1 ቴሴሎንቃ 3
3
1ሄዋ ዲራው፥ ኑሲ ጌንጫናው ዳንዳዬቴናን ኢፄዳ ዎዴ፥ ኣቴና ጊያ ካታማን ኑሬካ ኣታናው ቆፋ ቃቼዶ። 2ሂንቴና ዞራናዳኒኔ ሂንቴንቱ ኣማኑዋን ሂንቴና ሚኒሳናዳን፥ ፆሳው ኦያ ኑ ኢሻ፥ ኑናና ኢቲፔ ኪሪስቶሳ ሚሺራቹዋ ቃላ ኦዲያ ፂሞቶሳ ሂንቴኮ ኪቴዶ። 3ሃ ዋዪያ ጋሱዋን ሂንቴፔ ኦኒኔ ጉዬ ሲሜና ማላ፥ ኣ ኪቴዶ። ኑኒ ሄዎ ዶሬቴዳዋ ሂንቴንቱ ሂንቴንቱ ሁጴው ኤሪታ። 4ኣዪሲ ጎፔ፥ ኑኒ ሂንቴናና ዴዒዴ፥ ኑኒ ዋዬታናዋ ካሴቲዴ ሂንቴንቶ ኦዴዶ፤ ቃሲ ሂንቴንቱ ኤሪያዋዳንካ ካሴ ሄዋዳን ሃኔዳ። 5ሄዋ ዲራው፥ ቃሲ ጌንጫናው ታው ዳንዳዬቴናን ኢፄዳ ዎዴ፥ «ኦኒ ኤሪ ፃላሂያ ካፑ ሂንቴና ፓጬናን ኣጌና። ኑ ዳቡራዪካ ሜላ ጊዴናን ኣጌና» ያጋዴ ሂንቴንቱ ኣማኑዋ ኤራናው ፂሞቶሳ ሂንቴኮ ኪታዲ።
6ሺን ሃዒ ፂሞቶሲ ሂንቴንቱ ማታፔ ኑኮ ዪዴ፥ ሂንቴንቱ ኣማኑዋባኔ ሂንቴንቱ ሲቁዋባ ሂንቴንቶ ሚሺራቹ ጊዴ ኑሲ ኦዴዳ። ቃሲ ኑኒ ሂንቴና ቤዓናው ላሞቲያዋዳን ሂንቴካ ኑና ቤዓናው ላሞቲዴ፥ ኡባ ዎዴ ኑሲ ሎዖባ ቆፒያዋ ኢ ኦዴዳ። 7ሄዋ ዲራው፥ ኑናዳን ፆሳ ካሊያዋንቶ፥ ኑ ዋዪያኒኔ ኑ ቱጋን ኡባን ሂንቴንቱ ኣማኑዋ ባጋና ሂንቴዋን ኑ ሚኔቴዶ። 8ጎዳን ሚኒዴ ሂንቴንቱ ዴዖፔ፥ ኑኒካ ሃዒ ዴዔቶ። 9ኣዪሲ ጎፔ፥ ኑኒ ሂንቴባው ፆሳ ጋላቴቶ። ኑኒ ኑ ፆሳ ሲንን ሂንቴንቱ ዲራው ዴዒያ ናሼቻ ኡባው ኣ ዳሮ ጋላቴቶ። 10ኑኒ ሂንቴና ቤዓናዉኔ ሂንቴንቱ ኣማኖ ፓጬዳዋ ኩንናው፥ ቃማኔ ጋላሲ ኑ ኩሜን ዎዛናፔ ፆሳ ዎሴቶ።
11ኑ ኣዉ፥ ኑ ፆሳይ ባሬ ሁጴው፥ ቃሲ ኑ ጎዳይ ዬሱሲ ኪሪስቶሲ ኑኒ ሂንቴኮ ቢያ ኦጊያ ኑሲ ጊጊሶ። 12ኑኒ ሂንቴና ሎይ ሲቂያዋዳን፥ ጎዳይ ሂንቴንቱ ኢቱ ኢቱዋ ሲቂያ ሲቁዋኔ ቃሲ ኣሳ ኡባ ሲቂያ ሲቁዋ ሂንቴንቶ ዳሪሶኔ ጉጆ። 13ኑ ጎዳይ ዬሱሲ ባሬ ጌሻቱዋ ኡባና ዪያ ዎዴ፥ ኑ ፆሳ፥ ኑ ኣዉዋ ሲንን ሂንቴ ዎዛናይ ጌሻኔ ፖኩ ባይናዋ ኡዲዴ፥ ሂንቴና ኢ ሜን።
Currently Selected:
1 ቴሴሎንቃ 3: dwrENT
Highlight
Share
Copy
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.
Learn more about Ooratha Caaquwaa