Titus 3
3
Onkalo yovakriste
1Thipalukitha ovakwaneongalo woye, va tyee kovatumini nokovanene wotjilongo, ve ve tumbaleke, wo va kale amava undapa ovilinga oviwa, 2ahamava popile omuntu mouvi, ahamava kala nomalutangu, iya ngava kale nawa ave na onkenda novantu avehe. 3Iya nant̯e wo twa li ahatu na tja odhondunge, nahi katu tee, twa pukile, twa li ovapika womahalo ngae lili nangae lili. Twa kala monkalamwenyo yonki noyouvi, twe litoyele pokati. 4Iya ouwa waKalunga Omuhupithi wetu nohole yokuhola ovantu hiye ya, 5Kalunga we tu hupitha hamena lyovilinga vyouvyuuki mbitwa undapa ngaile, iya oket̯ilonkenda lye, kekoho lyeyumukululo nolyetjitululo lyOmbepo Ondhilikwa, 6ndjaa uyulila munt̯e on̯ingi muJesus Kristus, Omuhupithi wetu, 7okutya twa vyuukithwa ket̯ilonkenda lye, tu ule okukala odhompinga dhomwenyo waapehe pakevelelo. 8Ondaka hendji oyatjatjili.
Iya me hala u longe ovipuka hembi nodhonkono, opo mboka mbava itavela muKalunga, va kambulithe tjatjili okuundapa ouwa. Ovipuka hembi oviwa, vyo mavi popile ovantu. 9Iya henuka odhombata dhowoova nokuhava odhondumevelo dhomaanda, omalutangu novilwa ouhunga noveta. Iya ovipuka hembi kavi na tjilinga vyo kavi na himavi popile. 10Omuntu nguma eta omaliyapauko mu pukulula tumo ne tuvali, andaa katji na himatji popile, mu yetha. 11Iwa okutya omuntu nguu li nyahoka wa lundha, ye we likoya omwene.
Omaandelo
12Andaa mba tumu Artemas ne Tikikus kwoove, indjo dhiva kwaame koNikopolis, mena lyokutya mba tokola oko ndji ka kala pompepela.#Ovil. 20:4; Efes. 6:21-22; Kol. 4:7-8; 2 Tim. 4:12 13Senas, omulongiveta, naApollos ve lekela, ove u ve longekedhe nawa, va kale ave na atjihe himava hepwa.#Ovil. 18:24; 1 Kor. 16:12 14Ovantu vetu nawo ngave lilonge wo okuundapa ouwa, va popile mpape na oluhepo, opo hava kala have na himava ningi.
15Mbave li pwaame avehe mave ku menekele po. Menekela po mbave tu hole meitavelo.
Et̯ilonkenda ngali kale nan̯e amuhe.
Currently Selected:
Titus 3: DBNT
Highlight
Share
Copy
Want to have your highlights saved across all your devices? Sign up or sign in
Dhimba New Testament © Bible Society in Namibia, 2010.