Samia Veerɛi Tuɛ mɛni ƃóɔɔ
Tuɛ mɛni ƃóɔɔ
Samia kɔlɔi veerɛi ŋí fé a kɔlɔ da kpɛ́ni. Gáa nɔ́ a Samia kɔlɔi maa-ŋuŋ láa kulâi. Dí gɔlɔi ŋí ŋáa kɔ̀lɛ, kpɛ́ni fêi, gáa a kɔlɔ kôyaa.
Gɔlɔi ŋí a lôno é pîlaŋ berei ma Deeƃé è wɔ́lɔ kɛ̀ la a kâloŋ Zuda lɔii-kpiniŋ mɛi (1--4) da berei ǹûai dí wɔ́lɔ gɛ̀ la a díkâloŋ Eezuɛ lɔii kélee mɛi (5--24).
Gɔlɔi ŋí a nɛ̀ kûa berei Deeƃé è wɔ́lɔ ŋɔkâloŋ-laai su kpànaŋ lai da berei è wɔ́lɔ kɔ̀ la ŋɔkpɔara-ƃelai pɔ́ kɛ̀ Eezuɛ da lɔii da kpɛ́ni-ŋa sui. Deeƃé è wɔ́lɔ kɛ̀ a ǹúui nyíi laa-la è kɛ̀ ǹyêei gíli tɔɔ Ɣâla ma, ŋɔnûai díkɛ ƃò bôlu.
Samia kɔlɔi veerɛi ŋí a ŋɔ́nɔ nɛ̀ kûa a gɛ́ɛ tãi támaa yée mu, Deeƃé a kâa tùa a ŋ̀ɛ́i-kpâla pere nyíi a kâa gɛ̀ gɛ́ sɔnyɔ̂ŋ kpaya-kpaya-ŋa kɛ̀ a gɛ́ɛ é gbîŋ nîa mɛni kɛ́i. Kɛ́lɛ tãi núu da a kâa ŋɔsɔnyɔ̂ŋ kíli tòo la ŋ̀ái a kâa ŋɔsɔnyɔ̂ŋ ƃò é ǹyée sée Ɣâla ŋɔtɔŋ kpɛ́ maai mu. Ɣâla ŋɔlóno kɛ́-nuui Netaŋ kɛ́ɛ a ŋɔsɔnyɔ̂ŋ maa mɛni ƃò mai, è fàa ma é ǹyée sée m̀ɛni kula maai mu Ɣâla è dɛ̀ɛ m̀ɛni mai.
Gɔlɔi ŋí a nɛ̀ kûa a gɛ́ɛ Deeƃé tûa-pere è làa kpɔ́ ǹûai líi ma a ŋ̀ánaa. M̀ɛni ma tãi mɛni kpɔ̂lu da a kâa làa la ǹɔii ŋí mai, da kɛ̀ ŋ̀wɛ̂lii dí kâloŋ kɛ́ɛ yɛ̂ɛ Deeƃé síɣe kpaa máŋ ǹóŋ da nyíi a tûa yɛ̂ɛ ǹyaai.
M̀ɛni-ŋûŋ-ŋai gɔlɔi ŋí sui
Deeƃé è kɛ̀ a kâloŋ Zuda lɔii mɛi (1:1--4:12)
Deeƃé è kɛ̀ a kâloŋ Eezuɛ lɔii kélee mɛi (5:1--24:25)
Deeƃé ŋɔkâloŋ-laai kɔ́ɔ pîlanii (5:1--10:19)
Deeƃé da Bɛɛsiba (11:1--12:25)
Mɛni kpɔ̂lu da mɛni kpânaŋ-ŋa (12:26--20:26)
Deeƃé ŋɔkâloŋ-laai kpɛɛ-ŋa (21:1--24:25)
Currently Selected:
Samia Veerɛi Tuɛ mɛni ƃóɔɔ: KWB
Highlight
Share
Copy
Want to have your highlights saved across all your devices? Sign up or sign in
© 2012 Bible Society in Liberia