Cnt 8
8
1K'ate' ta at nuxibal,
richin keri' toq yatink'ul ta pa bey, yatintz'ubaj ta,
y man jun ta xtitze'en chuwij.
2Y yatink'uaj ta el pa rachoch ri nte'
richin rat nak'ut chinuwech ri ajowabel.
Y yin ninya' ta vino chawe,
y chuqa' ninya' ta chawe ruya'al granada.
3Ri awajxokon xtaya' ta chuxe' ri nujolon,
y rik'in ri awijkiq'a' xkinaq'etej ta.
4Jak'a rix, xtani' ri ixk'o pa Jerusalem, tiya' itzij
chi man tik'asoj chi'anin ri ajowabel,
k'a ja toq xtapon na ri ruq'ijul.
Ri kachibil nikibij:
5¿Achike kami ri jotol-pe pa tz'iran ruwach'ulew,
y raq'en-pe roma ri rajowanel?
Ri ixjayilonel nubij:
Chuxe' jun che' richin manzana xink'asoj ri ajowabel chawe,
akuchi ri ate' xyawej kan chawij,
y k'ari' xaruya' chuwech re ruwach'ulew.
6Kan kinaya' k'a pan awánima.
Kan tabana' chuwe achi'el jun awetal chirij ri aq'a',
roma ri ajowabel más ruchuq'a' chuwech ri kamik,
y chuwech ri jul richin muqbel.
Ri ajowabel kan achi'el jun nimalej q'aq'.
7Stape' xkepe ronojel ri ya' richin ri palou,
man xketikir ta xtikichup ri ajowabel.
Ni ri raqen taq ya' chuqa' man xketikir ta xtikichup.
Y wi k'o ta jun nusuj ronojel rubeyomel chuwe
pa ruk'exel ri awajowabal,
yin xa xkitze'en chirij.
Ri kachibil nikibij:
8K'o jun ti qana' ri k'a ti ko'ol na,
y k'a man jani tik'iy-q'anej.
¿Achike k'a xtiqaben rik'in wi xtik'utux?
9Roma rija' man achi'el ta jun tz'aq,
richin ta niqato' rik'in tobel ri banon rik'in saqipueq.
Y chuqa' man achi'el ta ri ruchi-jay,
richin ta niqato' rik'in nima'q taq tz'alem ri e banon rik'in tiox-che'.
Ri ixjayilonel nubij:
10Yin kan in achi'el jun tz'aq chire ri wajowanel,
y ri ruwa taq nuk'u'x achi'el ri torre kichin ri chajinela'.
Y kan xaxe yirutz'et, kan janila yiqa' chuwech.
11Ri Salomón k'o rulew ri akuchi nutik-wi uva
ri chiri' pa Baal-hamón.
Y xuya' pa kiq'a' ri xeqajon ri ulew.
Y toq niwachin ri tiko'n, chikijujunal nikijech chire, juwineq wo'o' libra saqipueq.
12Jak'a ri wulew yin kan ninsipaj chire rija'.
Roma ri' rija' tik'oje' kan rik'in ri juwineq wo'o' libra saqipueq ri',
y ri ch'aqa' chik chuqa' kek'oje' kan rik'in ri wo'o' libra saqipueq.
Ri achijlonel nubij:
13Rat, wajowanel ri atk'o chupan ri qejoj,
ri qachibil kan nikak'axaj ri ach'abel.
Taya' k'a q'ij chuwe richin yin chuqa' ninwak'axaj ri ach'abel.
Ri ixjayilonel nubij:
14Junanin ri' wajowanel yin.
Katanin achi'el nanin jun masat,
ri nropiyaj-pe pa ruwi' taq juyu' ri jebel yejubulin.
Currently Selected:
Cnt 8: KQC
Highlight
Share
Copy
Want to have your highlights saved across all your devices? Sign up or sign in
Kaqchikel Bible © Bible Society in Guatemala, 2003.