Kɔlɔnikɔ Maa-ŋuŋ 9
9
Gɔ-sôŋ-ŋai lène pôlui
1Dí Eezuɛ-ƃelai kélee láa sìɣe dísuu ma dí bɔ̃yɛ Eezuɛ-ŋai díkâloŋ-ŋai dímɛni pɔlɔ kɔlɔi su.
Dí wɔ́lɔ Zuda-ƃelai sòŋ a kɔ-soŋ-ŋa dí lí a dia Babelɔŋ kpɛ́ni fêi díwɔlɔ sɔnyɔ̂ŋ kɛ̀ a Ɣâla. 2Diai kɛ̀ a ǹûai m̀aa-ŋuŋ dí lène pôlu dísee dítaa-ŋai su, díkpanaŋ-ŋai lá díkɔ̃liŋ-ŋai mɛi dia ƃé kɛ̀ a Eezuɛ-ŋai, zâla láa-soŋ-ƃelai, Liiva-ŋai da ǹûai da kâa tíi kɛ̀ Ŋ̀âla-pɛrɛ Kɛ́tɛi mui. 3Diai kùla Zuda, Bɛŋsima, Ifiraŋ da Manasɛ suui su-ƃelai sáma dí pá dí sée Zerusâlɛŋ ƃé kɛ̀ a:
4Káa-laa ŋ̀uŋ lɔ́ɔlu mɛi da pôlu buu lɔ́ɔlu mɛi náaŋ (690) su-ƃela ƃé kùla Zuda nuu sii sáma dí sée Zerusâlɛŋ.
Zuda ǹóŋ-surɔŋ Pɛrɛsi ŋɔsuui su-ƃelai láa túɛ-nuui ƃé kɛ̀ a Amiu ǹóŋ Utai. Amiu ǹâŋ ŋɔnàŋ ƃé kɛ́ a Oŋri, Amiu ǹâŋ pɔlɔ-ŋai ƃé kɛ̀ a Iŋri da Bani. 5Siloŋ ǹônii-sinaai ƃé kɛ̀ a: Asaya nyíi kɛ̀ a Siloŋ ǹóŋ maa-ŋuŋ da ŋɔlonii-sinaai. 6Zɛra ǹônii-sinaai dílaa túɛ-nuui ƃé kɛ̀ a Zeuɛ. Zuda ŋɔsuui su-ƃelai kélee bu gîe ma è kɛ̀ a núu-suu ŋ̀uŋ lɔ́ɔlu mɛi da (690) pôlu buu lɔ́ɔlu.
7-8Bɛŋsima ŋɔsuui su-ƃelai kɛ̀ Zerusâlɛŋ:
Salu ǹâŋ ƃé kɛ̀ a Mɛsulaŋ, Mɛsulaŋ kɛ́ ƃò a Odavia ǹóŋ. Odavia ǹâŋ láa ƃé kɛ́ a Asɛnua.
Ibineia ƃé kɛ̀ a Zeroaŋ ǹóŋ,
Ila è kɛ̀ a Uzi ǹóŋ, Uzi kɛ́ ƃò a Masiri ǹóŋ. Mɛsulaŋ ǹâŋ ƃé kɛ̀ a Sɛfatia. Sɛfatia ǹyaŋ è kɛ̀ a Leuɛ ǹóŋ, Leuɛ kɛ́ ƃò a Ibinza ǹóŋ.
9Ǹûai kɛ́ Bɛŋsima ŋɔsuui sui, díkelee bu gîe ma è kɛ̀ a núu-suu ŋ̀uŋ lɔ́ɔlu mɛi náaŋ pôlu buu lɔ́ɔlu káo lɔ́ɔlu mɛi da (956).
Zâla láa-soŋ-ƃelai lène pôlu dí sée Zerusâlɛŋ
10-12Zâla láa-soŋ-ƃelai lène pôlu dí see Zerusâlɛŋ ƃé kɛ̀ a:
Zedaiya, Zeoiari da Zakiŋ.
Eekia ǹóŋ Azaria (nyíi kɛ̀ a Ŋ̀âla-pɛrɛ Kɛ́tɛi láa túɛ-nuui) ŋɔsuui su-ƃelai ƃé kɛ̀ a Mɛsulaŋ, Zadɔ, Zadɔ, Melaio da Aitɔ. Aitu ŋí ƃé kɛ̀ a ǹúu kɛ́tɛi Ŋ̀âla-pɛrɛ Kɛ́tɛi mɛi.
Zeroaŋ ǹóŋ Adaiya ŋɔsuui su-ƃelai ƃé kɛ̀ a Pasiɔ da Makiza
Adiɛ ǹóŋ Maasisai ŋɔsuui su-ƃelai ƃé kɛ̀ a Zazera, Mɛsulaŋ, Mɛsilemi ǹóŋ, Mɛsilemi da Imɛ.
13Zâla láa-soŋ-ƃelai kélee bu gîe ma è kɛ̀ a núu wála tɔnɔ, ŋ̀uŋ lɔ́ɔlu mɛi feerɛ pôlu buu lɔ́ɔlu mɛi da (1,760). Ǹûai ŋí díkɛ̀ a núu suu tɛi-tɛi láa túɛ-ƃela. Dí kɛ̀ a ǹûai nyíi kɛ̀ a Ŋ̀âla-pɛrɛ Kɛ́tɛi mu tii kɛ́-ƃela. Dí kɛ̀ a dítii kɔ́lɔŋɔɔ a ǹɛ́lɛɛi.
Liiva-ŋai kɛ̀ Zerusâlɛŋ
14-16Liiva-ŋai lène pôlu dí sée Zerusâlɛŋ:
Asu ǹóŋ Semaiya ŋɔsuu-ƃelai ƃé kɛ̀ a Azirikaŋ da Asiabia. Ǹûai ŋí dí kùla Melali ŋɔsuu su.
Babaka, Eresi, Gala da
Maka ǹóŋ Matania ŋɔsuui su-ƃelai ƃé kɛ̀ a Maka è kɛ̀ a Zikiri, Asafi.
Simaiya ǹóŋ Obidaiya ŋɔsuui su-ƃelai ƃé kɛ̀ a Gala da Galai da Zedutuŋ.
Asa ǹóŋ Berekaya da Ɛɛkena ǹóŋ lóŋ díseɛɛ è kɛ̀ ǹɔii kpîniŋ su nyíi kɛ̀ Nitofa taai ŋɔlɔii-kpiniŋ dai.
Ŋ̀âla-pɛrɛ Kɛ́tɛi mɛi káa-ƃelai kɛ̀ Zerusâlɛŋ
17Ǹûai ƃé kɛ̀ a Ŋ̀âla-pɛrɛ Kɛ́tɛi mɛi káa-ƃelai kɛ̀ Zerusâlɛŋ: Saluŋ, Aku, Taamɔŋ da Aimaŋ. Saluŋ ƃé kɛ̀ a dílaa túɛ-nuu. 18Ǹûai ŋí díkɛ̀ vóloi kulai-pere ziɣãŋ lá ƃɛ́i gâloŋ a kâa tɛ̀ɛ naa gɛ́ lì Ŋ̀âla-pɛrɛ Kɛ́tɛi mui. Ǹûai ŋí díkɛ̀ a Liiva ŋɔsuui su-ƃelai da.
19Saluŋ è kɛ̀ a Kore ǹóŋ, Kora kɛ́ ƃò a Ibiasafi ǹóŋ. Ibiasafi è kɛ̀ ƃò a Kora ǹóŋ da m̀arâai kùla Korai ŋɔsuui sui ƃé ziɣãŋ mɛi káa mɛni è kɛ̀ dîa. Díwɔ̂ tii ƃé kɛ̀ a gɛ́ɛ dí Ŋ̀ala-pɛrɛ kɛ́tɛi lá-ƃerei mɛi kaa yɛ̂ɛ berei dínûa-pɔlɔ-ŋai da kâa kɛ̀ Yâwɛɛ ŋɔsua-kɔlɔ-pɛrɛi laƃerei kâai lai. 20Ilieza ǹóŋ Fineɣa kɛ́ɛ kɛ̀ a é wɔ́lɔ kɛ̀ a ziɣãŋ mɛi-kaa-ƃelai láa tuɛi ǹúui, Yâwɛɛ è kɛ̀ bôlu.
