Neeuŋ 2
2
Nivivɛ è wòlo
1Íkpɔara-nuui a pá gêtii lá-ƃerei.
Ka berei su káa.
Ka káƃɛ̂tii ɣíri a gbanaŋɔɔ.
Ka kákɔ-kɔ seɣe-ŋai tóo kâa.
2Ǹyaŋ Yâwɛɛ káa Zeeka ŋɔwála-walai tɛɛ̂i bɔ́ pôlu yɛ̂ɛ berei è gɛ̀ la a ŋɔkpɔara-ƃelai dí lɛ́ɛ pâi ǹyee mɛi ɣâlei.
3Ŋɔkɔ-kuluƃa-ŋai dí kɔ́-kɔ sãai a kpɔ̂lu,
dímaa ɣîri seɣe-ŋai díkɛ kpɔ̂lu.
Díkɔ-kɔ seɣe-ŋai da kpɔ̂lu.
Da kɛ̀ kîrɛ siɣêi díkɛɛ yɛ̂ɛ ŋɔŋ a kɛ̀ lenîi,
zia-ƃela díkɛ pìli-pili.
4Gɔ́-kɔ keleŋ-ŋai dí pìli daai su a kîrɛ,
díkɛ lɔ̀-lɔ bɛ́rɛ-ŋai loai,
díkɛ fòlo yɛ̂ɛ kpáleŋ leŋ,
díkɔɔ mu tiŋ kɛ́ tɛ̀ yɛ̂ɛ ŋ̀ele-gbâna.
5Da gɔ́-kɔ-ƃelai tóli,
díkɛ kàreŋ, díkɛ lì,
díkɛ lì a kîrɛ ziɣãŋ ma.
Da díkɔ-kɔ sãai ŋáa tɛ̂i ma gɔ́-kɔ kwaai ma.
6Ziɣãŋ lá kpéli-ŋai ǹyái lái, lá a ƃó,
gâloŋ ŋɔpɛ́rɛi mu kɛ́ ƃò wúlee.
7Da lí a ŋɔkâloŋ nɛnii luɛ lâa su.
Ǹyée mu-nɛyãai da malôŋ see ƃôi yɛ̂ɛ tòloŋ,
díkɛ díkeŋe lá lòkwa.
8Ninivɛ kɛ̂ɛi yɛ̂ɛ póa a kpàla.
Dí ǹaa-ƃelai kélee sóŋ díkɛ lì a dia
díkɛ wɔ̀lɔ dîyɛɛi,
“Ka tée kûa! Ka tée kûa!”
Kɛ́lɛ núu da fé ŋ̀óli tɔɔ ní dîa.
9Ka gáne-ŋai síɣe,
ká gôo-ŋai síɣe!
Tɔɔ sãa táma káa daai su,
kpaa máŋ sɛŋ sɔ̃ɔ kpanaŋɔɔ támaa.
10Ninivɛ a lɛɛ a vólo!
Ǹûai díkɛ fòa, díkɔɔ ma kɛ́ kpɛ̃̀liŋ,
dílii kɛ́ sɛ̀lɛŋ, díŋɛi yoloɔɔ.
11Ǹyála-sûlu koraŋ kɔɔ,
ƃɛ́i ǹyála-sûlu lonii da kâa kɛ̀ naa
ǹyála-sûlui kɛ́ pà a díkɔnɔ̃ŋ,
ƃɛ́i da ka kɛ̀ naa sɛŋ da fa lɛ̂ɣɛ dîai?
12Ǹyála-sûlui a sua támaa pàa
é dísu tée-tee záa mɛni ma da ǹônii.
A ŋɔkóraŋ láa fɛ̀ɛ a sua tée-tee.
13Ŋ̀wála-wâla kélee Yâwɛɛ a môi, ǹyɛɛ, “Gáa, ńdɔɔ̂i yâ, ŋa pâi íkɔ-kɔ keleŋ-ŋai kérenîii, ƃóa-sɔ̂kpɔ é íkɔ kɔ́-ƃelai páa. Ŋa pâi íkɔnɔ̂ŋ kpɛɛ̂i ǹɔii ma, núu fé pâi ŋɔ́nɔ íworɛ̂-woo ƃó-ƃelai wóo mɛnîi.”
Currently Selected:
Neeuŋ 2: KWB
Highlight
Share
Copy
Want to have your highlights saved across all your devices? Sign up or sign in
© 2012 Bible Society in Liberia