ያዪቆባ ኪታ 2
2
ሂዬሳ ካናው ቤሴና
1ታናዳን ፆሳ ካሊያዋንቶ፥ ሂንቴ ኑ ቦንቾ ጎዳ ዬሱሲ ኪሪስቶሳ ኣማኒ ዴዒዴ፥ ዴሙዋ ፄሊዴ፥ ኣሳ ቦንቾፒቴ። 2ኣዪሲ ጎፔ፥ ዎርቃ ሚጊዱዋ ዎዴ፥ ሎዖ ማዩዋ ማዬዳ ኢቲ ኣሳይ ሂንቴ ሺቁዋ ዮፔ፥ ቃሲ ጩርቃ ማዩዋ ማዬዳ ሂዬሳ ኣሲካ ዮፔ፥ 3ሎዖ ማዩዋ ማዬዳ ቢታኒያ ሂንቴ ኣ ቦንቺዴ ኣ፥ «ኔኒ ሃዋን ኡባፔ ሎዒያ ኦይዲያን ኡታ» ጊዴ ቃሲ ሂዬሳ ቢታኒያ፥ «ኔኒ ሂኒና ኤቃሻ፤ ዎይ ሃዋን ታ ጌዲያ ማታን ሳዓን ኡታ» ጎፔ፥ 4ያቲና ሂንቴ ሂንቴ ጊዶን ሻኮቴ ሜያዋንታኔ ኢታ ቆፋና ዴዒያ ዳናቱዋ ጊዲኪቴዬ?
5ታናዳን ፆሳ ካሊያዋንቶ፥ ሲሲቴ፤ ፆሳይ ሃ ሳዓን ዴዒያ ሂዬሳ ኣሳይ ኣማኑዋን ዱሬታናዉኔ ባሬና ሲቂያዋንቶ ኢማና ጌዳ ሳሉዋ ካዉቴ ላታናው ዶሪቤኔዬ? 6ሺን ሂንቴ ሂዬሳቱዋ ቶቼዲታ። ዱሬቱ ሂንቴና ቱጋዪያዋንታ ጊዲኪኖዬ? ኡንቱንቱ ሂንቴና ዳናን ሞቲያዋንታ ጊዲኪኖዬ? 7ሂንቴው ኢሜቴዳ ሎዖ ሱን ቦሪያዋንቱ ኡንቱንታ ጊዲኪኖዬ?
8ሺን ፆሳ ማፃፋን፥ «ኔ ሾሩዋ ኔ ሁጲያዳን ሲቃ» ጌቴቲዴ ፃፌቴዳ ካቲያ ሂጊያ #2፡8 ካቲያ ሂጊያ፡ ኡባፔ ኣዋን ጎዒያ ሂጊያ፤ ሃዋ ቢሌይ፥ ካቲያፔ ኢሜቴዳዋ ጉሳ። ካቲ ኦኔ ጎፔ ፆሳፔ ኢሜቴዳ ሂጊያ። ሂንቴ ፖሎፔ፥ ሎዖባ ኦታ። #ዎግ 19፡18 9ሺን ሂንቴ ኣሳ ዴሙዋ ፄሊዴ ቦንቾፔ፥ ናጋራ ኦታ፤ ቃሲ ሂጊ ሂንቴ ቦላ፥ ሂጊያ ሜንዳዋንቱዳን ፒርዳና። 10ኣዪሲ ጎፔ፥ ኦኒኔ ሂጊያ ኡባ ናጊዴ፥ ኢቲኖ ሜንያዋ ጊዶፔ፥ ሄ ኡራይ ሂጊያ ኡባ ሜን። 11ኣዪሲ ጎፔ፥ «ዎሹሞፓ» ጌዳዌ ቃሲ «ዎፓ» ጌዳ፤ ሺን ኔኒ ዎሹማና ዮፔካ፥ ዎዳዋ ጊዶፔ፥ ሂጊያ ሜንዳ። #ኬስ 20፡13፣ 14፤ ዛር 5፡17፣ 18 12ኣሳ ኣይሌቴፔ ኬሲያ ሂጊያን፥ ፒርዳ ኣካና ኣሳቱዋዳን ሃሳዪቴኔ ኡንቱንቱዋዳን ኦቴ። 13ኣዪሲ ጎፔ፥ ኣሳ ማሪቤና ኡራ ፆሳይ ማሬናን ፒርዳና፤ ማሮቴይ ፒርዳ ፆኔ።
ኣማኑዋኔ ኦሱዋ