21Zɛkɛraya è kɛ̀ Mɛsilemia ǹóŋ ƃé kɛ̀ máŋ a Yâwɛɛ ŋɔsua kɔlɔ-seɣe-pɛrɛi lá-ƃerei mɛi káa nuu.
22Ǹûai kɛ̀ a ziɣãŋ lá-ƃerei da ziɣãŋ mɛi káa-ƃelai gélee bu gîe ma è kɛ̀ a núu ŋ̀uŋ feerɛ pôlu puu káo feerɛ (212). Dí wɔ́lɔ ǹûai ŋí láa siɣe díkpanâŋ-ŋai ma. Gâloŋ Deeƃé da Ɣâla ŋɔlóno kɛ́ nuui Samia ƃé díi ŋí tɛ̀ɛ ǹûai ŋí pɔ́. 23Ǹûai ŋí da kâa nyìi Ŋ̀âla-pɛrɛ Kɛ́tɛi lá díkɛ ǹaa mɛi kâa. Dia ƃé da kâa ziɣãŋ lá ƃò a ɣele-wâla díkɛ ǹáa tɛ̀ a ɣele-wûlii. 24Ziɣãŋ lá-ƃerei mɛi káa ƃelai díkɛ ziɣãŋ m̀éla ǹaaŋɔɔ ma díkɛ ǹá-ƃerei mɛi kâa, nyíi kɛ̀ voloi kulai-pere, voloi lîi-pere, yá-ŋûa pere da yá-kɔara perei. 25Díkaayɔɔ-ŋai kɛ̀ gbanâŋ-ŋai lái da kâa pà dí dímaa fáleŋ fólo lɔ́ɔlu mɛi feerɛ a tɛɛ a tãi kélee díkɛ̀ ƃo díkɔlɛ. 26Ziɣãŋ lá-ƃerei mɛi káa-ƃela kpaya-kpaya náaŋ kɛ̀ naai díkɛ̀ a Liiva-ŋa. Dia ƃe da kâa kɛ̀ Ŋ̀âla-pɛrɛi Kɛ́tɛi ŋɔloŋpo-ŋai mɛi kâai da zãai kélee kɛ̀ Ŋ̀âla-pɛrɛi Kɛ́tɛi mui. 27Ǹûai ŋí da kâa ǹyii Ŋ̀âla-pɛrɛi Kɛ́tɛi lá díkɛ nàa mɛi kâa. Dia ƃé da kâa ziɣãŋ lá ƃò a ɣele-wâla díkɛ ǹáa tɛ̀ a ɣele-wûlii.
Liiva gbeli-ŋai
28Liiva-ŋai da-ni díkɛ naa díkɛ díi kɛ́-sɛŋ-folo-ŋai mɛi kâa. Da kâa ǹono dí dɛɛ ǹûai pɔ́ a ɣele-wala dí ŋɔ́nɔ ǹóno a ɣele wûlii tãi da pâ la pôlui. 29Ǹûai da-ni díkɛ naa dia ƃé da kâa kɛ̀ zee-sãai da Ŋ̀âla-pɛrɛi Kɛ́tɛi mu sãai gbéli-ŋai mɛi kâai. Da kâa máŋ kɛ̀ felaƃai, ŋwã́ai ŋ̀úlɔi, géreŋ sãa kúŋ-nɛ̃ɛi da kúŋ sãai mɛi kâai. 30Kɛ́lɛ zâla láa-soŋ-ƃelai ƃé da kâa gúŋ sãai sûmo a gîe.
