ᓂᔓ ᑌᓴᓗᓂᔭᓇ 1
1
1ᐹᓪ, ᓀᔥᑕ ᓵᐃᓚᔅ, ᓀᔥᑕ ᑎᒧᑎ, ᐁ ᒪᓯᓇᐊᒪᐙᒋᒃ ᐊᓂᐃ ᑌᓴᓗᓂᔭ ᒫᒪᐎᐋᔭᒥᐊᐗ, ᑳ ᐃᑖᓕᒋ ᑭᒋᒪᓂᑐᒃ ᑯᑖᐎᓇᐤ ᓀᔥᑕ ᐅᑎᐯᓕᒋᑫᒃ ᒋᓴᔅ ᙭:
2ᔕᐌᓕᒋᑫᐎᓐ ᑭ ᑳ ᐎ ᐋᔮᓇᐗᐤ, ᓀᔥᑕ ᑳᔮᒣᓕᑕᒧᐎᓐ, ᑭᒋᒪᓂᑐ ᐅᒋ ᑯᑖᐎᓇᐤ, ᓀᔥᑕ ᐅᑎᐯᓕᒋᑫᐤ ᒋᓴᔅ ᙭᙮
ᐊᓂᒪ ᑎᐹᑯᓂᑫᐎᓐ ᑕᑯᔑᑫ ᙭
3ᓂᑦ ᐃᑌᓕᑖᑯᓯᓈᓐ ᒧᔕᒃ ᑭᒋ ᓇᓈᔅᑯᒪᑭᑦ ᑭᒋᒪᓂᑐ ᑭᓚᐗᐤ ᐅᒋ ᓂᒋᔖᓂᑐᒃ, ᐁ ᐃᔑ ᒥᓗᐃᑌᓕᑖᑾᒃ, ᑭ ᑖᐺᔦᓕᑕᒧᐎᓂᐗᐤ ᐁ ᐌᓗᒋ ᓂᑕᐎᑭᒃ, ᓀᔥᑕ ᑭ ᓵᑭᐃᑐᐎᓂᐗᐤ ᐁ ᐃᔑ ᓵᑭᐃᑐᔦᒃ ᐁ ᐌᓗᒋᐸᓕᒃ; 4ᑳ ᐅᒋ ᒫᒪᑖᑯᒧᔮᒃ ᓂᓚᓈᓐ ᑫᒋᐗᒃ ᑭᓚᐗᐤ ᐅᒋ, ᐃᑕ ᐁ ᐃᑖᓕᒋ ᑭᒋᒪᓂᑐ ᐅ ᒫᒪᐎᐋᔭᒥᐋᒪ, ᑭ ᔑᐱᓚᐌᓯᐎᓂᐗᐤ ᐅᒋ ᓀᔥᑕ ᑭ ᑖᐺᔦᓕᑕᒧᐎᓂᐗᐤ, ᒥᓯᐌ ᑭ ᑲᒀᑕᑭᓯᐎᓂᐙᒃ ᓀᔥᑕ ᑭᑦ ᐊᓕᒥᓯᐎᓂᐙᒃ ᑳ ᑮ ᐅᑎᑎᑯᔦᒃ:
5ᐁᐗᑯ ᑳ ᐸᔭᑌᓈᑾᒃ ᑮᔅᑭᓄᐙᒋᒋᑲᓐ ᐁ ᒀᔭᔅᑯ ᑎᐹᔅᑯᓂᑫᑦ ᑭᒋᒪᓂᑐ, ᑭᒋ ᑌᐸᑫᓕᑖᑯᒥᑲᐎᔦᒃ ᑭᒋᒪᓂᑐ ᐅᑦ ᐅᑭᒫᐎᐎᓂᒃ, ᐁᐗᑯ ᑳ ᐅᒋ ᐎᓴᑫᓕᑕᒣᒃ: 6ᐁ ᐙᐸᒋᑲᑌᒃ ᐁ ᒥᓜᓕᑕᒃ ᑭᒋᒪᓂᑐ ᐊᓕᒥᓯᐎᓂᓕᐤ ᑭᒋ ᑎᐸᐊᒪᐙᑦ ᐊᓂᐃ ᑳ ᒥᑯᔥᑳᒋᐃᑕᑾᒃ; 7ᑭᓚᐗᐤ ᓀᔥᑕ ᑳ ᐊᓕᒥᐃᑲᐎᔦᒃ ᑭ ᐎᒋᐋᓜᐱᒥᓈᓐ, ᐃᔅᐱ ᐅᑎᐯᓕᒋᑫᐤ ᒋᓴᔅ ᑭᒋᑭᔑᑯᒃ ᑫ ᐅᒋ ᐯᒋ ᓄᑯᓯᑦ, ᐊᓯᒋ ᑳ ᓱᑳᑎᓯᓕᑭ ᐅᑦ ᐁᓐᒐᓕᒪ, 8ᐁ ᐙᓚᑌᒃ ᐃᔥᑯᑌᒃ, ᐁ ᐊᑯᓚᐌᓰᔅᑕᐙᑦ ᐊᓂᐃ ᐁᑳ ᑳ ᑭᔅᑫᓕᒫᓕᒋ ᑭᒋᒪᓂᑐᐗ, ᐁᑳ ᓀᔥᑕ ᑳ ᓇᓇᐃᑕᒥᓕᒋ ᐅ ᒥᓗᐋᒋᒧᐎᓐ ᑭ ᑎᐯᓕᒋᑫᒥᓇᐤ ᒋᓴᔅ ᙭: 9ᐊᓂᑭ ᑫ ᑲᒀᑕᑭᐋᑲᓂᐎᒋᒃ ᑳᑭᑫ ᓂᔑᐗᓈᑎᓯᐎᓂᒃ ᐅᑖᔅᑕᒥᒃ ᐅᒋ ᐅᑎᐯᓕᒋᑫᐤ, ᓀᔥᑕ ᐁ ᐃᔑ ᑭᔅᑌᓕᑖ ᑲᓂᓕᒃ ᐅ ᑲᔥᑭᐅᐎᓐ ᐅᒋ; 10ᐃᔅᐱ ᐯᒋ ᑕᑯᔑᑫ ᑭᒋ ᑭᔅᑌᓕᑖᑯᐃᑯᑦ ᐅ ᐸᓓᑭᓯᒪ, ᓀᔥᑕ ᑭᒋ ᑭᔅᑌᓕᒥᑯᑦ ᒥᓯᐌ ᐊᓂᐃ ᑳ ᑖᐺᑕᒥᓕᑭ (ᐌᓴ ᓂ ᑎᐹᒋᒧᐎᓂᓈᓐ ᑮ ᑖᐺᒋᑳᑌᐤ ᐃᑕ ᐁ ᐃᑖᔦᒃ,) ᐁᑯᔅᐱ ᐁ ᑭᔑᑳᒃ᙮
11ᐁᐗᑯ ᐅᒋ ᒧᔕᒃ ᑭᑦ ᐋᔭᒥᐁᔅᑕᒫᑎᓈᓐ, ᑭ ᑭᒋᒪᓂᑐᒥᓇᐤ ᑭᒋ ᑌᐸᑫᓕᒥᑖᒃ ᐅᒪ ᓇᑐᑫᐎᓂᒃ, ᓀᔥᑕ ᑭᒋ ᑎᐱᑐᑕᒫᑖᒃ ᒥᓯᐌ ᐁ ᐃᔑ ᒥᓨᔑᑭ, ᓀᔥᑕ ᑖᐺᔦᓕᑕᒧᐎᓂ ᐊᑑᔅᑫᐎᓐ ᑲᔅᑭᐅᐎᓂᒃ; 12ᐅᑦ ᐃᔑᓂᑳᓱᐎᓐ ᑭ ᑎᐯᓕᒋᑫᒥᓇᐤ ᒋᓴᔅ ᙭ ᑭᒋ ᑭᔅᑌᓕᑖᑯᑕᐌᒃ, ᓀᔥᑕ ᑭᒋ ᐱᒋᔥᑲᐌᒃ, ᑳ ᐃᑕᔅᑌᓕᒃ ᐅ ᔕᐌᓕᒋᑫᐎᓐ ᑭ ᑭᒋᒪᓂᑐᒥᓇᐤ, ᓀᔥᑕ ᐅᑎᐯᓕᒋᑫᐤ ᒋᓴᔅ ᙭᙮
Currently Selected:
ᓂᔓ ᑌᓴᓗᓂᔭᓇ 1: MCNT91
Highlight
Share
Copy
Want to have your highlights saved across all your devices? Sign up or sign in
The text of the Bible in Moose Cree is in the public domain.
Moose Cree New Testament © Canadian Bible Society, 1991.