Kɔlɔnikɔ Maa-ŋuŋ 6
6
Liiva ŋɔsuui su-ƃelai
1Liiva ǹônii-sinaai ƃé kɛ̀ a Gɛsɔŋ, Koa, da Melali. 2Koa ǹônii-sinaai ƃé kɛ̀ a Amaraŋ, Iza, Iburɔŋ da Uziɛɛ. 3Amaraŋ ǹônii-sinaai ƃé kɛ̀ a Eelɔŋ, Mose, da Meriaŋ. Eelɔŋ ǹônii-sinaai láa ƃé kɛ̀ a Nada, Abiu, Elieza, da Itama. 4Elieza è kɛ̀ a Fineɣa ǹâŋ, Fineɣa kɛ́ ƃò a Aƃisua ǹâŋ. 5Aƃisua è kɛ̀ a Bukii ǹâŋ, Bukii kɛ́ ƃò a Uzi ǹâŋ. 6Uzi è kɛ̀ a Zeraia ǹâŋ, Zeraia kɛ́ ƃò a Meraɔ ǹâŋ. 7Meraio è kɛ̀ a Amaria ǹâŋ, Amaria kɛ́ ƃò a Aitɔ ǹâŋ. 8Aitu è kɛ̀ a Zadɔ ǹâŋ, Zadɔ kɛ́ ƃò a Aimazi ǹâŋ. 9Aimazi è kɛ̀ a Azaria ǹâŋ. Azaria kɛ́ ƃò a Zoanaŋ ǹâŋ. 10Zoanaŋ è kɛ̀ a Azaria ǹâŋ. Azaria ƃé wɔ́lɔ kɛ̀ a zâla-laa soŋ-nuui Ŋ̀âla-pɛrɛi Kɛ́tɛi mu Saloma è dɔ̀ɔ Zerusâlɛŋ. 11Azaria è kɛ̀ a Amaria ǹâŋ, Amaria kɛ́ ƃò a Aitu ǹâŋ. 12Aitɔ è kɛ̀ a Zadɔ ǹâŋ, Zadɔ kɛ́ ƃò a Saluŋ ǹâŋ. 13Saluŋ è kɛ̀ ƃo a Ekeea ǹâŋ, Ekeea kɛ́ ƃò a Azaria ǹâŋ. 14Azaria è kɛ̀ a Seraiya ǹâŋ, Seraiya kɛ́ ƃò a Ziozada ǹâŋ. 15Dí Zeozada sòŋ gɔ́i su a tãi Yâawɛ è wɔ́lɔ lì la a Zuda da Zerusâlɛŋ a kɔ-sôŋ-laai Galoŋ Nɛbukinaza ŋɔkâloŋ-laa koraŋ su.
Liiva ŋɔsuui kpéli-ŋai
16Liiva ǹônii-sinaai láa ƃé kɛ̀ a Gɛsɔŋ, Koa, Melali. 17Gɛsɔŋ ǹônii-sinaai láa ƃé kɛ̀ a Libini da Simei. 18Koa ǹônii-sinaai láa ƃé kɛ̀ a Amaraŋ, Izaa, Iburɔŋ da Uziɛ. 19Melali ǹônii-sinaai láa ƃé kɛ̀ a Mali da Musi. Nyiŋi pôlu ma, diai ŋí ƃé kɛ̀ a Liiva ŋɔsuui yɛ̂ɛ berei dísuui láa é pîlaŋ la dínâŋ ni diai. 20Gɛsɔŋ ǹônii-sinaai ƃé kɛ̀ a Libini, Zâa da Zima, 21Zoa, Idoo. Zera da Zeatɛrai. 22Koati ǹônii-sinaai ƃé kɛ̀ a: Aminada, Kora, Kora da Asiɛ, 23Ɛkena, Ibiasa, Ibiasa, Asiɛ, 24Taa, Uriɛ, Uzia da Sau. 25Ɛkana ǹônii-sinaai ƃé kɛ̀ a Amasai da Aimɔ. 26Aimɔ ǹônii-sinaai ƃé kɛ̀ a: Ɛkana, Zofai, Naɣa, 27Ilia, Zeroaŋ da Ɛkana. 28Samia ǹônii-sinaai maa ŋuŋ ƃé kɛ̀ a Zoɛɛ, veerɛ ɣelei ƃé kɛ̀ a Aƃiza. 29Melali ǹônii-sinaai ƃé kɛ̀ a: Maali, Libini, Simei, Uzia, 30Simea, Eegaa da Asaiya.