14ታናዳን ፆሳ ካሊያዋንቶ፥ ኢቲ ኡራይ ባሬው ኣማኑ ዴዔ ጎፔ፥ ቃሲ ኣ ኣማኑዋ ኣ ኦሱ ኤሪሳና ዮፔ፥ ኣ ኣይ ጎዓኔ? ኣ ኣማኑ ኣ ኣሻናው ዳንዳዪ? 15ኢቲ ኢሻይ፥ ዎይ ኢቲ ሚቻታ ካሎቶፔ፥ ቃሲ ኡንቱንቶ ኡባ ጋላሲ ሚያባይ ዮፔ፥ 16ሂንቴፔ ኢቲ ኡራይ ኡንቱንታ፥ «ሳሮ ቢቴ። ታማ ሆዒቴ። ካሊዴ ሚቴ» ጊዴ፥ ኡንቱንቶ ኮሺያዋ ኢማና ዮፔ፥ ኡንቱንታ ኣይ ጎዓኔ? 17ሄዋ ዲራው፥ ኣማኑ ኦሱ ባይናን ባሬካ ዴዖፔ ሃይቄዳዋ።
18ሺን ኢቲ ኡራይ፥ «ኔው ኣማኑ ዴዔ፤ ቃሲ ታው ኦሱ ዴዔ። ኔኒ ኔ ኣማኑዋ ኔ ኦሱዋፔ ሻካዴ ታና ቤሳ፤ ታኒካ ታ ኣማኑዋ ታ ኦሱዋን ኔና ቤሳና» ጋና። 19ኔኒ ኢቲ ፆሳይ ዴዒያዋ ኣማናሳ፤ ሄዌ ሎዓ። ፃላሄቱካ ቃሲ ኣማኒኖ፤ ያሻን ኮኮሪኖ። 20ኔኒ ኤያይ! ኣማኑ ኦሱዋፔ ሻኬቲዴ ጎዔናዋ #2፡20 ጎዔናዋ፡ ሃዋ ጉሳይ ሃይቄዳዋ ጉሳ። ኤራናው ኮያይ? 21ኑ ኣቡ ኣብራሃሞ ባሬ ናዓ ዪሳቃ ያርሺያ ሳዓ ቦላ ዎዳ ዎዴ፥ ባሬ ኦሱዋን ፂሊቤኔ? #ዶም 22፡1-14 22ኣ ኣማኑኔ ኣ ኦሱ ኢቲፔ ኦዳዋኔ ኣ ኣማኑ ኣ ኦሱዋን ፖሌቴዳዋ ቤዒኪ? 23ፆሳ ማፃፋይ «ኣብራሃሞ ፆሳ ኣማኔዳ። ፆሳይካ ሄዋ ኣው ፂሎቴን ፓይዴዳ» ጌዳዌ ፖሌቴዳ፤ ቃሲ ፆሳ ዳቦ ጌቴቲዴ ኢ ፄሴቴዳ። #ዶም 15፡6፤ 2ኦድ 20፡7፤ ኢሳ 41፡8 24ኣሳይ ኣማኖ ፃላላና ጊዴናን፥ ኦሱዋን ፂሊያዋ ሂንቴ ቤዒታ።
25ሄዋዳንካ ቃሲ ጫራታ ራዓባ ኪቴቶዋንታ ሞካዴ ሃራ ኦጊያና ኡንቱንታ ሞዪዜዳ ዎዴ፥ ባሬ ኦሱዋን ፂላቤይኬ? #ኢያ 2፡1-21
26ኣዪሲ ጎፔ፥ ሼምፑ ሻኬቴዳ ቦላይ ሃዪቄዳዋ ጊዲያዋዳን፥ ሄዋዳንካ ቃሲ ኦሱ ሻኬቴዳ ኣማኑ ሃይቄዳዋ።
Currently Selected:
ያዪቆባ ኪታ 2: dwrENT
Highlight
Share
Copy
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.
Learn more about Ooratha Caaquwaa