31Liiva nuui dɔnɔ è kɛ̀ naa ǹáa ƃé kɛ̀ a Matitiya. Ǹyaa ƃé kɛ̀ a Kora nuui Saluŋ ǹóŋ-surɔŋ duɛ-tuɛi. Nya ƃe dí gɛ̀ a zama-sɛŋ kpoloi kpɛtɛ nuui. 32Kora ŋɔsuui su-ƃelai da-ni ƃé da kâa Vii-tɔɔ-ɣele kpoloi kpɛ̂tɛ nyii-ŋai da kâa ǹaa têƃelei ŋái.
33Liiva-ŋai da-ŋa díkɛ̀ a ŋ̀unle too-ƃelai Ŋ̀âla-pɛrɛi Kɛ́tɛi mu. Ǹûai ŋí láa túɛ-ƃelai da kâa ǹyii Ŋ̀âla-pɛrɛi Kɛ́tɛi ŋɔloŋpo da-ni su, kpɛ́ni fêi, dítii ƃé kɛ̀ dí wule tóo Ŋ̀âla-pɛrɛ Kɛ́tɛi mu a kpíni da fólo.
34Ǹûai ŋí kú dílaa pɔ̃yɛ̂ɛi dia ƃê kɛ̀ a dínuu-suu-ŋai láa túɛ-ƃela yɛ̂ɛ berei dínûa pɔlɔ-ŋai díkɛ̀ lai. Díseɛɛ è kɛ Zerusâlɛŋ.
Gâloŋ Sɔ̂ɔ ŋɔnuu suui
(Kɔlɔnikɔ Maa-ŋuŋ 8:29-38)
35Zeiɛ ƃé Gibiɔŋ taai tɔ̀ɔ é sée naa. Ŋɔnɛnîi láa ƃé kɛ̀ a Maaka. 36Díloŋ-surɔŋ duɛ-tuɛi láa ƃé kɛ̀ a Abidɔŋ. Ǹêɣe-ni ƃé kɛ̀ a Zuɔ, Kesi, Baa, Neɛ, Nada, 37Gedɔ, Aio, Zɛkɛraya da Mikilo. 38Mikilo ƃé kɛ̀ a Simeaŋ ǹâŋ. Da díkaayɔɔ-ŋai díkɛ̀ nɔ́ díkîe-ni kɔlɛ ma Zerusâlɛŋ.
39Neɛ ƃé kɛ̀ a Kesi ǹâŋ, Kesi kɛ́ ƃò a Sɔ̂ɔ ǹâŋ, Sɔ̂ɔ ǹyaŋ ŋɔlonii ƃé kɛ̀ a Zonetaŋ, Maki-sua, Abinada da Ɛsi-Baa. 40Zonetaŋ ǹóŋ-surɔŋ ƃé kɛ̀ a Meri-Baa. Meri-Baa è kɛ̀ a Maka ǹâŋ. 41Maka ǹônii-sinaai ƃé kɛ̀ a Pitɔŋ, Mɛlɛsi, Taarea da Eɣa. 42Eɣa ƃé kɛ̀ a Zada ǹâŋ, Zada ǹônii-sinaai díkɛ̀ ƃò saaƃa: Alemɛ, Azimavɛ da Ziŋri. Ziŋri ƃé kɛ̀ a Moza ǹâŋ. 43Moza ƃé kɛ̀ a Binea ǹâŋ, Binea kɛ́ ƃò a Lefaya ǹâŋ. Lefaya è kɛ̀ a Ileasa ǹâŋ, Ileaza kɛ́ ƃò a Azɛɛ ǹâŋ.
44Azɛɛ ǹônii-sinaai díkɛ̀ lɔ́ɔlu mɛi da: Azirikaŋ, Bokɛru, Isimaɛ, Seariya, Obidaya da Anaŋ.
Currently Selected:
Kɔlɔnikɔ Maa-ŋuŋ 9: KWB
Highlight
Share
Copy
Want to have your highlights saved across all your devices? Sign up or sign in
© 2012 Bible Society in Liberia