ᓂᔥᑕᒻ ᑌᓴᓗᓂᔭᓇ 5
5
ᐊᔨᔅᑲᐎ ᒋ ᑕᑯᔑᒃ ᐅᑎᐯᓕᒋᑫᐤ
1ᒫᑲ ᐃᔅᐱ ᑫ ᐅᑎᒋᐸᓕᑭ ᓀᔥᑕ ᐁ ᐃᔅᐱᑕᔭᐗᑭ, ᓂᒋᔖᓂᑐᒃ, ᓇᒪᐎᓚ ᑭ ᓇᑕᐌᓕᑌᓇᐗᐤ ᑭᒋ ᒪᓯᓇᐊᒫᑕᑾᒃ᙮ 2ᐌᓴ ᑭᓚᐗᐤ ᑫᒋᐙᒃ ᒥᑐᓂ ᑭ ᑭᔅᑫᓕᑌᓇᐗᐤ ᐅᑎᐯᓕᒋᑫᐤ ᐅ ᑭᔑᑳᒻ ᑭᒋ ᐃᔑ ᐅᑎᒋᐸᓕᓕᒃ ᑖᐱᔅᑯᒡ ᑭᒧᑎᔉ ᒣᒀᒡ ᐁ ᑎᐱᔅᑳᓕᒃ᙮ 3ᐌᓴ ᐃᔅᐱ ᐃᑗᑡᐌ, ᑳᔭᒣᓕᑕᒧᐎᓐ ᓀᔥᑕ ᐱᒫᒋᐅᐎᓐ: ᐁᑯ ᑫᑕᑕᐌ ᐌᑎᑎᑯᒋᒃ ᓂᔑᐗᓈᑎᓯᐎᓂᓕᐤ, ᑖᐱᔅᑯᒡ ᐃᔅᑴᐤ ᐁ ᐎ ᐙᐸᒪᐗᓱᑦ ᐁ ᐅᑎᑎᑯᑦ ᐎᓴᑫᓕᑕᒧᐎᓂᓕᐤ; ᓇᒪᐎᓚ ᒫᑲ ᑲᑕ ᐅᔑᒧᐗᒃ᙮ 4ᒫᑲ ᑭᓚᐗᐤ, ᓂᒋᔖᓂᑐᒃ, ᓇᒪᐎᓚ ᑭ ᐗᓂᑎᐱᔅᑭᓯᓇᐗᐤ, ᐊᓂᒪ ᐁ ᑭᔑᑳᒃ ᑖᐱᔅᑯᒡ ᑭᒧᑎᔉ ᑭᒋ ᐊᑎᒥᓀᐅᑯᔦᒃ᙮ 5ᒥᓯᐌ ᑭᓚᐗᐤ ᑭᑦ ᐅᑦ ᐊᐙᔑᒥᔑᒥᑯᓇᐗᐤ ᐙᓭᔮᓯᐎᓐ, ᓀᔥᑕ ᑭᑦ ᐅᑦ ᐊᐙᔑᒥᔑᒥᑯᓇᐗᐤ ᐁ ᑭᔑᑳᒃ: ᓇᒪᐎᓚ ᐁ ᑎᐱᔅᑳᒃ ᑭ ᑎᐯᓕᑖᑯᓯᓈᓇᐤ, ᓇᒪ ᓀᔥᑕ ᐗᓂᑎᐱᔅᑭᓯᐎᓐ᙮ 6ᐁᐗᑯ ᐅᒋ ᐁᑳᐎᓚ ᓂᐹᑕᐤ, ᑖᐱᔅᑯᒡ ᑯᑕᑭᔭᒃ; ᒫᑲ ᐁᑯᔑ ᐊᔕᐙᐱᑕᐤ ᓀᔥᑕ ᐯᑳᑖᑎᓯᑕᐤ᙮ 7ᐌᓴ ᐊᓂᑭ ᑳ ᓂᐹᒋᒃ ᓂᐸᐗᒃ ᐁ ᑎᐱᔅᑳᓕᒃ; ᐊᓂᑭ ᓀᔥᑕ ᑳ ᑭᔥᑴᐯᒋᒃ ᐁ ᑎᐱᔅᑳᓕᒃ ᑮᔥᑴᐯᐗᒃ᙮ 8ᒫᑲ ᐁᑯᔑ ᑭᓚᓈᓇᐤ ᐁ ᑭᔑᑳᒃ ᑳ ᑎᐯᓕᑖᑯᓯᔭᒃ ᐯᑳᑖᑎᓯᑕᐤ, ᐁ ᐳᔅᑎᔅᑲᒪᒃ ᑖᐺᔦᓕᑕᒧᐎᓂ ᓀᔥᑕ ᓵᑭᐃᐌᐎᓂ ᒥᔅᑳᔅᑭᑲᓈᐱᔉ; ᓀᔥᑕ ᑭᒋ ᓇᑐᐸᓕᐎ ᐊᔅᑐᑎᓂᔦᒃ ᐱᒫᒋᐃᐌᐎᓂ ᐊᔅᐯᓕᒧᐎᓐ: 9ᐌᓴ ᑭᒋᒪᓂᑐ ᓇᒪᐎᓚ ᐊᑯᓚᐌᓯᐎᓂᒃ ᑭ ᑮ ᐃᔑ ᓇᑐᒥᓈᓐ; ᒫᑲ ᑭᒋ ᐋᔮᔮᒃ ᐱᒫᒋᐃᐌᐎᓐ ᐎᓚ ᐅᒋ ᑭ ᑎᐯᓕᒋᑫᒥᓇᐤ ᒋᓴᔅ ᙭, 10ᐊᓇ ᑳ ᑮ ᓂᐳᔅᑕᒫᑕᒃ, ᑮᔥᐱᓐ ᑴᔅᑯᓯᐗᑴ ᓀᔥᑕᐱᑯ ᓀᐸᐗᑴ, ᑭᒋ ᐎᒋ ᒫᒪᐎ ᐱᒫᑎᓯᒪᒃ᙮ 11ᐁᐗᑯ ᐅᒋ, ᒫᒪᐎ ᑳᑭᒋᐃᑐᒃ, ᓀᔥᑕ ᑭᔅᑭᓄᐊᒫᑐᒃ, ᑖᐱᔅᑯᒡ ᓀᔥᑕ ᑳ ᐃᔑ ᑐᑕᒣᒃ᙮
ᒫᒋᒡ ᑭᔅᑭᓄᐊᒫᑫᐎᓇ ᓀᔥᑕ ᐙᒉᑫᒧᐎᓇ
12ᑭ ᐸᑯᓭᓕᒥᑎᓈᓐ ᒫᑲ, ᓂᒋᔖᓂᑐᒃ, ᑭᒋ ᑭᔅᑫᓕᒣᑾᒃ ᐊᓂᑭ ᑳ ᐊᑑᔅᑫᒋᒃ ᐃᑕ ᐁ ᐃᑖᔦᒃ, ᓀᔥᑕ ᑳ ᑲᓇᐌᓕᒥᑖᑾᒃ ᐅᑎᐯᓕᑭᑫᒃ, ᓀᔥᑕ ᑳ ᔮᒀᒥᒥᑖᑾᒃ; 13ᓈᔅᐱᒡ ᒫᑲ ᑭᒋ ᑭᔅᑌᓕᒣᑾᒃ ᓵᑭᐃᐌᐎᓂᒃ ᐅᑦ ᐊᑑᔅᑫᐎᓂᐗᐤ ᐅᒋ᙮ ᓀᔥᑕ ᒫᑲ ᑳᔮᒣᐎᓰᔅᑖᑐᒃ᙮
14ᐊᓄᒡ ᒫᑲ ᑭ ᐸᑯᓭᓕᒥᑎᓈᓐ, ᓂᒋᔖᓂᑐᒃ, ᔮᒀᒥᒥᑯᒃ ᐊᓂᑭ ᑳ ᐋᓉᑕᑭᒃ, ᑳᑭᒋᐃᑯᒃ ᐊᓂᑭ ᑳ ᓕᓚᒥ ᒥᑐᓀᓕᒋᑲᓂᒋᒃ, ᓂᔓᑲᒫᑯᒃ ᐊᓂᑭ ᑳ ᓕᓚᒥᓯᒋᒃ, ᔑᐱᓚᐌᓯᔅᑖᑯᒃ ᒥᓯᐌ ᐃᓕᓕᐗᒃ᙮ 15ᔮᒀᒥᓰᒃ ᐁᑳᐎᓚ ᐊᐌᓇ ᒥᔅᑯᒡ ᑭᒋ ᒪᒋᑐᑕᐙᑦ ᐊᐌᓕᐗ ᑳ ᒪᒋᑐᑖᑯᑦ; ᒫᑲ ᒧᔕᒃ ᓄᔅᐱᓈᑕᒧᒃ ᐊᓂᒪ ᑳ ᒥᓨᔑᒃ, ᑖᐱᔅᑯᒡ ᐁ ᐃᑐᑖᑐᔦᒃ ᓀᔥᑕ ᒥᓯᐌ ᐃᓕᓕᐗᒃ᙮
16ᑳᑭᑫ ᒥᓚᐙᑕᒧᒃ᙮ 17ᐁᑳᐎᓚ ᑭᐱᒋ ᐋᔭᒥᐋᒃ᙮ 18ᒥᓯᐌ ᑫᒀᓐ ᐅᒋ ᓈᓈᔅᑯᒧᒃ: ᐌᓴ ᐁᐗᑯ ᑭᒋᒪᓂᑐ ᐅᑦ ᐃᑌᓕᑕᐊᐎᓐ ᙭ ᒋᓴᓯᒃ ᑭᓚᐗᐤ ᐅᒋ᙮
