ያዪቆባ ኪታ 1
1
1ታኒ ያዪቆቢ ፆሳ ኣይሊኔ ጎዳ ዬሱሲ ኪሪስቶሳ ኣይሊ፥ ቢታ ኡባን ላሌቴዳ ታማኔ ላዑ ዜሬቶ #1፡1 ቢታ ኡባን ላሌቴዳ ታማኔ ላዑ ዜሬቶ፡ ያዪቆቢ ጊዴ ዴዒያ ቆፋይ፥ ጎዳ ካሊያ ኣማኒያዋንታ ጊዲዴ ታማኔ ላዑ ኢስራዔሊያ ዜሬቱዋዳን ባሬንቱ ሞርኬቱዋን ቢታ ኡባ ላሌቲ ጋኬዳዋንታ ጉሳ። ሳሮታ ኪታይ።
ዳንዳያ፥ ኣማኑዋ፥ ኣዳ ኤራቴ
2-3ታናዳን ፆሳ ካሊያዋንቶ፥ ሂንቴ ኣማኑ ፓጬቲያዌ ሂንቴንቶ ዳንዳያ ኢማናዋ ኤሪዴ፥ ዱማ ዱማ ፓጪ ሂንቴና ጋኪያ ዎዴ፥ ሄዋ ኩሜን ናሼቻዳን ፓይዲቴ። 4ሂንቴ ዳንዳያይ ኣይኔ ባሊ ባይናን ሂንቴና ሚኔዳዋንታኔ ፓጪ ባዪናዋንታ ኦዴ፥ ባሬ ኦሱዋ ፖሎ። 5ሺን ሂንቴፔ ኦኒኔ ባሬው ኣዳ ኤራቴይ ዮፔ፥ ካናኒ ኡባው ኬካቴን ኢሚያ ፆሳ ዎሶ። ኢ ኣው ኢማና። 6ሺን ኢ ኣያኒኔ ሲናን ኣማኑዋን ፆሳ ዎሶ። ኣዪሲ ጎፔ፥ ሲያ ኡራይ ጫርኩ ሱጊና ቃፂያ ኣባ ቤታ ማላ። 7-8ኣዪሲ ጎፔ፥ ላዑ ቆፋይ ዴዒያ ኡራይ፥ ባሬ ኦጊያ ኡባን ባሬ ቆፋ ቃቼናዌ፥ ሄ ኡራይ ጎዳፔ ኣዪኔ ዴማናው ቆፖፖ።
ሂዬሳ ኣሳኔ ዱሬ ኣሳ ናሼቻ
9ሺን ሂዬሳ ኢሻይ ፆሳይ ኣ ቁ ኦዳ ዎዴ ናሼቶ። 10ቃሲ ዱሬ ኢሻይካ ፆሳይ ኣ ካዉሺሴዳ ዎዴ ናሼቶ። ኣዪሲ ጎፔ፥ ዱሬ ቢታኒ ማታ ጊዶን ዲጪያ ጪሻዳን ያና። #ኢሳ 40፡6-7 11ኣዪሲ ጎፔ፥ ኣዋይ ባሬ ሴላና ኬሲዴ፥ ማታ ሜሊሲና፥ ጪሻይ ዬ፤ ቃሲ ኣ ማላ ሎዖቴይካ ዬ፤ ሄዋዳንካ ቃሲ ዱሬ ቢታኒ ባሬዋ ኦዴ ያና።
ኣሳ ቦላ ጋኪያ ፓጪያ
12ዋዪያን ጌንጪያ ኡራይ ኣንጄቴዳዋ፤ ኣዪሲ ጎፔ፥ ሄ ዋዪያ ፆኔዳዋፔ ጉዪያን፥ ፆሳይ ባሬና ሲቂያዋንቶ ኢማና ጌዳ ዴዑዋ ኣኪሊሊያ #1፡12 ዴዑዋ ኣኪሊሊያ፡ ቦንቼቴዳ ዴዑዋ ጉሳ። ኢ ኣካና። 13ኦኒኔ ፓጬቴዳ ዎዴ፥ «ታና ፆሳይ ፓጬ» ጎፖ። ኣዪሲ ጎፔ፥ ፆሳይ ኢታን ፓጬታናው ዳንዳዬና፤ ቃሲ ኢ ባሬ ሁጴው ኦናኔ ፓጬና። 14ሺን ኣሳይ ሁጲያን ሁጲያን ባሬ ሁጴ ኢታ ኣሙዋን ጎሼቲያ ዎዴኔ ጪሜቲያ ዎዴ ፓጬቴ። 15ሄዋፔ ጉዪያን፥ ኣሙ ሻሃሪዴ፥ ናጋራ ዬሌ፤ ቃሲ ናጋራይ ዲጪዴ፥ ሃይቁዋ ዬሌ።
