ᒉᒻᔅ 5
5
ᐁ ᔭᑾᒥᒫᑲᓂᐎᒋᒃ ᑳ ᒥᓴᑭᓯᒋᒃ
1ᐁᑯ ᑭᑐᑌᒃ, ᑭᓚᐗᐤ ᑳ ᒥᔕᑭᓯᔦᒃ ᐃᓕᓕᑐᒃ, ᒫᑐᒃ ᓀᔥᑕ ᐙᐎᓴᑲᑗᒧᒃ ᐊᓂᐃ ᑲᒀᑕᑭᓯᐎᓇ ᐅᒋ ᑫ ᐅᑎᑎᑯᔦᒃ᙮ 2ᑭ ᒥᔕᑭᓯᐎᓂᐙᐗ ᓂᔑᐗᓈᑕᓋ, ᓀᔥᑕ ᑭ ᐎᓛᒋᑲᓂᐗᐗ ᒧᑌᐗᓋ᙮ 3ᑭᑦ ᐅᓵᐎᔓᓕᐊᓈᐱᔅᑯᒥᐗᐤ ᓀᔥᑕ ᑭ ᔔᓕᐋᓈᐱᔅᑯᒥᐗᐤ ᐊᒀᑯᓯᐗᒃ; ᐅᑦ ᐊᒀᑯᓯᐎᓂᐗᐤ ᑭ ᑳ ᒪᒥᔑᒥᑯᓇᐗᐤ, ᓀᔥᑕ ᑭ ᑳ ᒧᐃᑯᓇᐗᐤ ᑭ ᐎᔮᓯᐙᒃ ᑖᐱᔅᑯᒡ ᐃᔥᑯᑌᐤ᙮ ᑭ ᑮ ᒪᐗᒋᑖᓇᐗᐤ ᐌᓗᑎᓯᐎᓇ ᒫᒋᒡ ᐁ ᑭᔑᑳᑭ ᐅᒋ᙮ 4ᒫᑎᑲ, ᐅ ᑎᐸᐊᒫᑯᓯᐎᓂᐗᐤ ᐅᑕᑐᔅᑫᐗᒃ ᑳ ᑮ ᑮᔥᑭᔕᑭᒃ ᑭ ᓂᑕᐎᑭᒋᑲᓂᐙᐗ ᑳ ᑮ ᒥᒋᒥᓇᒸᔦᒃ ᑲᑳᔦᓕᓯᐎᓂᒃ, ᑌᐺᒪᑲᓐ: ᐅ ᑌᐺᐎᓂᐗᐤ ᒫᑲ ᐊᓂᑭ ᑳ ᑮ ᑮᔥᑭᔑᑫᒋᒃ ᑮ ᐱᑐᑫᒪᑲᓂᓕᐤ ᐅᑕᐗᑲᒃ ᐅᑎᐯᓕᒋᑫᐤ ᑳ ᑎᐯᓕᒫᑦ ᐅᓱᑳᑌᓯᐗ᙮ 5ᑭ ᑮ ᐱᒫᑎᓯᓇᐗᐤ ᒥᓜᓕᒧᐎᓂᒃ ᐅᑕ ᐊᔅᑮᒃ, ᓀᔥᑕ ᑭ ᑮ ᑮᔥᑴᐙᑎᓯᓇᐗᐤ; ᑭ ᑮ ᑖᒋᐳᑖᓇᐗᐤ ᑭᑌᐃᐙᐗ, ᑖᐱᔅᑯᒡ ᒣᒀᒡ ᐁ ᓂᐹᔨᐌᐎ ᑭᔑᑳᒃ᙮ 6ᑭ ᑮ ᓂᔑᐗᓇᒋᒪᐗᐤ ᓀᔥᑕ ᑭ ᑮ ᓂᐸᐊᐗᐤ ᐅᒀᔭᔅᑭᑎᐤ; ᓇᒪᐎᓚ ᒫᑲ ᑮ ᓇᔅᑯᔅᑖᑯᐗᐤ᙮
ᐯᑳᑖᑎᓯᐎᓐ ᓀᔥᑕ ᐊᔭᒥᐋᐎᓐ
7ᔑᐱᓚᐌᓯᒃ ᒫᑲ, ᓂᒋᔖᓂᑐᒃ, ᐱᓕᔥ ᑭᒋ ᑕᑯᔑᒃ ᐅᑎᐯᓕᒋᑫᐤ᙮ ᒫᑎᑲ, ᐅᓂᑕᐎᑭᒋᑫᐤ ᐯᑕᐤ ᑳ ᒥᓨᔑᓂᓕᑭ ᑳ ᓂᑕᐎᑭᓂᓕᑭ ᐊᔅᑮᒃ, ᓀᔥᑕ ᑭᓉᔥ ᔑᐯᓕᑕᒻ, ᐹᑎᒫ ᐙᐸᑕᑫ ᓃᔥᑕᒻ ᓀᔥᑕ ᒫᒋᒡ ᑭᒋ ᑭᒥᐗᓂᓕᒃ᙮ 8ᑭᓚᐗᐤ ᓀᔥᑕ ᔑᐱᓚᐌᓯᒃ; ᐋᔨᒋᑖᒃ ᑭᑌᐃᐙᐗ; ᐌᓴ ᐯᔓᓈᑾᓂᓕᐤ ᑭᒋ ᑕᑯᔑᒃ ᐅᑎᐯᓕᒋᑫᐤ᙮
