ፒሊጲሲዮሳ 3
3
ቱሙ ፂሎቴ
1ዉርሴን፥ ታናዳን ፆሳ ካሊያዋንቶ፥ ጎዳይ ሂንቴንቶ ናሼቻ ኢሞ። ታኒ ካሴ ፃፌዳዋ ዛሬዴ ፃፊያዌ ታና ዋዪሴና፤ ቃሲ ሄ ፃፊያዌ ሂንቴና ናጋና።
2ኢታባ ኦያዋንቱፔ፥ ሄ ካናቱዋ ኤሻይ ዴዒያዋንቱፔ፥ ቃፃራይ ኮሼ ጊያ ኣሳቱዋፔ ናጌቲቴ። 3ኣዪሲ ጎፔ፥ ኑኒ ፆሳ ጌሻ ኣያናን ፆሳው ጎዪኒያ ዲራዉኔ ኑ ዴዑዋን ጎዳ ኪሪስቶሳ ዬሱሳን ናሼቲያ ዲራው፥ ቱሙ ቃፃራ ቃፃሬቴዳዋንታ፤ ኣሳቴ ቦላ ኦሴቲያዋን ኣማኖኮ።
4ቃሲ ታው ታ ሁጲያንካ ታ ኣሳቴን ኣማኔቲያዌ ዴዔ። ኣይ ኣሳይኔ ባሬ ኣሳቴን ኣማኔቲያዌ ባሬው ዴዔ ጊዴ ቆፖፔ፥ ታኒ ኣፔ ሎይ ኣይ። 5ታኒ ዬሌቶዴፔ ሆስፑን ጋላሳን #3፡5 ታኒ ዬሌቶዴፔ ሆስፑን ጋላሳን፡ ሃዌ ኣዪሁዲያ ኣቱማ ናናይ ዬሌቶዴፔ ሆስፑን ጋላሳን ቃፃሬቲያዋ ቤሴ። ቃፃሬታዲ። ታኒ ዬሌታን ኢስራዔሊያ፤ ቢኒያማ ዛሬ፤ ዋላካይ ባዪና ኣዪሁዳ ኣሳ። ኣዪሁዳ ሂጊያ ናጊያዋን ጊዶፔ፥ ታኒ ፓሪሳዌ፤ 6ኣዪሁዳ ኣማኖ ሴላ ጊዶፔ፥ ታኒ ኣማኒያዋንታ ዋዪሳዲ፤ ኢቲ ኡራይ ሙሴ ሂጌው ኣዛዜቲዴ ፂሊያዋ ባጋ ጊዶፔ፥ ታናን ፖኮባይ ቤቲቤና።
7ሺን ታና ጎዒያ ሄ ኡባባ ኪሪስቶሳ ዲራው ባዬዳዋዳን ፓይዳይ። 8-9ቱማካ፥ ሄዋንቱ ፃላላ ጊዴና፤ ታኒ ታ ጎዳ ኪሪስቶሲ ዬሱሳ ኤሪያዌ ኡባባፔ ሎይ ኣያ ዲራው፥ ኡባባ ታና ሙሌካ ጎዔናዋዳን ፓይዳይ፤ ታኒ ኣ ዲራው ኡባባ ዬጋ ባሻዲ። ኪሪስቶሳ ዴማናዉኔ ኣናና ዴዓናው ኡባባ ዎራ ኦሌዳዋዳን ፓይዳይ፤ ታኒ ሙሴ ሂጌው ኣዛዜታዴ ዴሚያ ታ ሁጴ ፂሎቴይ ታው ባዋ። ኪሪስቶሳ ኣማኒና፥ ፆሳይ ኢሚያ ፂሎቴይ፥ ኣማኑዋን ፆሳ ማታፔ ዪያ ፂሎቴይ ታው ሃዒ ዴዔ። 10-11ታኒ ኪሪስቶሳኔ ኣ ዴንዱዋ ዎልቃ ኤራናው ኮያይ፤ ያታዴ ታኒ ታ ሁጴው ሃዪቁዋፔ ዴንዳና ያጊያዋን፥ ኣ ዋዪያ ኣናና ዋዬታናዉኔ ኣ ሃይቁዋን ኣ ማላታናው ኣሞታይ።
