Zɛkɛrâya Tuɛ mɛni ƃóɔɔ
Tuɛ mɛni ƃóɔɔ
Zɛkɛraya è wɔ́lɔ kɛ̀ a Ɣâla ŋɔlóno kɛ́-ƃelai dɔnɔ, gɛ́ ƃò ŋɔ́nɔ a sâla láa-soŋ-nuu. Ɣâla è wɔ́lɔ worɛ̂ tɛ̀ɛ la a gɛɛ é mó Eezuɛ-ŋai dîa.
Zɛkɛraya è Ɣâla ŋɔwóoi ƃò tãi Dâlɔ è wɔ́lɔ kɛ̀ la a kâloŋ Pɛsia lɔii mɛi. Zɛrɛrâya è kɛ̀ ɣele ma a tãi tɔnɔi Ɣâla ŋɔlóno kɛ́-nuui Eegai è kɛ̀ la ɣele mai.
Zɛkɛraya ŋɔkɔlɔi ŋáa kɔlɛ̂ɛi gîei feerɛ. É síɣe gɔlɔ-ŋuŋ 1--8 ma káa a zĩ̂a lɔ́ɔlu mɛi saaƃa nyii-ŋai a lônoi é pîlaŋ berei ma díkɛ pâi Zerusâlɛŋ tɔɔ̂i la pôlui, berei dí Ŋ̀âla-pɛrɛ Kɛ́tɛi tɔ̀ɔ lai, da berei dí wɔ́lɔ Ɣâla ŋɔnûai maa-waa lai, é pɛ́lɛ Kôrai maa mɛni ma.
Gɔlɔ-ŋuŋ 9--14 káa a mɛni-pɔ̂lɔ-ŋa nyii-ŋai a lôno é pîlaŋ m̀ɛni-ŋai dîa pâi kɛ̂i tínaa tuɛ-pere, da díkpîŋ kpɛtɛ mɛni ma Kôrai pá mɛni ma, é pɛ́lɛ m̀ɛni ŋa-teɛɛi gbɛɛ-ŋai ma.
Zɛkɛraya è gɔlɔi ŋí pɔ̃̀yɛ gôraŋ 520 da 518 loai dílɛɛ pâi Kôrai maa sɔlɔ ƃôi.
M̀ɛni-ŋûŋ-ŋai gɔlɔi ŋí sui
Lia-wôo da kili kɛ̀ zú maa worɛ-woo (1:1--8:23)
Eezuɛ kɔlɛ ma-ƃelai kula maa kɛ́ mɛni (9:1-8)
Lii-sêe da mɛni lɛ́lɛɛ tínaa tuɛ-pere mɛni ma (9:9--14:21)
Currently Selected:
Zɛkɛrâya Tuɛ mɛni ƃóɔɔ: KWB
Highlight
Share
Copy
Want to have your highlights saved across all your devices? Sign up or sign in
© 2012 Bible Society in Liberia