Sal 2
2
SALMO 2
Cham Rey Sic'bil El Yuj Jehová
1¿Tzet wal yuj xan chi weklab eb conoblak? ¿Tzet wal yuj xan chi lajtinej eb tzet yetal tol c'am bak'in ok yunej?
2A eb cham rey c'al eb yajawil conoblak chi caktzaj eb, cax chi wajban oc ba. Junlajan chi yun lajtinen ba eb yin Cham Jehová, c'al yin Cham Rey Sic'bil El Yuj.
3Cax chi el yaw eb: Ok jican el co ba yul k'ab Cham. Ok co col co ba bay is yikbej, ẍi eb.
4Axa Cham Yajaw bay satcan toc'al chi tzewi, cax chi buchlay eb yuj.
5Yin aymanil ok yun tit yowal Cham, cax ok xibtelay eb yuj; yin wal yowal c'ul Cham, cax ok yalon bay eb:
6Mayal wacan oc yopiso jun rey bay tzalan Sión, bay chi oc ayilal ayin, ẍi Cham.
7Axa C'ajol Cham chi aloni: Ok walcan el tzet yetal max na' Cham Jehová. Max yal Cham ayin: Achton in C'ajol ach. Ayin max ach wak' iquisbok tinani'.
8K'an ayin tinani' cax ok wak'on a sataknej mimek conoblak, cax chi occan masanil yulyibank'inal ti' yul a k'ab.
9Ok ach yajawbok yiban eb yin c'am mimanc'ulalil, ok ak' lajwok eb axca chi yun pojtok junok tx'otx' xij yuj junok ch'en k'okoch, ẍi Cham ayin, ẍi Cham C'ajolej tu'.
10A tinani' xin, ex reyal conob, jelanokab che yut e ba, c'al ex yajawil nacionlak, chi cam wal e yaben tzet chi wala'.
11Ak'ek ayilal bay Jehová yin tzalojc'ulalil, ayokab yelapnok Cham yul e sat.
12Ayanek nojan bay Cham C'ajolej yin xiwc'ulalil, a talaj chi tit yowal Cham, cax mi wal chex cami, yujtol yin aymanil chi tit yowal Cham.
Tzalojc'ulal yet masanil eb chi col ba yin Cham.
Currently Selected:
Sal 2: ATBYK89
Highlight
Share
Copy
Want to have your highlights saved across all your devices? Sign up or sign in
Kanjobal (Q’anjob’al) © Sociedad Bíblica de Guatemala 1989