Ŋ̀âla-pɛrɛ Kɛ́tɛi mu wule too-ƃelai
31Deeƃé kɛ́ɛ a pá a Gono-tee Gãlai Yâwɛɛ ŋɔpɛ́rɛ kɛ́tɛi mui pôlu ma è ǹûai ŋí ní siɣe a gɛ́ɛ díkɛ wule tòo naa. 32Da kâa kɛ̀ wule tôoi naa zua-kɔlɔ-seɣe pɛrɛi mu ŋɛ́i-tuɛ goyâŋ too kwaai é lɛ́ɛ la zu ǹyaa Gâloŋ Saloma é Yâawɛ ŋɔpɛ́rɛi tɔ́ɔ Zerusâlɛŋ. Da kâa dítii kɛ̀ a gɛ̀ tãi yɛ̂ɛ berei è kɛ̀ lai. 33Zinâai ŋí ƃe da kâa kɛ̀ ŋ̀ule-ŋai tôoi da dílônii.
Ǹûai kùla Koa ŋɔsuui su kolii sui ƃé kɛ̀ a: Zoɛ ǹóŋ Eemaŋ. Ǹyaa ƃé kɛ̀ ŋ̀ule too nuu-kpului maa-ŋuŋ láa tuɛ. Ŋɔkáa-laa ɣɛlii pîlaŋɔɔi Zeeka ŋ̀ɔi ma bere sîi ŋí su: Diai gáa-laai ŋí sui ƃa ǹyaa Eemaŋ, Zoɛ, Samia 34Ɛkana, Zɛroaŋ, Iliɛ, Toa ǹóŋ. 35Zɔfi, Ɛkana, Mâa, Amasai. 36Ɛkana, Zoɛɛ, Azaria Zɛfɛnaya 37Taɣa, Asɛ, Eƃiasa, Kora, 38Izaa, Koa, Liiva da Zeeka. 39Asa ƃé kɛ̀ a ŋ̀ule too nuu-kpului veerɛi láa túɛ. Ŋɔkáa-laai pilaŋɔɔi Liiva ŋ̀ɔi ma bere sîi ŋí su. Zu-ƃelai ƃa: Asa, Belekaya, Simea, 40Maka, Ba-aseia, Makiza, 41Etini, Zera, Adaiya. 42Itaŋ, Zima, Zima, Simei, 43Zâa, Gɛsɔŋ da Liiva. 44Melali kolii su nuui Kesi ǹóŋ Itaŋ ƃé ŋ̀ule too nuu-kpului zaaƃaai láa túɛ. Ŋɔkáa-laai pîlaŋɔɔi Liiva ŋ̀ɔi ma bere sîi ŋi su. Zu-ƃelai ƃa: Ǹyaa Itaŋ, Kisi, Abidi, Maalu, 45Asaƃia, Amaziya, Ekaya. 46Aŋzi, Bani, Semɛ. 47Mbali ǹóŋ. Musi, Melali da Liiva. 48Díkaa-yɔɔ-ŋai kɛ̀ a Liiva ŋɔsuui su-ƃelai gbêli-ŋai ƃé kɛ̀ dii-ŋai kélee kɛ̂i Ɣâla ŋɔsua-kɔlɔ seɣe pɛrɛi mu.