16ታናዳን ፆሳ ካሊያዋንቶ፥ ጪሜቶፒቴ። 17ሎዖ ኢሙዋ ኡባዪኔ ኩሜን ዎይታ ኡባይ ሳሉዋፔ ዬ። ሳሉዋ ፖዑዋ ሜዳ ኣዉዋፔ ዬ፤ ፆሳይ ባሬ ሁጴው ዱማቴናኔ ዎይ ባሬ ኩዋ ላሜና። 18ኑኒ ኢ ሜዳ ሜታቱዋ ጊዶን ቃሳ ኣካናዳን፥ ኑና ባሬ ሼኒያን ቱሙ ቃላን ዬሌዳ።
ሲሴዳዋ ኦሱዋን ፔሺያዋ
19ታናዳን ፆሳ ካሊያዋንቶ፥ ሃዋ ሃሳዪቴ፤ ኣሳይ ኡባይ ሲሳናው ኤሌሎ፤ ሺን ሃሳያናዉኔ ሃንቄታናው ኤሌሎፖ። 20ኣዪሲ ጎፔ፥ ኣሳ ሃንቁ ፆሳይ ኮዪያ ፂሎቴ ኣሄና። 21ሄዋ ዲራው፥ ቱና ሃኖታ ኡባኔ ኢታቴ ኡባ ሂንቴፔ ዪሲዴ፥ ፆሳይ ሂንቴ ዎዛናን ቶኬዳ ሂንቴ ሼምፑዋ ኣሻናው ዳንዳዪያ ቃላ ኣሺኬቴን ኣኪቴ።
22ሺን ፆሳ ቃላ ኦሱዋን ፔሺቴፔ ኣቲን፥ ሲሳ ፃላላን ሂንቴ ሁጲያ ጪሞፒቴ። 23ኣዪሲ ጎፔ፥ ቃላ ሲሲዴ ኦና ኡራይ ዴዖፔ፥ ኢ ባሬ ማላ ማስቶቲያ ፄሊያ ኡራ ማላ። 24ኢ ባሬና ፄሊዴ ቤ፤ ኤሌካ ኢ ኣይ ማሌንቶኔ ዶጊ ኣጌ። 25ሺን ኦኒኔ ኣዪሌቴፔ ኬሲያ ባሊ ባዪና ሂጊያ ፄሊዴ፥ ኣኒ ኣቂያዌ ቃሲ ኣ ናጊያዌ፥ ሲሴዳዋካ ዶጌናዌ፥ ሄ ኡራይ ባሬ ኦያ ኦሱዋን ኣንጄታና።
26ባሬ ኢንፃርሳ ናጌናን ባሬና ጪሚዴ፥ ባሬው ፆሳ ጎዪኒያዋ ማላቲያ ኡራይ ዴዖፔ፥ ኣ ጎይናይ ሜላ። 27ፆሳ ኣዉዋ ሲንን ፖኩ ባዪና ጌሻ ጎይናይ ሃዋ፤ ሄዌ ሃቃዌ ጎፔ፥ ኣታ ኣዉ ባዪና ናናቱዋኔ ዋዬቲያ ኣምዔቱዋ ማዳናዋኔ ሳዓ ናጋራ ቂታፔ ባሬ ሁጲያ ናጋናዋ።
Currently Selected:
ያዪቆባ ኪታ 1: dwrENT
Highlight
Share
Copy
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.
Learn more about Ooratha Caaquwaa