Tɛsɛlôniɛŋ Veerɛi Tuɛ mɛni ƃóɔɔ
Tuɛ mɛni ƃóɔɔ
Tɛsɛlonaika-ŋai dí kɛ̀ ŋ̀wɛ̂lii dí gɔ́lɔŋ lé tãi kpîŋ-kpîŋ ƃé Zîsɛ a pâi pâi la pôlui. M̀ɛnii ŋí maa yoo-yooi su è kɛ̀ nɔ́ kɛ̂tɛi Ŋ̀âla-pɛrɛi mu Tɛsɛlonaika. Gɔlɔi veerɛi-ɣelei ŋí Zia-nuui Pɔ̂ɔ è bɔ̃̀yɛ Tɛsɛlonaika-ŋai pɔ́ naai ŋuŋ kpîŋ ƃé kɛ̀ a gɛ́ɛ é m̀ɛnii ŋí ŋá lɛ́ dîa. Ǹyɛɛ dîa diai dílaâi la a gɛ́ɛ Kúnuu-namui pá ɣelei aâ gbâa serii vé tí a tɔ̃yâ. È m̀o dîa a gɛ́ɛ Kôrai é lɛ́ɛ pâi pâi, mɛni nyɔ́mɔɔ kɛ́ɛ da ŋwana-lɔ̂ɔ tua-ŋai su a pâi kɛ̂tɛi é tɛ́ɛ gɛ̂i ma. Ǹyɛɛ dîa m̀ɛni-ŋai ŋí da pâi kɛ̂i kɛ̂i ǹuui nyíi da dòli a “Ŋwana-lɔ̂ɔ Nuu” mĩli-miliɛɛi ŋɔwála-walai mu (gɔlɔ-ŋuŋ 2:3). Ǹuui ŋí a pâi kɛ̂i a dɔ̀ɔ Kôrai ma.
Zia-nuui Pɔ̂ɔ a m̀ôi kpɔ́ Kôrai-ƃelai dîa a gbanaŋɔɔ a gɛ́ɛ dí lɛ́ɛ a dítɔɔ̂i kpanaŋɔɔ dílaa-lai su a nɛ̃ɛ ma kpîŋ mɛni pôlu é pá dípɔ dí kɛ́ m̀ɔ̃lɛ díkɛ-ɣeniɛi su yɛ̂ɛ berei ǹyaa Zia-nuui Pɔ̂ɔ da m̀arâa tii kɛ́-ƃelai dí kɛ̀ la a dítɔɔ̂i kpanaŋɔɔ dífɔlɔ-fɔlɔɔ mɛni lɛ́lɛɛ kɛ́ɛ sui.
M̀ɛni-ŋûŋ-ŋai gɔlɔi ŋí sui
Tuɛ mɛni ƃóɔɔ (1:1-2)
Laa ma tɛ̂ da sɛɣɛ-fêi (1:3-12)
Gili-ŋa-pono-ŋai bîlaŋɔɔi Kôrai páa pôlui mai (2:1-17)
Kôrai-ƃelai tûa-pere maa kíli kùla woo-ŋai (3:1-15)
Gɔlɔi gbɛɛ ŋá woo-ŋai (3:16-18)
Currently Selected:
Tɛsɛlôniɛŋ Veerɛi Tuɛ mɛni ƃóɔɔ: KWB
Highlight
Share
Copy
Want to have your highlights saved across all your devices? Sign up or sign in
© 2012 Bible Society in Liberia