቱንቱ ፆሳ ሳባፔ ኣዴ፥ ኣሳ ሳባ ሲቄዲኖ።
44ዬሱሲ ባሬ ቃላ ቁ ኡዲዴ ያጌዳ፤ «ታና ኣማኒያ ኦኒኔ ታና ኪቴዳዋካ ኣማኒያዋፔ ኣቲን፥ ታ ፃላላ ኣማኔና። 45ታና ቤዒያ ኦኒኔ ታና ኪቴዳዋካ ቤዔ። 46ታና ኣማኒያ ኡባይ ማኒ ዴዔና ማላ፥ ታኒ ፖዑዋ ጊዳዴ ሳዓ ያዲ። 47ታ ቃላ ሲሲዴ ኣዛዜቴና ኡራ ኦናኔ ታኒ ፒርዲኬ፤ ኣዪሲ ጎፔ፥ ታኒ ኣላሚያ ኣሻናው ዬዳዋፔ ኣቲን፥ ፒርዳናው ያቤይኬ። 48ታና ኢፂያ ኦናኔ ቃሲ ታ ቃላ ኣኬና ኦናኔ ፒርዲያዌ ዴዔ። ታኒ ኦዴዳ ቃላይ ዉርሴ ጋላሲ ሄ ኡራ ፒርዳና። 49ኣዪሲ ጎፔ፥ ታኒ ሃዋ ታፔ ሃሳያቤይኬ፤ ሺን ታና ኪቴዳ ታ ኣቡ ታኒ ጋናዋኔ ሃሳያናዋ ታና ኣዛዜዳ። 50ቃሲ ኣ ኣዛዙ ሜና ዴዑዋ ኣሂያዋ ታኒ ኤራይ፤ ሄዋ ዲራው፥ ታኒ ኦዲያዌ ታ ኣቡ ታና ኦዳ ጊዴ ኦዴዳዋ» ያጌዳ።
Currently Selected:
ዮሃኒሳ 12: dwrENT
Highlight
Share
Copy
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.
Learn more about Ooratha Caaquwaa