Kɔleŋtiɛŋ Veerɛi Tuɛ mɛni ƃóɔɔ
Tuɛ mɛni ƃóɔɔ
Zia-nuui Pɔ̂ɔ è ŋɔkɔlɔi veerɛi ŋí pɔ̃̀yɛ Kɔleŋ-ŋai pɔ́ naa a tãi loai-laa lɛ́lɛɛ fé kɛ́ ní la da Ŋ̀âla-pɛrɛi díloai Kɔleŋ. Ǹyaŋ è kɛ̀ tãi kpanaŋ sɔlɔ ƃôi Ŋ̀âla-pɛrɛi mu-ƃelai yêei tãi ŋí yée mu. Ŋ̀âla-pɛrɛi mu-ƃelai da-ŋa díkɛ̀ kpɔ́ a díkpɛtɛɛ a gɛ́ɛ dí zɔŋ kɔ́ri pere kélee su. Kɛ́lɛ Pɔ̂ɔ è kɔ̀ kpɔ́ a gbanaŋɔɔ a gɛ́ɛ é pere kɔ́ri nyíi gɛ̀ laoi-laa lɛ́lɛɛ kɛ̂ ƃò díloai da dîa-ni. Tãi da kâa pà la gbɔŋ su-ƃelai ŋɛ́i túɛi a kɛ̀ m̀a a lii-nɛ̃ɛ. A lòno kpɔ́ dípɔ a zu ponoɔɔ lɛ́lɛɛ.
Gɔlɔi kɔ́ɔ-pîlanii Zia-nuui Pɔ̂ɔ è berei lɛ̀ da Ŋ̀âla-pɛrɛi mu-ƃelai díkɛ-naa kɛ́-pere è kɛ̀ la Kɔleŋ, ǹyaa ƃa berei nûa díkɛ̀ a dítɔɔ m̀ai da berei è larâŋ sɔlɔ ƃò lai. Ǹyɛɛ nyíŋi è kɛ̀ m̀a a koi-nɛ̃ɛ kpɛ́ɛ pôlu, kpɛ́ni fêi, naa pôlu ma è m̀aa fàleŋ da ǹûai díloai kpɛ̀tɛ. Nyíŋí pôlu ma, è ǹûai kpera fè a gɛ́ɛ díkelee dí sama-sãa ŋáa tɛ́ ma dí kpɔŋ mâa tɛɛ Kôrai-ƃelai mɔ̃lɛ̂i Zudai pɔ. Gɔlɔi ŋí gbɛɛ ŋái, Zia-nuui Pɔ̂ɔ è tɔ̀ɔ ŋɔɣâla woo ƃó-laa mɛnii pôlu a gɛ́ɛ gáa a Zîsɛ ŋɔpôlu-nuui da a tɔ̃yâ, kpɛ́ni fêi, Kɔleŋ ɣala-woo ƃó-ƃelai da-ŋa díkɛ̀ a dítɔɔ m̀a dîɛ gáa a lɛ́ɛ ɣala-woo ƃó-nuu.
M̀ɛni-ŋûŋ-ŋai gɔlɔi ŋí sui
Tuɛ mɛni ƃóɔɔ (1:1-11)
Pɔ̂ɔ da Kɔleŋ Ɣala-pɛrɛi mu-ƃelai (1:12--7:16)
Sama-sɛŋ tɛɛ mɛni Kôrai-ƃelai mɛni ma Zuda (8:1--9:15)
Pɔ̂ɔ è ŋɔɣâla-woo ƃó wála-wala-laai maa kɔ̃̂ɔ (10:1--13:10)
Gɔlɔi gbɛɛ ŋá woo-ŋai (13:11-13)
Currently Selected:
Kɔleŋtiɛŋ Veerɛi Tuɛ mɛni ƃóɔɔ: KWB
Highlight
Share
Copy
Want to have your highlights saved across all your devices? Sign up or sign in
© 2012 Bible Society in Liberia