Wule-woo-ŋa 1
1
Gɔlɔ-kpuai maa-ŋuŋ
(1:1--41:13)
Tɔ̃yâ lii-nɛ̃ɛ
1Lûwa káa diai dîa
dífa díwoli tɔ̀ɔ núu ŋ̀wana-lɔ̂ɔ-ƃelai dília-woo mai,
kpaa máŋ dí dítûa-pere maa kɔ́ri,
kpaa máŋ dí pîlaŋ diai pôlu dífe kpáaŋ ní Ɣâla mɛni mai.
2Kɛ́lɛ dí Yâwɛɛ ŋɔtɔ̂ŋ wɛ́lini,
díkɛ m̀aa kɔ̂ri a kpíni da fólo.
3Díkaa yɛ̂ɛ sí-sãa nyii-ŋai dísiɣɛ̂i yá kɔlɛi.
Da kpɛ̂tɛ díkɛ ƃà tãi ma.
Dílaa fa wɔ́lɔ kpàla dîa.
Díkɛ mɛni kélee ŋ̀aa-see a kɛɛ̂ a ǹɛ́lɛɛ díyêei.
4Kɛ́lɛ ŋ̀wana-lɔ̂ɔ-ƃelai dífe yɛ̂ɛ dia a dɔnɔ kpîŋ.
Díkaa nɔ́ yɛ̂ɛ kala kpâla nyii fãa a ǹokwa nɔ́ é tɛ́ɛ lai.
5Ɣâla a pâi ŋ̀wana-lɔ̂ɔ-ƃelai kula maa kɛ̂i.
Vé pâi fâai ma díta é lɛ́ɛ ŋɔnûai sáma.
6Yâwɛɛ ƃa dɔ̃yâ-ƃelai téniŋ tɔ̀ɔ gɛ́ dímaa kɔ̃ɔ.
Kɛ́lɛ a ŋ̀wana-lɔ̂ɔ-ƃelai su-kara.
Currently Selected:
Wule-woo-ŋa 1: KWB
Highlight
Share
Copy
Want to have your highlights saved across all your devices? Sign up or sign in
© 2012 Bible Society in Liberia