9ᐁᑳᐎᓚ ᒪᒥᔕᒣᓕᑌᒥᐃᑐᒃ, ᓂᒋᔖᓂᑐᒃ, ᐁᑳ ᑭᒋ ᓂᔑᐗᓈᒋᒥᑲᐎᔦᒃ: ᒫᑎᑲ, ᐅᑎᐹᔅᑯᓂᑫᐤ ᓂᐸᐎᐤ ᐅᑎᔥᑲᐤ ᐃᔥᒀᑌᒥᒃ᙮ 10ᐅᑎᓂᑯᒃ, ᓂᒋᔖᓂᑐᒃ, ᐅᑭᔅᑭᐙᐃᑫᐗᒃ, ᑳ ᑮ ᐋᔭᒥᒋᒃ ᐅᑦ ᐃᔑᓂᑳᓱᐎᓂᒃ ᐅᑎᐯᓕᒋᑫᐤ ᑭᒋ ᑭᔅᑭᓄᐙᐸᒣᑾᒃ ᑳ ᑮ ᐃᔑ ᓈᔭᑕᑭᒃ ᐋᓕᒥᓯᐎᓂᓕᐤ, ᓀᔥᑕ ᑳ ᑮ ᐃᔑ ᔑᐱᓚᐌᓯᒋᒃ᙮ 11ᒫᑎᑲ, ᑭᑦ ᐊᑭᒫᓇᐗᒃ ᐁ ᒥᓜᓕᑕᑭᒃ ᐊᓂᑭ ᑳ ᔑᐯᓕᑕᑭᒃ᙮ ᑭ ᑮ ᐯᑕᒸᓇᐗᐤ ᐅ ᔑᐱᓚᐌᓯᐎᓐ ᒍᑉ, ᓀᔥᑕ ᑭ ᑮ ᐙᐸᑌᓇᐗᐤ ᒫᒋᒡ ᑳ ᑮ ᑐᑕᒃ ᐅᑎᐯᓕᒋᑫᐤ; ᐅᑎᐯᓕᒋᑫᐤ ᓈᔅᐱᒡ ᐁ ᑭᔐᐙᑎᓰᑦ, ᓀᔥᑕ ᐁ ᓗᔅᐱᓯᐎ ᔕᐌᓕᒋᑫᑦ᙮
12ᒫᑲ ᐊᐙᓯᑌ ᒥᓯᐌ ᑫᒀᓇ, ᓂᒋᔖᓂᑐᒃ, ᐁᑳᐎᓚ ᑭᒋᐃᑗᒃ, ᑭᒋ ᐊᔅᐱᒧᔦᒃ ᑭᒋᑭᔑᒃ, ᓀᔥᑕᐱᑯ ᐊᔅᑭ, ᓀᔥᑕᐱᑯ ᑯᑕᒃ ᑭᒋᐃᑗᐎᓐ: ᒫᑲ ᐁᑯᔑ ᑭᑦ ᐁᐁᒥᐗᐤ ᑲᑕ ᐋᐎᒫᑲᓐ ᐁᐁ, ᓀᔥᑕ ᑭ ᓇᒪᐎᓚᒥᐗᐤ ᑲᑕ ᐋᐎᒪᑲᓐ, ᓇᒪᐎᓚ; ᐁᑳ ᑭᒋ ᐸᑭᔑᓂᔦᒃ ᓂᔑᐗᓈᒋᒥᑯᓯᐎᓂᒃ᙮
13ᐊᐌᓇ ᐁ ᐃᑕᔑᔦᒃ ᓈ ᑲᒀᑕᑭᓯᐤ? ᐁᑯᔑ ᑲᑕ ᐋᔭᒥᐊᐤ᙮ ᐊᐌᓇ ᓈ ᒫᒥᓚᐙᑕᒻ? ᐁᑯᔑ ᑲᑕ ᓂᑲᒧ ᐋᔭᒥᐋᐎ ᓂᑲᒧᐎᓇ᙮ 14ᐊᐌᓇ ᐁ ᐃᑕᔑᔦᒃ ᓈ ᐋᑯᓯᐤ? ᐁᑯᔑ ᑲᑕ ᓈᑐᒣᐤ ᑳ ᐋᔭᒥᐋᐎ ᓂᑳᓀᓕᑖᑯᓯᓕᒋ; ᐁᑯᔑ ᒫᑲ ᑲᑕ ᐋᔭᒥᐁᔅᑕᒪᐌᐗᒃ, ᐱᒥᓕᐤ ᐁ ᑐᒥᓈᒋᒃ ᐅᑦ ᐃᔑᓂᑳᓱᐎᓂᒃ ᐅᑎᐯᓕᒋᑫᐤ᙮ 15ᑖᐺᔦᓕᑕᒧᐎᓂ ᐋᔭᒥᐋᐎᓐ ᒫᑲ ᑲᑕ ᐱᒫᒋᐃᑯ ᐊᓇ ᑳ ᐋᑯᓯᑦ, ᐅᑎᐯᓕᒋᑫᐤ ᒫᑲ ᑲᑕ ᐗᓂᔥᑳᓀᐤ; ᑮᔥᐱᓐ ᒫᑲ ᑮ ᒪᒋᑐᑕᒧᑴ ᑲᑕ ᐌᐯᓕᑕᒪᐙᑲᓂᐎᐤ᙮ 16ᐙᐎᑕᒫᑐᒃ ᑭ ᐗᓂᐋᔨᑎᐎᓂᐗᐗ, ᓀᔥᑕ ᐋᔭᒥᐁᔅᑕᒫᑐᒃ, ᑭᒋ ᒥᓇᐙᒋᐃᑲᐎᔦᒃ᙮ ᐅ ᓇᑐᑕᒫᑫᐎᓐ ᑳ ᒀᔭᔅᑭᑖᑎᓰᑦ ᐃᓕᓕᐤ ᒥᔅᑕᐃ ᐃᑖᐸᑕᓂᓕᐤ᙮ 17ᐃᓛᐃᒐ ᑮ ᐃᓕᓕᐎᐤ ᑖᐱᔅᑯᒡ ᑭᓚᓈᓇᐤ ᐁ ᑮ ᐃᑕᒪᒋᐅᑦ, ᐁᓕᑯᒃ ᒫᑲ ᑮ ᐋᔭᒥᐋᐤ ᐁᑳ ᑭᒋ ᑭᒥᐗᒃ: ᓇᒪᐎᓚ ᒫᑲ ᑮ ᑭᒥᐗᐤ ᐃᔥᐱᔥ ᓂᔅᑐ ᐱᐴᓋ ᓀᔥᑕ ᓂᑯᑣᔅ ᐱᓯᒶ᙮ 18ᒥᓇ ᒫᑲ ᑮ ᐋᔭᒥᐊᐤ, ᑭᔑᒃ ᒫᑲ ᑮ ᒥᓕᐌᒪᑲᓐ ᑭᒥᐗᓇᐳ, ᐊᔅᑭ ᒫᑲ ᑮ ᓂᑕᐎᑭᑖᒪᑲᓐ ᐅ ᓂᑖᐎᑭᑖᑲᓇ᙮
19ᓂᒋᔖᓂᑐᒃ, ᑮᔥᐱᓐ ᐊᐌᓇ ᐁ ᐃᑕᔑᔦᒃ ᐸᔅᑫᑌ ᑖᐺᐎᓂᒃ ᐅᒋ, ᓀᔥᑕ ᑴᔅᑳᑎᓯᐃᑯᑌ ᐊᐌᓕᐗ; 20ᐁᑯᔑ ᑲᑕ ᑭᔅᑫᓕᑕᒻ, ᐊᓇ ᑳ ᑴᔅᑳᑎᓯᐋᑦ ᐅᒪᒋᑣᐗ ᐅ ᐗᓂᑖᑎᓯᐎᓐ ᐅᒋ, ᑲᑕ ᐱᒫᒋᐁᐤ ᐊᒑᑾ ᓂᐱᐎᓂᒃ ᐅᒋ, ᓀᔥᑕ ᑲᑕ ᑳᑕᐤ ᓈᔅᐱᒡ ᒥᒉᑦ ᒪᒋᑐᑕᒧᐎᓇ᙮
Currently Selected:
ᒉᒻᔅ 5: MCNT91
Highlight
Share
Copy
Want to have your highlights saved across all your devices? Sign up or sign in
The text of the Bible in Moose Cree is in the public domain.
Moose Cree New Testament © Canadian Bible Society, 1991.