Azaya Tuɛ mɛni ƃóɔɔ
Tuɛ mɛni ƃóɔɔ
Ɣâla ŋɔlóno kɛ́-nuu kɛ́tɛi Azaya ƃé dí ǹáa sèe gɔlɔi ŋí ma. Azaya seɛ́ɛ è kɛ̀ Zerusâlɛŋ taa-leei su a góraŋ ŋuŋ lɔ́ɔlu mɛi saaƃai (800) kpɛɛ ŋá dí lɛ́ɛ pâi Kôrai maa sɔlɔ ƃôi. Gɔlɔi ŋí ŋáa kɔlɛ̂i gîei saaƃa.
1) Gɔlɔ-ŋuŋ 1--39, Asiria da Zuda díloai laa-saai. Azaya è gàa a gɛɛ Asiria fé kɛ́ ní a Zuda kpɔara lɔii kpîŋ. Kɛ́lɛ Azaya è gàa a gɛɛ Zuda-ƃelai dísɔnyɔ̂ŋ, díwolii-kpɔ̂lɔi da díwoo pîlii dí gɛ̀ a Ɣâlai ƃé gɛ̀ Asiria kɛ́ tɔ̀ɔ dîa. Ɣâla ŋɔlóno kɛ́-nuui Azaya è ǹûai tòli da dílaa túɛ-ƃelai é dília-woo ƃó a gɛɛ díkɛ a teniŋ ƃô-ƃela díkɛ̀ ɣeniɛi su. È dília-woo ƃò a gɛɛ da wàla díwoli tɔ́ɔ Ɣâla ma kpalo a pâi ƃêlai dîa dísu é kara. Azaya è lii-sêe maa mɛ̂ni ƃò nyíi pâi pâi tínaa tuɛ pere ŋ̀éniɛi gwaa kélee su-ƃelai mɛ̂ni mai. È ŋɔ́nɔ ǹii-see ɣeniɛi ŋí mɛi kâloŋ maa mɛ̂ni ƃò nyii pâi kulâi Gâloŋ Deeƃé ŋɔsuui sûi.
2) Gɔlɔ-ŋuŋ buu náaŋ é tóo buu lɔ́ɔlu kao lɔ́ɔlui ma (40--55) pîlaŋɔɔ̂i tãi ma Zuda-ƃelai dámaa dí kɛ̀ la kɔ-sôŋ-laa su Babelɔŋ lɔii sui. Ǹûai ŋí dí m̀ɔ̃lɛ kpɔ́ a ŋ̀ánaa gɔ-sôŋ-laai su. Kili-kɛ-zu fé ŋɔ́nɔ kɛ́ ní díyêei. Kɛ́lɛ Ɣâla ŋɔlóno kɛ́-nuui Azaya è m̀o dîa a gɛɛ Ɣâla a pâi díŋuŋ ma ƃôi a ɣele tɔ̂nɔ da dí lene pôlu dípɔ-taai Zerusâlɛŋ dí ɣéniɛ nina kɔ́ɔ pîlaŋ. M̀ɛni-ŋûŋ kpîŋ-kpiŋ gɔlɔ-ŋuŋ-ŋai ŋí sui ǹyaa ƃa Eezuɛ-ŋai dísuui da maa mɛ̂ni-pɔlɔ-ŋai kélee kɔ́ɔ è pìlaŋ Ɣâla yêei. Ɣâla è gbɛ̀tɛ a gɛɛ ŋɔnûai dí lí ŋ̀éniɛi gwaa kélee dí ŋɔwóoi ƃó naa. Da gɛ̀ tí, gɛ̀ ní, ŋ̀éniɛi su-ƃelai kélee da pâi lûwa sɔlɔ ƃôi dísârai. M̀ɛni-ŋûŋ kpanaŋ kpîŋ Gbanaŋ-woo-kɛ́ɛ Pɔlɔi sui ǹyaa ƃa m̀ɛni pɔ̂lɔi bîlaŋɔɔi Ǹuu-namui ŋɔtíi kɛ́-nuui mai.
3) Gɔlɔ-ŋuŋ buu lɔ́ɔlu kao lɔ́ɔlu mɛi dai é tóo buu lɔ́ɔlu mɛi da kao lɔ́ɔlu mɛi dai (56--66) ma pîlaŋɔɔi tãi ma Eezuɛ-ŋai dí kùla la gɔ-sôŋ-laai su dí pá pôlu dípɔ-taai Zerusâlɛŋ. Dí kɛ̀ a díwoli tɔɔ́ a gɛɛ dí mɛni a gɛɛ gono-têei Ɣâla è gɛ̀ díyêei a pâi ŋ̀aa-see kɛ̂i. M̀ɛni-ŋai kpîŋ dí kɛ̀ díkili ŋa-siâi mai, ǹyaa ƃa a gɛɛ dí kɛ́ a teniŋ ƃô-ƃela díkîe-ni mɛni ma, dí víi tɔɔ-ɣelei mɛi káa mɛni kɔ́ɔ pîlaŋ, dí kɛ́ zâla-ŋai kùla, dí kɛ́ ŋɔ́nɔ Ɣâla fɛ̀li yɛ̂ɛ berei da kâa gɛ̀ lai. Gɔlɔ-woo kpua-kpuai núu támaa dí gɔ́lɔŋ gɔlɔi ŋí sui káa gɔlɔ-ŋuŋ 61:1-2. Zîsɛ è ŋ̀óo-ŋai ŋí ƃò a tãi è pɛ̀lɛ la ŋɔtíi ma a gɛɛ é ǹɛ́ a gɛɛ Ɣâla ƃé dɛ̀ɛ ŋɔtíi kɛ́ mɛni ma.
M̀ɛni-ŋûŋ-ŋai gɔlɔi ŋí sui
Lia-wôo da kono-têe-ŋa (1:1--12:6)
Ǹɔii-ŋuŋ-ŋai kula maa kɛ́ mɛni (13:1--23:18)
Ŋ̀éniɛi su-ƃelai dímɛni ŋá tée mɛni Ɣâla mì (24:1--27:13)
Lia-wôo da kono-têe da kpɛ́ni-ŋa (28:1--35:10)
Zuda kaloŋ Ɛsekaya da Asiria-ŋai (36:1--39:8)
Kono-têe da kili-kɛ-zu worɛ-woo-ŋa (40:1--55:13)
Lia-woo da kono-têe woo-ŋa (56:1--66:24)
Currently Selected:
Azaya Tuɛ mɛni ƃóɔɔ: KWB
Highlight
Share
Copy
Want to have your highlights saved across all your devices? Sign up or sign in
© 2012 Bible Society in Liberia