Eelɔŋ ŋɔsuui su-ƃelai
49Eelɔŋ da ǹônii-sinaai díwɔ̂ tîi ƃé kɛ̀ dí géreŋ sala-ŋai kúla gereŋ sala ɣala-teƃelei ŋá da géreŋ sɛŋ kúŋ nɛ̃ɛ ɣâla teƃelei ŋá. Dia ƃa kâa dii-ŋai kélee kɛ gwaa mâ waai ŋɔkwaa ma waai ma. Dia ƃa kâa Eezuɛ-ŋai maa sâla kula a gɛ́ɛ Ɣâla é dísu-mɛn lɛɛ yɛ̂ɛ berei ǹyaa Ɣâla ŋɔtíi kɛ́-ǹúui Mose è wɔ́lɔ mò la dîai. 50Diai ŋí ƃé kɛ̀ a Eelɔŋ ǹônii-sinaai: Ileaza, Fineɣa, Aƃisua, 51Buki, Uzii, Zeraiya 52Meraio, Amaria, Aitu, 53Zadɔ da Aimazi.
54Dí lɔii tɛ̀ɛ Eelɔŋ ǹônii-sinaai pɔ́ kɛ̀ a Koa kolii. Ǹɔii-kpiniŋ kɛ̀ naa Liiva-ŋai mɛni mai dia ƃé m̀aa-ŋuŋ sɔlɔ ƃò. 55Dí Iburɔŋ lɔii kpiniŋ kɛ̀ Zuda kpiniŋ sui tɛ̀ɛ dípɔ da naa kɔlɛ ma. 56Díi kɛ́ kwaai ma kɛ̀ daa-lêei da gbanâŋ-ŋai lá kɔlɛ mai naa tɛ́ɛ Zefuna ǹóŋ Kalee pɔ́. 57Dí ŋ̀uŋ-ma-ƃo taa-lêe-ŋai ŋí tɛ̀ɛ Eelɔŋ ǹônii-sinaai pɔ́. Dîa ƃa: Iburɔŋ, Libini, dítii-kɛ lɔii-ŋai, Zatɛ, Isitimo da dítii-kɛ lɔii-ŋai. 58Dí ŋɔ́nɔ Ileŋ da ǹaa tii kɛ́ lɔɔi é pɛlɛ Dibɛ da ǹaa tii kɛ́ lɔɔi tɛɛ dípɔ. 59Dí Asaŋ da naa tii kɛ́ lɔɔi é pɛ̀lɛ Bɛ-semɛsi da naa tii kɛ́ lɔɔi ma dí dɛ̀ɛ dípɔ máŋ. 60Dí Geƃa da naa tii kɛ́ lɔii, Alemɛ da naa tii kɛ́ lɔii da Anatɔra da naa tii kɛ́ lɔii tɛ̀ɛ dípɔ é kula Bɛŋsima ŋɔsuui su-ƃelai dí lɔii su. Daa-leei dí dɛ̀ɛ dípɔ̂i gélee è kɛ̀ a taa-lêe puu-káo saaƃa díkaa-yɔɔ-ŋai mɛni.
61Dí lɔii-kpîniŋ-ŋa tɛ̀ɛ Koa ŋɔsuui su-ƃelai pɔ́-naa é kúla ǹuu-suui gbêli-ŋai dílɔii su da Manasɛ ŋɔsuui su-ƃelai díwɔ̂i. Daa-ŋai dí zɔlɔ ƃoi gélee bu gîe ma è kɛ̀ a taa-lêe puu. 62Dí taa-lêe puu-káo saaƃa tɛ̀ɛ Gɛsɔŋ ŋɔsuui su-ƃelai pɔ́. Daa-ŋai ŋí díkɛ Isaka, Asɛ, Nɛfɛtɛli da Manasɛ ŋɔsuui gbuai kpéli ŋɔlɔii ma kɛ̀ Basãŋ. 63Dí taa-lêe puu-káo feerɛ tɛ̀ɛ Melali ŋɔsuui su-ƃelai pɔ́. Daa-lee-ŋai ŋí díkɛ Lubiŋ, Gâa da Zɛbulɔŋ dínuu-suu-ŋai sáma. 64Eezuɛ-ŋai dí taa-lêe-ŋa da naa tii kɛ́ lɔɔ-ŋai tɛɛ Liiva ŋɔsuui su-ƃelai pɔ́. 65Dí ŋɔ́nɔ lɔii-kpiniŋ-ŋa tɛ̀ɛ dípɔ é kúla Zuda, Simiɔŋ da Bɛŋsima dísuui su-ƃelai dílɔii-kpîniŋ su a tɛɛ-ŋa. Daa-lêe-ŋai ŋí ká tí dílaa pɔ̃yɛɛi.
