Kɔlɔnikɔ Maa-ŋuŋ 8
8
Bɛŋsima ŋɔsuui
1Bɛŋsima ǹônii-sinaai díkɛ̀ lɔ́ɔlu. Dílaa ká ŋí yɛ̂ɛ berei dímaa sɔlɔ ƃó pere káa lai: Bela, Asibɛɛ, Aara, 2Nôɣa da Lafa. 3Bela ŋɔsuui su-ƃelai ƃé kɛ̀ a Ada, Gera, Abiu, 4Abisua, Neemaŋ, Aoa, 5Gera, Sifufaŋ da Uraŋ. 6-7Euu ŋɔsuui su-ƃelai ƃé kɛ̀ a Neemaŋ, Aiza da Gera. Dia ƃé kɛ̀ a dínuu-suu-ŋai kɛ̀ Gebai láa túɛ-ƃela. Dí ǹûai ŋí sòŋ a kɔ sôŋ-ŋa dí lí a dia Manaa. Uza ǹâŋ Gera ƃé kɛ̀ dílaa túɛ kɔ-soŋ perei su. Ǹônii-sinaai láa ƃé kɛ̀ a Uza da Aitɔ. 8Saɣaraiŋ è wɔ́lɔ ŋɔnɛyâa feerɛi, Usiŋ da Baara lɛ̀ɛ gɛ́ɛ kɛ̀ Môa lɔii sui. 9Naa pôlu ma, è Odɛsi kùla a nɛnî da ǹyaa dí lônii-sinaa lɔ́ɔlu mɛi feerɛ maa sɔlɔ ƃó. Dia ƃé kɛ̀ a Zoba, Zibia, Mesa, Maakaŋ, 10Zeuzi, Sakia da Miɛma. Ǹônii-sinaai kélee díkɛ̀ a núu láa túɛ-ƃela dínuu-suui su. 11Saaraŋ è ŋɔ́nɔ lônii-sinaa feerɛ maa sɔlɔ ƃô Usiŋ ma. Dia ƃé kɛ̀ a Abitu da Ɛɛpaa. 12Ɛɛpaa ǹônii-sinaai díkɛ̀ saaƃa: Ɛbɛ, Misiŋ da Seme. Seme ƃé wɔ́lɔ Ono da Lo taa-lêe-ŋai tɔ̀ɔ da naa kɔlɛ ma kpanaŋ-ŋai.
Bɛŋsima ŋɔsuui su-ƃelai kɛ̀ Gâa da Aizalɔŋ
13Bɛria da Sima díkɛ̀ dínuu-suu-ŋai kɛ̀ Aizalɔŋ láa-tuɛ. Dia ƃé ǹûai kpɛ̀ díseɛɛ è kɛ Gaai. 14Bɛria ŋɔsuui su-ƃelai ƃé kɛ̀ a Aio, Sasa, Zeremɔ, 15Zebadaya, Ara, Ɛdɛ, 16Makɛ, Isipa da Zoɣa.
Bɛŋsima ŋɔsuui su-ƃelai kɛ̀ Zerusâlɛŋ
17Ɛɛpaa ŋɔsuui nyíi kɛ̀ Zerusâlɛŋ zu-ƃelai ƃé kɛ̀ a Zebadaya, Mesulaŋ, Izilia, Ɛɛbɛ, 18Isimerai, Iziliya da Zoba. 19Simei ŋɔsuui su-ƃelai ƃé kɛ̀ a Zakiŋ, Zikiri, Zadi, 20Elienai, Ziletai, Ɛliɛ, 21Adaiya, Beraiya da Siŋra. 22Sasa ŋɔsuui su-ƃelai ƃé kɛ̀ a Isipaŋ, Ɛbɛ, Ɛliɛ, 23Abidɔŋ, Zikiri, Anaŋ, 24Ananiya, Elaŋ, Aaŋtotiza, 25Ifideiya da Pɛnuɛ 26Zeroaŋ ǹônii-sinaai ƃé kɛ̀ a Saŋserai, Seɣaraiya, Atalia, 27Zaaresiya, Ilaiza da Zikiri 28Ǹûai ŋí ƃé kɛ̀ a Zerusâlɛŋ-ƃelai dínûa pɔlɔ-ŋai láa túɛ-ƃelai, yɛ̂ɛ berei dínuu suu-ŋai díkɛ̀ lai.
