Núm 2
2
Ri kinuk'ik ri tzobaj richin ri tinamit Israel
1Ri Jehová xch'on k'a kik'in ri Moisés y ri Aarón y xubij: 2Ri winaqi' richin ri tinamit Israel, kan pa rusutilen ri wachoch ri richin molojri'il yek'oje-wi y nej k'a juba' k'o chi yek'oje-wi-el. Chikijujunal k'o chi yek'oje' ri akuchi nik'oje-wi ri tzieq retal ruk'exewach ri kitzobaj.
3Ri pa relebel-q'ij chire ri wachoch chiri' xkek'oje-wi konojel winaqi' richin ri rutzobaj ri Judá rik'in ri tzieq ri ruk'exewach ri kitzobaj. Ri aj-raqen pa kiwi' rije' ja ri Nahasón ruk'ajol ri Aminadab. 4Y ri kajlabal ri aj-labal chikikojol rije' e 74,600. 5Chikixikin rije' xkek'oje' ri tzobaj richin ri Isacar. Y ri aj-raqen pa kiwi', ja ri Natanael ruk'ajol ri Suar. 6Y ri kajlabal ri aj-labal chikikojol rije' e 54,400. 7Y chikixikin chik ri tzobaj richin ri Judá xkek'oje-apo ri tzobaj richin ri Zabulón. Y ri aj-raqen ri k'o pa kiwi', ja ri Eliab ruk'ajol kan ri Helón. 8Y ri kajlabal ri aj-labal chikikojol rije' e 57,400. 9Keri' konojel k'a ri aj-labal ri kik'uan-ki' rik'in ri tzobaj richin ri Judá ek'o k'a e 186,400. Jare' ri xke'ik'o nabey chuwech ri tinamit Israel toq k'o chi yixel-el.
10Ri pa xokon chire ri wachoch, chiri' xkek'oje-wi konojel ri winaqi' ri xketzeqeliben ri tzieq ruk'exewach ri tzobaj richin ri Rubén. Ri aj-raqen ri k'o pa kiwi' ri rutzobaj ri Rubén, ja ri Elisur ruk'ajol ri Sedeúr. 11Y ri kajlabal ri aj-labal chikikojol rije' e 46,500. 12Y chikixikin rije' xkek'oje' ri tzobaj richin ri Simeón. Y ri aj-raqen pa kiwi' rije', ja ri Selumiel ruk'ajol ri Surisadai. 13Y ri kajlabal ri aj-labal chikikojol rije' e 59,300. 14Y chikixikin chik ri tzobaj richin ri Rubén xkek'oje' ri tzobaj richin ri Gad. Y ri aj-raqen pa kiwi', ja ri Eliasaf ruk'ajol ri Reuel. 15Ri kajlabal ri aj-labal chikikojol rije' e 45,650. 16Konojel k'a ri aj-labal ri kik'uan-ki' rik'in ri tzobaj richin ri Rubén ek'o e 151,450. Ja tzobaj re' ri xkebe pa ruka'n toq k'o chi yixel-el.
17Y chikij ri ye'el-el pa ruka'n, k'ari' nibe ri wachoch richin molojri'il uk'uan-el koma ri levita y ri kitzobaj. Toq rix yixk'olon-el, chijun ri tinamit k'o chi yebiyin rik'in re ruchojmilal re' chirij ri tzieq ri ruk'exewach ri tzobaj, y toq yixapon ri akuchi yixk'oje-wi-qa, k'o chi ninuk'-qa-iwi'.
18Ri pa qajbel-q'ij chire ri wachoch, chiri' xkek'oje-wi konojel ri winaqi' ri xketzeqeliben ri tzieq ri ruk'exewach ri rutzobaj ri Efraín. Ri aj-raqen pa kiwi', ja ri Elisamá ruk'ajol ri Amihud. 19Y ri kajlabal ri aj-labal chikikojol rije' e 40,500. 20Y chikixikin chik rije' xkek'oje' ri tzobaj richin ri Manasés. Y ri aj-raqen pa kiwi' rije' ja ri Gamaliel ruk'ajol ri Pedasur. 21Y ri kajlabal ri aj-labal chikikojol rije' e 32,200. 22Y chuqa' chuxikin chik ri tzobaj richin ri Efraín, chiri' xtik'oje-wi ri tzobaj richin ri Benjamín. Y ri aj-raqen pa kiwi' rije' ja ri Abidán ruk'ajol ri Guidoní. 23Y ri kajlabal ri aj-labal chikikojol rije' e 35,400. 24Konojel k'a ri aj-labal ri kik'uan-ki' rik'in ri tzobaj richin Efraín ek'o e 108,100. Jare' ri xkebe chirij ri wachoch toq k'o chi yixel-el.
25Ri pa xaman chire ri wachoch, chiri' xkek'oje' ri konojel ri winaqi' ri xketzeqeliben ri tzieq ri ruk'exewach ri rutzobaj ri Dan. Ri aj-raqen pa kiwi', ja ri Ahiézer ruk'ajol ri Amisadai. 26Y ri kajlabal ri aj-labal chikikojol rije' e 62,700. 27Y chikixikin chik rije' xkek'oje' ri tzobaj richin ri Aser. Y ri aj-raqen pa kiwi' rije', ja ri Paguiel ruk'ajol ri Ocrán. 28Y ri kajlabal ri aj-labal chikikojol rije' e 41,500. 29Y chikixikin chik rije' xkek'oje' ri tzobaj richin ri Neftalí. Y ri aj-raqen pa kiwi' rije' ja ri Ahirá ruk'ajol ri Enán. 30Y ri kajlabal ri aj-labal chikikojol rije' e 53,400. 31Konojel k'a ri aj-labal ri kik'uan-ki' rik'in ri rutzobaj ri Dan ek'o e 157,600. Jare' ri xkebe pa ruk'isibel chiwe rix toq k'o chi yixel-el y kan itzeqeliben-el ri tzieq ri ruk'exewach ri itzobaj, xcha' ri Jehová.
32Ja konojel achi'a' re' ri xe'ajlex richin ri tinamit Israel, achi'el ri kach'alal-ki'. Chijun ri kajlabal ri aj-labal ek'o e 603,550. 33Jak'a ri tzobaj richin ri Leví man xtz'ibex ta kibi' y man xe'ajlex ta chuqa', achi'el ri xban kik'in ri ch'aqa' chik tzobaj, roma ri Jehová kan keri' k'a ri rubin chire ri Moisés.
34Y ri winaqi' richin ri tinamit Israel xkitaqej k'a ri ch'abel richin ri Moisés ri bin chire roma ri Jehová. Roma ri' toq xek'olon-el, xebe pa tzobaj achi'el ri kach'alal-ki'. Y toq xe'apon ri akuchi yek'oje-wi-qa, xek'oje' pa taq kitzobaj, chunaqaj ri tzieq ri ruk'exewach ri kitzobaj.
Currently Selected:
Núm 2: KQC
Highlight
Share
Copy
Want to have your highlights saved across all your devices? Sign up or sign in
Kaqchikel Bible © Bible Society in Guatemala, 2003.