Mal 4
4
Ri q'ij richin ri rupetebel ri Dios
1Yin Jehová ninbij chi kan jujik-wi noqaqa ri q'ij richin niqaqa ri woyowal pa ruwi' ri iruwach'ulew, achi'el jun horno toq nijinon pa q'aq'. Konojel ri kan nim nikina-ki' y ri yebanon ri etzelal kan xkebe'ok achi'el solot, y chupan ri q'ij ri' kan man jun chik xtikolotej kan achi'el ri q'aq' toq nuk'is ronojel. 2Jak'a rix ri k'o nukiy chiwech kan pa ruchojmilal k'a ri xtinben iwik'in. Ri ruchojmilal kan xtiyik'lun pan iwi' achi'el niyik'lun ri q'ij. Y chupan ri q'ij ri', rix kan xtik'ul raxnaqil achi'el toq nimeq'e-pe ri q'ij. Kan xkixropiyaj k'a roma kikoten achi'el yeropilan ri taq alaji' wákix toq yebe'el-pe pa ki-coral.
3Chupan k'a ri q'ij ri', kan xke'ipalibej ri e banoy taq etzelal achi'el nipalibex ri chaj. Yin Jehová ri in k'iytisanel richin ronojel kan ninjikiba'. 4Kan xtoqaqa ta k'a chi'ik'u'x ri nupixa' ri xinya' chire ri Moisés ri nusamajel chiri' pa juyu' Horeb. Ri pixa' ri' rachibilan ri ch'aqa' chik ruchojmilal ri xinya' chire richin tubij chiwe rix aj-Israel. 5Jak'a nabey chire ri nimalej q'ij ri' ri ruk'amon-pe xibinri'il, xtinteq-pe ri Eliás ri q'alajirisey nuch'abel. 6Y rija' kan xtuben k'a chike ri te'ej-tata'aj chi xtijunamatej-kiwech kik'in ri kalk'ual y ri alk'ualaxela' kik'in ri kite-kitata'. Roma wi man keri' ta xtik'uluwachitej, yin kan xtinwoyoj itzel pa ruwi' ri iruwach'ulew, nicha' ri Jehová.
Currently Selected:
Mal 4: KQC
Highlight
Share
Copy
Want to have your highlights saved across all your devices? Sign up or sign in
Kaqchikel Bible © Bible Society in Guatemala, 2003.