Neeuŋ 1
1
1Ɣâla ŋɔworɛ̂-wooi ká ŋí é pîlaŋ Ninivɛ ma. Gɔlɔi bîlaŋɔɔ̂i Neeuŋ ŋɔzĩ̂ai ma nyii kùla Eekɔi.
Yâwɛɛ ŋɔlii-ŋwanai Ninivɛ mai
2Yâwɛɛ káa a tólo Ɣala,
gɛ́ mɛni nyɔ́mɔɔ kula maa kɛ̂,
gɛ́ mɛni gba kùla a lii-ŋwâna pere.
Yâwɛɛ a tɔ̂ŋ pù diai dîa mɛni ma dí tɔɔ̂i mai.
3Wála-wâla-laa káa Yâwɛɛ yêei,
kɛ́lɛ ǹíi ŋwana la fé nɛ̃ɛ ní.
Ǹyaŋ a pâi zɔnyɔ̂ŋ-ƃelai kùla maa kɛ̂i.
Ƃɛ́i Yâwɛɛ a sîa naai, fãa su kpanaŋɔɔ a tɛ̂ɛ naa,
ǹyaŋ ŋ̀ele-kɔ̂lɔŋ kolei ƃa gɔ́ɔ ŋá muluŋ.
4A gɛ́ Yúo é kpála
da ǹyá lêe-ŋai kélee.
A gɛ́ Basãŋ lɔii da Kamɛɛ Yeei ma wuru-ŋai dí fɔ̃ya,
Lɛƃanɔŋ wuru poa-ŋai dí kpála.
5Ǹyée kpaya-kpaya da kpɛ̃liŋ Yâwɛɛ ŋɛ́i túɛ,
ǹyée pɛlɛ-pɛlɛɛi dí séɣeŋ gɔ́ɔ mu.
Ǹɔii da zãai kélee ŋ̀éniɛi sui dí lɛ́ɛ kpɛ́ni-kpɛni ŋ̀ɛi-tuɛ.
6Gbɛ̂ɛ ƃa pɔ̂ri tɔɔ̂i Yâwɛɛ ŋɔlii-ŋwânai túɛ?
Gbɛ̂ɛ ƃa pɔri ǹíi kpelêi Yâwɛɛ ŋɔwála-wala lii-ŋwana fãai yêei?
Ŋɔlii-ŋwânai a pâ yɛ̂ɛ ŋɔŋ, é gɔni-ŋai ƃéla-ƃela.
7Yâwɛɛ sɔŋ lɛ̂lɛɛi,
wála-wala kɛ́tɛ káa ǹyêei é diai kúla mɛnii dí láai lai,
tãi mɛni kpɔ̂lu a pâ lai.
8Kɛ́lɛ a pâi ŋɔkpɔara kwaa-ŋai ma su karâi a ya fɛ̂ɛ kɛ́tɛɛ,
é ŋɔkpɔara-ƃelai pú kpînii wɔ́lɔ-wɔlɔ da wɔ́lɔ-wɔlɔ.
9Lé mɛni nyɔ́mɔɔ ƃé ƃa gbɛtɛ̂i íkili-ŋá Yâwɛɛ mɛni mai?
A pâi ímɛni kpɛtɛɛi su karâi wɔ́lɔ-wɔlɔ da wɔ́lɔ-wɔlɔ.
Núu da fa mɛni nyɔ́mɔɔ kɛ̀ la gîei feerɛ.
10Berei máŋ Ɣâla ŋɔkpɔara-ƃelai kɛ́ɛi la yɛ̂ɛ ŋalêŋ kpɔlɔ a sìa gîei,
a pâi dísu-kara yɛ̂ɛ berei ŋɔŋ a kala kpâla kèreŋ lai.
11Núu da fé kula ní kásama é mɛni nyɔ́mɔɔ kpɛtɛ Yâwɛɛ láa ma da ŋwana lɔ̂ɔ mɛni? 12Nya ƃe Yâwɛɛ è mò ǹyɛɛ, “Berei máŋ Asiria tâmai la dí wála-walai, ŋa pâi dísu karâi. Berei máŋ ŋá mɛni ŋánaa kɛ̀ la a káai, fé pâi ŋɔ́nɔ da kɛ̂i a káa. 13Ŋa pâi kákpɔara-ƃelai díkɔŋ ma kpɔnɔ̃i kulâi kákɔŋ ma ŋá díyɔlɔi kúla kákɔɔ ma.”
14Yâwɛɛ a tɔ̂ŋ tɛɛ kámɛni ma ǹyɛɛi, “Kálaa fé pâi ŋɔ́nɔ kɛ̂ɛ ɣele ma. Ŋa pâi Káɣâla-ŋai su-karâi. Ŋa pâi káƃolôŋ kpɛtɛ̂i, ka pâi sai.”
15Ka gáa, ŋ̀orɛ̂-woo ƃó-nuui kɔ́ɔ mu tiŋ káa tɛ̂i ǹyéei su gɛ́ pà a duŋ lɛ́lɛɛi lii-sêe mɛni ma! Óo Zuda-ƃela, ka kɛ́ nɔ́ kúu kɛ̂i ḿâ, ká kákono têe-ŋai ŋ̀aa-see kɛ́, kpɛ́ni fêi, ŋ̀wana lɔ̂ɔ nuui fé pâi pâi ŋɔ́nɔ kápɔ a saa.
Currently Selected:
Neeuŋ 1: KWB
Highlight
Share
Copy
Want to have your highlights saved across all your devices? Sign up or sign in
© 2012 Bible Society in Liberia