ፒሊጲሲዮሳ 4
4
ዉርሴ ዞሪያ
1ታናዳን ፆሳ ካሊያዋንቶ፥ ታኒ ሲቂያዋንቶ፥ ላሞቲያዋንቶ፥ ታና ናሼቺያዋንቶ፥ ታና ቁ ኦያዋንቶ፥ ታ ዳባቶ፥ ሲሚ ጎዳን ሂንቴንቱ ሚኒ ኤቃናው ቤሴ።
2ኤዎዴኔ ሲንፂኬ፥ ሂንቴንቱ ላዑካ ቆፋን ኢቱዋ ጊዲዴ፥ ጎዳን ዴዓናዳን፥ ታኒ ሂንቴና ዞራይ። 3ቃሲ ታናና ኦያ ኣማኔቴዳዎ፥ ኔኒ ሃ ማጫ ኣሳቱዋ ማዳናዳን፥ ታኒ ኔና ዎሳይ፤ ኣዪሲ ጎፔ፥ ኡንቱንቱ ታናናኔ ኡንቱንቱ ሱንይ ፆሳ ዴዑዋ ማፃፋን #4፡3 ፆሳ ዴዑዋ ማፃፋን፡ ፆሳ ኣሳ ሱንይ ፃፌቲያ ማፃፋ። ፃፌቴዳ ቃሌሚንፆሳና ቃሲ ታናና ኢቲፔ ኦያ ሃራቱዋ ኡባና ዎንጋላ ኡባሳ ጋናው ዳቡሬዲኖ።
4ጎዳና ሂንቴንቱ ዴዒያ ዴዑዋን ኡባ ዎዴ ናሼቲቴ፤ ታኒ ሃዋ ጉጃዴካ ጋይ፤ ናሼቲቴ።
5ኣሳይ ኡባይ ሂንቴንቱ ኣሺኬቴ ኤሮ፤ ጎዳይ ማታን ያና። 6ፆሳ ሂንቴንቱ ዎሲያ ዎሳ ኡባን ኣ ሎይ ጋላቲዴ፥ ሂንቴና ኮሺያዋ ኡባው ዎሲቴፔ ኣቲን፥ ኢቲባዉካ ሂርጎፒቴ። 7ቃሲ ኣሳ ኤራቴ ኡባፔ ኣያ ፆሳ ሳሮቴይ ሂንቴንቱ ዎዛናኔ ሂንቴንቱ ቆፋ ጎዳ ዬሱሲ ኪሪስቶሳ ባጋና ናጋና።
8ዉርሴን፥ ታናዳን ፆሳ ካሊያዋንቶ፥ ሂንቴንቱ ዎዛናን ሎዖባኔ ጋላቲሲያዋ ቆፒቴ፤ ቱማ ጊዲያባ ኡባ፥ ቦንቺሲያዋ ኡባ፥ ባዪዙዋ ጊዴናባ ኡባ፥ ጌሻባ ኡባ፥ ሲቁዋ ኡባ፥ ሱሬ ጊዲያባ ኡባ ቆፒቴ። 9ሂንቴንቱ ታፔ ታማሬዳዋ፥ ኣኬዳዋ፥ ሲሴዳዋኔ ቤዔዳዋ ኡባ ኦቴ፤ ቃሲ ኑሲ ሳሮቴ ኢሚያ ፆሳይ ሂንቴናና ኢቲፔ ጊዳናዋ።
ባሬው ኪቴቴዳ ኢሞታው ጳዉሎሲ ጋላቴዳዋ
10ሺን ዳሮ ዎዲያፔ ጉዪያን፥ ሃዒ ሂንቴንቱ ታዋ ላዔንዋ ቆፓናው ዶሜዳ ዲራው፥ ታኒ ጎዳን ሎይ ናሼታይ፤ ታው ቆፓናው ሂንቴንቶ ኢንጄቴናን ኢፄዳዋፔ ኣቲን፥ ታው ቆፋ ቆፒታ። 11ታኒ ሃዋ ታና ሜቴዳ ዲራው ጊኬ፤ ኣዪሲ ጎፔ፥ ታው ዴዒያባይ ታው ጊዳና #4፡11 ታው ዴዒያባይ ታው ጊዳና፡ ታው ዴዒያባን ታኒ ሼምፓይ፥ ካላይ፥ ዎፑ ጋይ። ጊያዋ ታኒ ታማራዲ። 12ታኒ ሜቶቲዴ ዎቲ ዴዓኔንቶ ኤራይ፤ ቃሲ ዱሬቲዴ ዴዒያዌካ ኣዬንቶ ኤራይ፤ ሃቃን ጊዲናካ ኣዉዴ ጊዲናካ፥ ታኒ ካሉዋኔ ኮሻ ቃሲ ፓጫኔ ፓላሃ ታማራዲ። 13ኪሪስቶሲ ታው ኢሜዳ ዎልቃን፥ ኡባባ ኦናው ታኒ ዳንዳያይ።
