Jon 4
4
Ri royowal ri Jonás
1Y toq ri Jehová man xuteq ta pe ri ruk'ayewal pa kiwi' ri aj-Nínive, jari' toq ri Jonás xpe janila royowal. 2Y xch'on rik'in ri Jehová y xubij: ¡Kan xinbij na wi yin toq k'a ink'o na pa nuruwach'ulew, chi kere' naben! Y roma ri' xinanimej richin ta xibe pa Tarsis. Keri' xinben roma wetaman chi at jun Dios koch'onel y joyowanel. Y roma ri awajowabal, kan stape' nabij chi naya' ta jun ruk'ayewal, xa najel chik ri ach'obonik. 3Wakami k'a Jehová nink'utuj utzil chawe, chi tawelesaj k'a el ri nuk'aslen chuwech re ruwach'ulew, roma más utz wi yiken ke chuwech ri in k'es, xcha' ri Jonás.
4Jak'a ri Jehová xubij chire: ¿Kan ruk'amon kami chi nipe awoyowal roma re'?, xcha'.
5Y ri Jonás xel k'a el chupan ri Nínive, y k'ari' xbe pa relebel-q'ij chuwech q'anej ri tinamit. Y chiri' xuben jun ti rumo'k, y xbetz'uye' k'a pe chupan richin nutzu-pe ri achike xtuk'uluwachij ri tinamit. 6Y ri Jehová xuben chi xk'iy k'a pe jun ti che' achi'el ri ricino richin chi xumujaj y xch'uch'u' juba' chire ri k'aten. Y ri Jonás janila xkikot roma re jun ti che' re'. 7Jak'a toq xseqer ri ruka'n q'ij ri Jehová xuteq k'a pe jun jut richin xutej ri ruxe' ri ti che' ri', y keri' xken-qa ri ti che'. 8Y toq xmeq'e' k'a pe ri q'ij, ri Dios xuteq k'a pe jun k'aten kaq'iq' pa relebel-q'ij. Y ri Jonás kan nik'at chuwech ri q'ij y xlawalo-qa roma ri k'aten ri'. Jari' toq xurayij ri rukamik y xubij: Más ta utz yiken ke chuwech ri in k'es, xcha'.
9Jak'a ri Dios xubij chire ri Jonás: ¿Kan ruk'amon kami chi nipe awoyowal roma re ti che' xken-qa?, xcha'.
Y ri Jonás xubij: Ja', kan ruk'amon chi nipe woyowal, roma ri' ninrayij yiken, xcha'.
10Y ri Jehová xubij chire: Rat xpe awoyowal roma xken re ti che' re', ri xa man ja ta rat xatiko-qa, ni man ja ta rat ri xak'iytisan richin, roma xa pa junaq'a' xk'iy-pe, y chupan ri ruka'n aq'a' xken. 11¿Achike ta k'a roma yin man ta ninjoyowaj kiwech ri ek'o pa Nínive ri nimalej tinamit ri akuchi ek'o-wi más juba' chire ri 120,000 ak'uala' ri man jani ketaman ta ri utz y ri man utz ta? Y chuqa' ninjoyowaj kiwech ri janila chi chikopi' ri e awajin chiri'.
Currently Selected:
Jon 4: KQC
Highlight
Share
Copy
Want to have your highlights saved across all your devices? Sign up or sign in
Kaqchikel Bible © Bible Society in Guatemala, 2003.