Oseas 14
14
In cubsan twitz Oseas cywitz aj Israel tu'n cyajtz meltz'aj tuc'il Kman
1Akeye aj Israel, cyajtz meltz'aje juntl maj tuc'il Kman aju Cydiose, porque ma che cub tz'ake tu'n tlaj cyile. 2Cyajtz meltz'aje tuc'il Kman, ex cymanxe te tuj cyna'j Diose: Najsama tcyakil kbinchbene mya ba'n ex c'monxa tuc'il tzalajbil aju ak'bil chjonte in xi kk'o'ne teya. 3Porque mlay ko clete cyu'n aj Asiria ex mlay ko jaxe cyibaj chej tu'n kel oke. Mi'n che oc kdiosintle ke tilbilal ku'nxe e bant, porque o'cx tuc'ila Kman in cnet k'ak'bil c'u'jbaj cyu'n meba xjal, che chicuye.
Xi ttziyan Kman jun ac'aj chwinklal cye aj Israel
4Chi Kman in tma'n:
C'elel wi'ne ttx'u'jil cywi' aj Israel: che oquel nc'ujla'ne, masque mya ba'n ke, porque minti'tl nk'oje cyi'j.
5Chin oquele te cye aj Israel ic tza'n tk'ab che'w, atzun cye, ic che oquel ic tza'n ke bech lirio nim cyxmacal, ex ic tza'n ke tze' wi'ten twi witz Líbano in xi bet cyloc' tuj tx'otx'.
6Ic che oquel ic tza'n jun wi' tze' ma' ponin baj tk'ab, ex tbanilxix ic tza'n tk'ab tze' olivo; aju tc'oc'jal ic c'oquel ic tza'n cyc'oc'jal ke tze' wi'ten twi witz Líbano.
7Che ajetz meltz'aj xjal tu'n cynajan tjak' t-xlecumal, ex che ch'iyil ic tza'n in ch'iy triw, che oquel ic tza'n tkan uva oc nno'c t-xmacal, ex cycyakil xjal che yolil ba'n cyi'j, ic tza'n in yolinjtz ba'n ti'j vin in bant tuj Líbano.
8Oc cyma' ke aj Efraín cyja': Minti'tl kaje cyi'j ke tilbilal ja'lo, che chilo. Cxel nbi'ne cykanbetz ex che oquel ncwentine ke. Ic chin oquele te cye ic tza'n jun tzaj cha'x que'yin ex minti' in tzkij, wuc'ile ta' ju xtalbil cyibaj ke xjal etzan wu'ne.
Aju mancbil yol
9Aju xjal at tnabl ex at tojtzkibl, ba'n tu'n tel tnic' ti'j ju yol lu: Ke tbe Kman jikunxix cyi'j ex cucx in che bet ke xjal tz'aklxix cyuj; atzun ke xjal binchal mya ba'n, in che jaw tz'ak cyuj.
Currently Selected:
Oseas 14: MAMH
Highlight
Share
Copy
Want to have your highlights saved across all your devices? Sign up or sign in
Mam del Norte © Sociedades Bíblicas Unidas 1993