Neh 11
11
Eb cajyom bay Jerusalén
(1 Cr 9.1-34)
1A eb yajaw bay jun nación ti' max cajay eb bay Jerusalén. Axa juntzanxa eb conob max yaon oc eb suerte yet watx' chi toj cajay junok yin junjun lajoneb nail bay Jerusalén, a ton bay jun conob tol yet Dios yayji ocok. Axa balonebxa nail xin, chi cancan eb bay juntzanxa conoblak. 2Lajwi tu xin, max yalon eb conob watx' k'anej yin masanil eb max yala' tol bekan c'ul cajay bay Jerusalén.
3-4Bay yul makbej Judá max cajay eb sacerdote, eb levita, eb chi ak'wi serbil bay templo, eb yinatil eb max ak'wi serbil bay Salomón, yetokc'al juntzanxa eb jet israelal, junjunc'al bay is conob c'al bay is satak. Ay c'apax jaywanok eb yet Judá c'al eb yet Benjamín max cajay can bay Jerusalén. A ton listail eb mimek winak yul makbej Judá max jay cajay bay Jerusalén ti'. A xol eb yinatil Judá, a Ataías yetok Maasías yajaw yayji eb. A listail eb yichmam Ataías yin txolilal a ton Uzías, Zacarías, Amarías, Sefatías, Mahalaleel, yinatil Fares eb ti'. 5A listail eb yichmam Maasías yin txolilal, a ton Baruc, Colhoze, Hazaías, Adaías, Joiarib, Zacarías, yinatil Siloni eb ti'. 6A masanil eb yinatil Fares max can cajan bay Jerusalén, ay 468 eb. Masanil juntzan ti' soldado caw wal jelan yin ak'oj owal.
7Axa pax xol eb yet Benjamín, a Salú ayoc yajawilal. A listail eb yichmam Salú yin txolilal, a ton Mesulam, Joed, Pedaías, Colaías, Maasías, Itiel, Jesaías. 8Ac'ala' c'apax xol eb yet Benjamín, yajaw yayji Gabai c'al Salai, yaynakil eb yintak Salú. 928 eb yet Benjamín yin masanil. 9Axa is comandante eb, a ton Joel c'ajol Zicri, axa Judá c'ajol Senúa, a jun tu' yet is cab comandante yayji oc bay conob tu'.
10-14A xol eb sacerdote, yajaw yayji Jedaías c'ajol Joiarib, Jaquín, Seraías, Adaías, c'al Amasai. A listail eb yichmam Seraías yin txolilal, a ton Hilcías, Mesulam, Sadoc, Meraiot, c'al Ahitob, cham max yak' sat sacerdoteal bay templo. 822 eb yicanc'al ba yetok Jedaías, Jaquín c'al Seraías chi mulnaj bay templo. A listail eb yichmam Adaías yin txolilal, a ton Jeroham, Pelalías, Amsi, Zacarías, Pasur, Malquías. 242 eb yicanc'al ba yetok Adaías. A listail eb yichmam Amasai yin txolilal, a ton Azareel, Azai, Mesilemot, Imer. 128 eb winak yicanc'al ba yetok Amasai, tol soldado jelan yin ak'oj owal. A Zabdiel c'ajol Gedolim, sat yajaw yayji xol eb sacerdote.
15-17A xol eb levita, yajaw yayji Semaías, Sabetai, Jozabad, Matanías, Bacbuquías c'al Abda. A listail eb yichmam Semaías yin txolilal a ton Hasub, Azricam, Hasabías, Buni. A Sabetai c'al Jozabad ayoc eb yilomalok mulnajil yinlak templo. A Matanías c'ajol Micaía, yitxiquin Zabdi, yinatil Asaf ayoc ikbajwomal xol eb levita chi bitnen watx' k'anej c'al aloj yuj diosal yet yorail txaj. A Bacbuquías, colwajwom yayji bay Matanías. A Abda c'ajol Samúa, yitxiquin Galal yinatil Jedutún. 18A masanil eb levita max can bay Jerusalén conob Dios, ay 284 eb yin masanil.
19Axa eb taynem puerta: a ton Acub, Talmón c'al eb yican. A ton eb chi ilon bay puerta ay 172 eb yin masanil.
20Axa juntzanxa eb jet israelal yetokc'al jaywanokxa eb sacerdote yetok juntzanxa eb levita, max cajaycan ec' eb bay juntzan conoblak bay yul yet Judá, junjunc'al bay is satak. 21A eb mulnajwom bay templo, a tu' max cajay ec' eb bay Ofel yul makbej Jerusalén. A Ziha c'al Gispa max ikban eb yin mulnajil tu'.
22A jun mac yajaw yayji xol eb levita bay Jerusalén, a ton Uzi. A listail eb yichmam Uzi yin txolilal, a ton Bani, Hasabías, Matanías, Micaía, a ton eb yinatil Asaf. A xol eb yinatil Asaf tu', ay eb chi ikban bit bay templo Dios. 23A cham rey David max aloncanok tzetbil chi yun yoc junjun makan eb chi bitni yin txolilal.
24A mactxel chi oc satak cham rey yuj tzanc'al tzet k'anejal yet eb conob, a ton Petaías, c'ajol Mesezabeel, a yinatil Zera c'ajol Judá.
Juntzanxa conob bay max cajay eb
25A juntzanok eb yin is tribual Judá max cajay eb bay Quiriat-arba, Dibón, Jecabseel, 26Josué, Molada, Bet-pelet, 27Hazar-sual, Beerseba, 28Siclag, Mecona, 29En-rimón, Zora, Jarmut, 30Zanoa, Adulam, Laquis c'al Azeca, yetokc'al yaldeail c'al bay chi oc mulnajil. Max ayji eb bay Beerseba masantac'al bay jobeal yet Hinom. 31Axa eb yin is tribual Benjamín max ayji eb bay Geba, Micmas, Aía, Betel c'al yetok is yaldeail. 32Yetok c'apax bay Anatot, Nob, Ananías, 33Hazor, Ramá, Gitaim, 34Hadid, Seboím, Nebalat, 35Lod, Ono c'al bay jobeal yet eb watx'nem ch'en. 36Ay c'apax eb levita max cha is satak yul yet Judá c'al yul yet Benjamín.
Currently Selected:
Neh 11: ATBYK89
Highlight
Share
Copy
Want to have your highlights saved across all your devices? Sign up or sign in
Kanjobal (Q’anjob’al) © Sociedad Bíblica de Guatemala 1989