OVAROMA ETWALEMO
ETWALEMO
Epistoli laPaulus kOvaroma ola shangelwa okulongekida etalelepo laye keongalo lomuRoma. Elalakano laye okulonga mOvakriste vaakwinya pakafimbo, opo a mone eyambidido lokuya kuSpania. Okwa shanga epistoli eli opo a fatulule kutya eitavelo nokukalamwenyo kwopakriste oshike. Embo eli oli na etumwalaka laPaulus la yela.
Tete eshi a kunda eongalo lomuRoma nokwe va lombwela kutya ohe va ilikanene, okwe va shiivifila enenediladilo lepistoli eli. Evaengeli otali holola nghee Kalunga ta ningi ovanhu ovayuki koshipala shaye. Eshi otashi ningwa keitavelo alike okudja ketameko fiyo opexulilo (1:17).
Paulus okwa nenepeka enenediladilo laye. Okwa ti, ovanhu aveshe, Ovajuda novapaani ova pumbwa va hanganifwe naKalunga, osheshi aveshe ovanyoni notava ningwa ovayuki koshipala shaKalunga mokwiitavela Jesus Kristus. Opo Paulus okwa fatulula yo omwenyo mupe muKristus oo tau etwa kekwatafano lipe naKalunga. Omwiitaveli ota mono ombili naKalunga nokwa mangululwa meenghono doulunde nodefyo kOmhepo yaKalunga. Momatukulwa etitano fiyo etihetatu Paulus ota fatulula elalakano lomhango yaKalunga neenghono dOmhepo yaKalunga monghalamwenyo yovaitaveli.
Opo nee Paulus ota fatulula epulo lidjuu kombinga yOvajuda novapaani, kombinga yonhele yavo mediladilo laKalunga lokuxupifa omunhu keshe. Pexulilo ota ti kutya Ovajuda eshi va ekelashi Jesus, osha ninga ondungediladilo yaKalunga, ovanhu aveshe opo va dule okuya mefilonghenda laKalunga molwaJesus Kristus.
Paulus okwa itavela kutya Ovajuda itava ka ekelashi Jesus alushe. Nena Paulus ota nyola nghee Omukriste e na okukala, unene kombinga yohole mekwatafano novanhu aveshe.
Paulus ota fatulula oinima ei kutya okulongela Kalunga oinakuwanifwa yOvakriste noyepangelo yo, nomapulo e na sha nokaana kokomwenyo. Okwa xulifa nomatumwalaka opaumwene nehambelelo okufimaneka Kalunga.
Elandulafano loshikalimo
Etwalemo nenenediladilo 1:1-17
Omunhu okwa pumbwa exupifo 1:18—3:20
Ondjila yaKalunga yexupifo 3:21—4:25
Omwenyo mupe muKristus 5:1—8:39
Israel mondungediladilo yaKalunga 9:1—11:36
Elihumbato lopakriste 12:1—15:13
Exulifo nomakundo opaumwene 15:14—16:27
Currently Selected:
OVAROMA ETWALEMO: OKYB
Highlight
Share
Copy
Want to have your highlights saved across all your devices? Sign up or sign in
Oshikwanyama Bible Revised © Bible Society of Namibia, 2008, 2012.