Bɛŋsima ŋɔsuui su-ƃelai kɛ̀ Gibiɔŋ da Zerusâlɛŋ
29Zeiɛ ƃé Gibiɔŋ taa-lêei tɔ̀ɔ é sée naa. Ŋɔnɛnîi láa ƃé kɛ̀ a Maaka. 30Ǹóŋ duɛ-tuɛi láa ƃé kɛ̀ a Abidɔŋ. Ǹêɣe-ni ƃé kɛ̀ a Zuɔ, Kesi, Baai, Neɛ, Nada, 31Gedɔ, Aio, Zɛdekaya, 32da Makilo nyíi kɛ̀ a Simea ǹâŋ. Dia máŋ díseɛɛ è kɛ̀ Zerusâlɛŋ dísuui su kaayɔɔ-ŋai da kpɛ́ni-ŋa kɔlɛ ma.
Gâloŋ Sɔ̂ɔ ŋɔkáa-laai
33Neɛ ƃé kɛ̀ a Kesi ǹâŋ, Kesi ƃé kɛ a Gâloŋ Sɔ̂ɔ ǹâŋ. Sɔ̂ɔ ǹyaŋ è ǹônii-sinaai náaŋ maa sɔlɔ ƃo. Dia ƃé kɛ̀ a Zonetaŋ, Maaki-sua, Abinada da Ɛsibaa. 34Zonetaŋ ǹóŋ-surɔŋ ƃé kɛ̀ a Meri-baa. Meri-baa ǹoŋ-surɔŋ ƃé kɛ̀ a Maka. 35Maka ǹônii-sinaai díkɛ̀ náaŋ: Pitɔŋ, Milɛsi, Taria da Eeazi. 36Eɣazi è kɛ̀ a Zeoada ǹâŋ, Zeoada kɛ́ ƃò a Alemɛ, Azimavɛ da Zimiri dínâŋ. Zimiri ǹyaŋ ǹóŋ-surɔŋ ƃɛ́ kɛ̀ ƃò a Moza. 37Moza è kɛ̀ a Binea ǹâŋ, Binea kɛ́ ƃò a Lafa ǹâŋ, Lafa kɛ́ ƃò a Ɛleasa ǹâŋ, Ɛleasa ǹyaŋ gɛ́ ƃò a Azɛ ǹâŋ. 38Azɛ ǹônii-sinaai díkɛ̀ lɔ́ɔlu mɛi-da: Azirikaŋ, Bokeru, Isimaɛ, Siaria, Obidaya da Anaŋ. 39Azɛ ǹêɣe Ɛsiki ǹônii-sinaai díkɛ̀ saaƃa: Ulaŋ, Zeusi, da Ɛlifelɛ. 40Ulaŋ ǹônii-sinaai díkɛ̀ a kɔ-kuluƃa wála-walaa líi kpeleɛɛ. Dí kɛ̀ kpɔ́ a kerâŋ pili-ƃela lɛ́lɛɛ-ŋa. Ǹônii da díwɔ̂ lonii-sinaai kélee bu gîe ma è kɛ̀ a núu ŋuŋ tɔnɔ pôlu buu lɔ́ɔlu (150). Ǹûai ŋí kélee ƃé kɛ̀ a Bɛŋsima ŋɔsuui.
Currently Selected:
Kɔlɔnikɔ Maa-ŋuŋ 8: KWB
Highlight
Share
Copy
Want to have your highlights saved across all your devices? Sign up or sign in
© 2012 Bible Society in Liberia