66Dí taa-lêe da ni tɛɛ Koa ŋɔsuui su-ƃelai pɔ́ kɛ̀ Ifiraŋ ŋɔsuui sui. 67Dí ŋ̀uŋ-ma ƃo taa-lee-ŋai ŋí tɛ̀ɛ dípɔ ǹyée lɔii su Ifiraŋ lɔii-kpiniŋ ma da naa tii-kɛ lɔɔ-ŋai. Daa-ŋai kpîŋ ƃé kɛ a: Sɛkɛŋ nyíi kɛ̀ ŋɔsuui su da Gesɛi, 68Zomeaŋ, Bɛorɔŋ, 69Aizalɔŋ da Ga Limɔŋ. 70Dí Anɛ da Bileaŋ kɛ̀ Manasɛ ŋɔsuui gbua dɔnɔ sui tɛ̂ɛ máŋ dípɔ da naa tii kɛ́ lɔɔ-ŋai. 71Gɛsɔŋ ŋɔsuui su-ƃelai dí ŋuŋ-ma ƃo taa-lêe-ŋai ŋí da naa tii kɛ́ lɔɔ sɔlɔ ƃô é kula Manasɛ ŋɔsuui gbua tɔnɔ yêei. Daa-ŋai kpîŋ ƃé kɛ̀ a Golɛŋ nyíi kɛ Basãŋ kpiniŋ sui da Asitarɔ. 72Dí Kedɛ da Dabɛra tɛ̀ɛ dípɔ Isaka ŋɔsuui su-ƃelai dílɔii su, 73Lemɔ da Anɛŋ, 74Asɛ ŋɔsuui su-ƃelai dílɔii su, dí Masaa da Abidɔŋ tɛɛ dípɔ é pɛlɛ naa tii kɛ́ lɔɔi ma. 75Dí Ukɔ da Leo tɛ̀ɛ dípɔ é pɛ́lɛ naa tii kɛ lɔɔi ma. 76Nɛfɛtɛli ŋɔsuui su-ƃelai dílɔii ma: Dí Kedɛ nyíi kɛ̀ Galalii tɛ̀ɛ dípɔ, Emɔŋ é pɛlɛ Kiriatɛŋ ma da naa tii kɛ́ lɔɔ-ŋai. 77Dí daa-lee-ŋai ŋí tɛ̀ɛ Melali ŋɔsuui su-ƃelai gbeli-ŋai pɔ́. Dí ǹɔii-kpîniŋ ŋí kùla Zɛbulɔŋ ŋɔsuui su-ƃelai dílɔii ma. Daa-lêe-ŋai ŋí ƃa:
Limono da Tabɔ da naa tii kɛ́ lɔɔ-ŋai. 78Dí Lubiŋ ŋɔsuui su-ƃelai dílɔii kɛ̀ Zɔdiŋ Ya-leei pôlu Zɛleko voloi kulâi-pere tɛ̀ɛ dípɔ, Bezɛ nyíi kɛ̀ vɛ̃ɛ-kpâlaŋ su taai, Zaza da naa tii kɛ́ lɔɔ-ŋai. 79Dí Kedemɔŋ da Mafaa tɛ̀ɛ dípɔ da naa tii kɛ́ lɔɔi. 80Dí gwaa-ŋai ŋí ma tɛ̀ɛ Gâa ŋɔsuui su-ƃelai dílɔii-kpîniŋ ma. Dia ƃa: Lemɔŋ nyíi kɛ Giliai da Maanaŋ tɛɛ é pɛlɛ naa tìi kɛ́ lɔɔi. 81Dí Ɛsibɔŋ da Zaza tɛ̀ɛ dípɔ da nàa tii kɛ́ lɔɔi.
Currently Selected:
Kɔlɔnikɔ Maa-ŋuŋ 6: KWB
Highlight
Share
Copy
Want to have your highlights saved across all your devices? Sign up or sign in
© 2012 Bible Society in Liberia