Zɔ̂ŋ Tuɛ mɛni ƃóɔɔ
Tuɛ mɛni ƃóɔɔ
Zɔ̂ŋ è Zîsɛ lɛ̀ a Ɣâla Ŋɔwɔ́lɔ-wɔlɔ da wɔ́lɔ-wɔlɔ Wooi. Ǹyɛɛ ŋ̀óoi ŋí è m̀aa fâleŋ a núu é pá gɛ́ ƃò núu-kpune sáma (gɔlɔ-ŋûŋ 1:14). Zɔ̂ŋ è gɔlɔi pɔ̃̀yɛ a gɛɛ nûa da ǹono dí láa la a gɛɛ Zîsɛ káa a Ɣâla ǹóŋ. Ɣâla è góno tèe la a gɛɛ a pâi dɛɛ̂i é ŋɔnûai ŋuŋ ma ƃó dí kúla dísɔnyɔ̂ŋ-ŋai su. Ǹyaŋ da làa la, fúlu-laa a pâi kɛ̂i díyêei (gɔlɔ-ŋuŋ 20:31).
Gɔlɔi ŋí kɔ́ɔ pîlani è Zîsɛ maa mɛ̂ni ŋáa lɛ̀ a gɛɛ ǹyaa ƃé gáa a Ɣâla ŋɔwɔ́lɔ-wɔlɔ da wɔ́lɔ-wɔlɔ Wooi. È ŋɛi kɛ́-maa-ŋa lɛ̀ máŋ nyii-ŋai da ǹɛ a gɛɛ Zîsɛ ƃa ŋ̀uŋ ma ƃô-nuui Ɣâla è góno tèe lai. Gáa a Ɣâla Ǹóŋ a tɔ̃yâ. Mɛni-ŋa díkaa nyíŋi pôlu ma nyíi-ŋai da ŋ̀ɛi kɛ́-maa-ŋai mɛni lɛi. Gɔlɔi ŋí a ǹɛ a gɛɛ nûa da-ŋa dí kɛ̀ a dí láa a Zîsɛ maa mɛni da-ŋa tɔ́ɔ m̀a. Gɔlɔ-ŋuŋ 13--17 a ǹɛ berei Zîsɛ da ŋɔpôlu-ƃelai díkɛ̀ la díkîe ma gbɔara-ƃelai díkɛ zòŋ a gbínii, gɛ́ɛ gbîŋ kpɛtɛ̂i maa woo-ŋai da ǹii-kûla woo-ŋai è m̀o dîa díkɛɛ pâi gbamôi ŋ̀úru su-tíyeŋɔɔ̂i ma maa tûa ɣelei. Gɔlɔi ŋí gbɛɛ ŋá mɛni pɔlɔ-ŋai ƃa berei dí Zîsɛ sòŋ la dí zu-kɔ̂ɔŋ, dí gbamo ŋ̀úru su-tíyeŋɔɔ̂i ma é sáa, é m̀u-siɣe saa yêei, é kúla ŋɔpôlu-ƃelai ŋɛ́i é tɛ́ ɣâla-taai.
Káraŋ tínaŋɔɔ̂i ǹɛnîi dí zòŋ wulu-wulu kɛ̂i maa mɛni pɔlɔi ma (gɔlɔ-ŋuŋ 8:1-11). Dí gɛ̀ tí, kpɛ́ni fêi, gɔlɔ pɔ̃yɛ-ƃelai dámaa ɣele dífe bɔ̃̀yɛ ní Ŋ̀âla-kɔlɔi su a m̀aa-ŋuŋ, ǹyaŋ diai kɛ̀ benêi zîi-woo-ŋai sui, dífe gáa ní. Kɛ́lɛ gɔlɔ pɔ̃yɛ-ƃelai da-ŋa dí bɔ̃̀yɛ kwaa da kpɛ́ni-ŋa ma.
Zɔ̂ŋ è lòno kpɔ́ a gbanaŋɔɔ é pîlaŋ ŋ̀ɔ́lɔ-wɔlɔ fulu-laa sama-sɛŋ ma. Ǹyɛɛ núu a pɔ̂ri nɔ́ vúlu-laai ŋí sɔlɔ ƃôi Zîsɛ Kôrai sârai. Ǹyaŋ diai da zɔlɔ ƃôi ƃa diai da díyee sèe Zîsɛ mu a gɛɛ ǹyaa ƃa berei, dɔ̃yâi da vúlu-laai. Zɔ̂ŋ maa mɛ̂ni káa a ŋɛi kɛ́-maa núu-kpune ŋɔɣele kélee kɛ-ɣeniɛi su nyíi a ǹɛ a gɛ́ɛ M̀ɔlêŋ maa mɛni káa a tɔ̃yâ yɛ̂ɛ yá, kpólo da kwaa ponoɔɔ núu-kpune mɛni ma, gɛ́ ƃò yɛ̂ɛ ƃála da m̀ɛi káa-nuu, wúru da m̀á.
M̀ɛni-ŋûŋ-ŋai gɔlɔi ŋí sui
Gbua maa-ŋuŋ (1:1-18)
Batâi kɛ́-nuui Zɔ̂ŋ da Zîsɛ ŋɔpôlu-ƃelai maa-ŋuŋ (1:19-51)
Zîsɛ è ŋɔtíi kɔ́ɔ pìlaŋ (2:1--12:50)
Vólo-ŋai gbɛɛ-ŋai Zerusâlɛŋ da ǹaa kɔlɛ ma (13:1--19:42)
Ǹúu-namui è mu-sìɣe saa yêei é kúla nûa ŋɛ́i (20:1-31)
Gbuâi gbɛɛ-ŋai: È kula ŋɔ́nɔ nûa ŋɛ́i Galalii (21:1-25)
Currently Selected:
Zɔ̂ŋ Tuɛ mɛni ƃóɔɔ: KWB
Highlight
Share
Copy
Want to have your highlights saved across all your devices? Sign up or sign in
© 2012 Bible Society in Liberia