19ᐁᑳᐎᓚ ᐋᔅᑕᐌᔦᓕᒥᒃ ᐊᒑᒃ᙮ 20ᐁᑳᐎᓚ ᐋᑕᐌᓕᑕᒧᒃ ᑭᔅᑭᐙᐃᑫᐎᓇ᙮ 21ᑲᑴᒋᑖᒃ ᒥᓯᐌ ᑫᒀᓇ: ᒥᒋᒥᓇᒧᒃ ᐊᓂᒪ ᑳ ᒥᓨᔑᒃ᙮ 22ᐌᐱᓇᒧᒃ ᒥᓯᐌ ᑐᐎ ᑫᒀᓐ ᑳ ᒫᓛᑕᒃ᙮
23ᐊᓇ ᒫᑲ ᑖᐺ ᑭᒋᒪᓂᑐ ᑳ ᑎᐯᓕᑕᒃ ᑳᔮᒣᓕᑕᒧᐎᓂᓕᐤ ᒥᑐᓂ ᑭ ᑳ ᐎ ᐸᓓᑭᐃᓂᐊᐤ; ᓂ ᓇᑐᑕᒪᐗᐤ ᒫᑲ ᒥᑐᓂ ᑭᑦ ᐊᒑᑯᐗᐤ ᓀᔥᑕ ᑭ ᒥᑐᓀᓕᒋᑲᓂᐗᐤ ᓀᔥᑕ ᑭᔭᐎᐗᐤ ᑭᒋ ᑲᓇᐌᓕᒋᑳᑌᑭ ᐁᑳ ᐋᑕᒣᓕᑖᑯᓯᐎᓂᒃ ᐱᓕᔥ ᑫ ᑕᑯᔑᒃ ᑭ ᑎᐯᓕᒋᑫᒥᓇᐤ ᒋᓴᔅ ᙭᙮ 24ᑾᔭᔅᑭᑎᐤ ᐋᓇ ᑳ ᓇᑐᒥᑖᒃ, ᐊᓇ ᓀᔥᑕ ᑫ ᑐᑕᒃ᙮
25ᓂᒋᔖᓂᑐᒃ, ᐋᔭᒥᐁᔅᑕᒫᑯᒃ᙮
26ᐊᑕᒥᔅᑳᑯᒃ ᒥᓯᐌ ᐎᒋᔖᓂᒪᐗᒃ ᐁ ᐸᓓᑭ ᐅᒉᒣᑾᒃ᙮
27ᑭ ᔮᑾᒥᒥᑎᓇᐗᐤ ᐅᑎᐯᓕᒋᑫᐤ ᐅᒋ, ᐅᒪ ᒪᓯᓇᐃᑫᐎᓐ ᑭᒋ ᐋᔭᒥᑕᒫᒋᒃ ᒥᓯᐌ ᐸᓓᑭ ᐎᒋᔖᓂᒪᐗᒃ᙮
28ᐅ ᔕᐌᓕᒋᑫᐎᓐ ᑭ ᑎᐯᓕᒋᑫᒥᓇᐤ ᒋᓴᔅ ᙭ ᑭ ᑳ ᐎ ᐎᒉᐎᑯᐙᓇᐗᐤ᙮ ᐁᒣᓐ᙮
Currently Selected:
ᓂᔥᑕᒻ ᑌᓴᓗᓂᔭᓇ 5: MCNT91
Highlight
Share
Copy
Want to have your highlights saved across all your devices? Sign up or sign in
The text of the Bible in Moose Cree is in the public domain.
Moose Cree New Testament © Canadian Bible Society, 1991.