14ጊዶፔካ፥ ሂንቴንቱ ታ ሜቱዋ ታናና ሜቶቲዴ ዳሮ ሎይዲታ፤ 15ፒሊጲሲዮሳ ኣሳው፥ ዎንጋላ ሚሺራቹ ኮይሮ ሂንቴ ጊዶን ኦዴቴዳ፤ ሺን ታኒ ማቂዶኒያፔ ኬሴዳ ዎዴ፥ ታና ኣማኒያ ሂንቴንቱፔ ኣቲን፥ ሃራይ ማዲቤናዋ ሂንቴንቱ ሂንቴንቱ ሁጴው ኤሪታ፤ ቃሲ ኢሚያባንካ ኣኪያባንካ ሂንቴፔ ኣቲን፥ ሃራይ ታና ማዲቤና። #2ቆር 11፡9 16ኣዪሲ ጎፔ፥ ታና ሜቱ ኦይቄዳ ዎዴ፥ ሃራይ ኣቶ ታኒ ቴሴሎንቂያን ዴዒሺንካ ታና ዛሪ ዛሪዴ ማዴዲታ። #ኪት 17፡1 17ታኒ ሂንቴዋ ቦላ ሃራባይ ጉጄታናዋ ኮዪያዋፔ ኣቲን፥ ዎዪታ ፃላላ ኣካናው ኮዪኬ።
18ሺን ታኒ ሂንቴንቱ ኢሜዳዋ ኡባ ኣካዲ፤ ቃሲ ታው ፓላሂዴ ጊዲያዌ ዴዔ። ሂንቴ ኪቴዳ ኡባባ ኤፓፊሮዲቶሳፔ ኣካዲ፤ ኮሺያ ኡባይ ታው ዴዔ። ሂንቴ ታው ኪቴዳ ኢሙ ፆሳው ሳዉዋ ቶሺኩ ጊያኔ ኢ ዶሲያ፥ ኣ ናሼቺያ ያርሹዋ ማላ። #ኬስ 29፡18 19ቃሲ ታ ፆሳይ ባሬ ቦንቾ ዱሬቴ ዳሩዋን ኪሪስቶሲ ዬሱሳ ባጋና ሂንቴና ኮሺያዋ ኡባ ሂንቴንቶ ኢማና። 20ኑ ፆሳው፥ ኑ ኣዎ ሜናፔ ሜና ጋካናው ቦንቹ ጊዶ። ኣሜንዒ።
ዉርሴ ሳሮታ
21ኪሪስቶሲ ዬሱሳዋ ጊዲያ ፆሳ ኣሳቱዋ ኡባቱዋ ሳሮ ጊቴ። ታናና ሃዋን ዴዒያ ኢሻቱ ሂንቴና ሳሮ ጊኖ። 22ሃዋን ዴዒያ ፆሳ ኣሳቱዋ ኡባቱ፥ ኡባፔካ ኣዴ ካቲያ ቄሳሬ ጎሊያን ዴዒያዋንቱ ሂንቴና ሳሮ ጊኖ።
23ኑ ጎዳ ዬሱሲ ኪሪስቶሳ ኣ ኬካቴይ ሂንቴናና ጊዶ።
Currently Selected:
ፒሊጲሲዮሳ 4: dwrENT
Highlight
Share
Copy
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.
Learn more about Ooratha Caaquwaa