ጋኪያሳ ጋካናው ዎፂያዋ
12ታኒ ሃዒ ዴማ ዲጋዲ ዎይ ታናን ባሊ ባዋ ጊኬ። ሺን ኪሪስቶሲ ዬሱሲ ታና ባሬው ኦዳ ዎይታ ዴማና ጋዴ ኤሌላይ። 13ታናዳን ፆሳ ካሊያዋንቶ፥ ታኒ ሄዋ ዴማ ዲጋዲ ጋዴ ቆፒኬ፤ ሺን ታኒ ኢቲባ ኦይ፤ ታፔ ጉዬና ዴዒያዋ ዶጋዴ ሲንን ዴዒያዋ ኦይቃናው ዋታይ። 14ፆሳይ ኪሪስቶሲ ዬሱሳ ባጋና ቦላ ዴዑዋሲ ፄሲያ ዎይታ ኣካናው፥ ታ ጋካናው ዎፃይ።
15ሲሚ ኑኒ ኣያናን ሚኔዳዋንቱ ኡባቱ ሃዋ ቆፓናው ቤሴ፤ ቃሲ ሂንቴፔ ኣማሬዳዋንቶ ኣያኒኔ ዱማ ቆፋይ ዴዖፔ፥ ሄዋካ ፆሳይ ሂንቴንቶ ቆንጪሳና። 16ጊዶፔካ፥ ኑኒ ሃኖ ጋካናው ዴዔዳ ማራዳን፥ ኣኔ ሲንው ሄ ማራ ካሎይቴ።
17ታናዳን ፆሳ ካሊያዋንቶ፥ ታኒ ሃኒያዋዳን ሃኒቴ። ኑኒ ሂንቴንቶ ሌሚሱዋ ጊዴዶ፤ ሄዋዳን ሂንቴካ ኑኒ ሂንቴንቶ ሌሚሱዋ ጊዴዳ ማራ ካሊያዋንታ ኣኬኪቴ። 18ኣዪሲ ጎፔ፥ ታኒ ሄዋ ሂንቴንቶ ካሴ ጮራቶ ኦዳዲ፤ ቃሲ ሃዒ ላዔዋካ ኣፎፃዴ ሂንቴንቶ ኦዳይ፤ ኪሪስቶሲ ማስቃሊያ ቦላ ሚሲማሪያን ሼቲዴ ሃዪቄዳዎ ባሬንቱ ሼምፑ ባሬና ሞርኬ ኦዳ ዳሮ ኣሳቱ ዴዒኖ። 19ኡንቱንቱ ዉርሴይ ባሻ፤ ኡንቱንቱ ኡሉ ኡንቱንቶ ፆሳ፤ ዬላታናው ቤሲያዋን ኡንቱንቱ ኦቶሬቲኖ፤ ቃሲ ሃ ሳዓባ ፃላላ ቆፒኖ። 20ኣዪሲ ጎፔ፥ ኑ ቢታይ ሳሉዋና፤ ኑኒ ቃሲ ሳሉዋፔ ያና ኑና ኣሺያ ጎዳ ዬሱሲ ኪሪስቶሳ ናጌቶ። 21ኪሪስቶሲ ኡባባ ባሬፔ ጋርሳን ዎናው ዳንዳዪያ ባሬ ዎልቃን፥ ኑ ዳቡራንቻ ኣሳቴ ላሚዴ፥ ባሬ ቦንቾ ኣሳቴ ማላቲሲዴ ኦና።
Currently Selected:
ፒሊጲሲዮሳ 3: dwrENT
Highlight
Share
Copy
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.
Learn more about Ooratha Caaquwaa