NUMERI ETWALEMO
ETWALEMO
Embo Numeri otali popi ehokololo lOvaisraeli mefimbo konyala leedula omilongo nhee, eshi va dja pomhunda yaSinai fiyo okeengaba dokoushilo medu olo Kalunga e va udanekela. Edina lembo eli otali ulike koshinenenima mehokololo, eshi Moses a valula Ovaisraeli pomhunda yaSinai nomuMoab, koushilo waJordan, konima yepupi limwe. Mefimbo lopokati komavalulo aa avali, Ovaisraeli ova li kuKades-Barnea keengaba dokoumbuwanhu waKaanan, ndele ova nyengwa okukwata ko edu. Eshi va kala opo efimbo lile, ova yuka koushilo womulonga waJordan, oko ovakwashiwana vahapu va tula va fa va fika, ashike ombinga ikwao oye lilongekida okutauluka Jordan nokuya muKaanan.
Embo eli olo, ehokololo tali popi ovanhu va kanifa omukumo nova tila okushakeneka omaudjuu nova twa ondubo naKalunga nonomupiya waye Moses oo Kalunga e mu hoolola, e va wilike. Eli olo ehokololo tali holola oudiinini waKalunga noshisho shaye shinene kovanhu vaye, nande vo ove na omaunghundi noihava dulika kuye. Ashike Moses okwa li omulineekelwa, nande pomafimbo amwe okwa nyengwa okulididimika (Exodus 17:1-7 naNumeri 20:1-13).
Elandulafano loshikalimo
Elongekido okudja puSinai 1:1—9:23
a. Evalulo lotete 1:1—4:49
b. Eemhango nomaufo e lili noku lili 5:1—8:26
c. Opaasa onhivali 9:1-23
Okudja puSinai fiyo opuMoab 10:1—21:35
Oiningwanima muMoab 22:1—32:42
Oitofwamo yolweendo okudja kuEgipiti fiyo omuMoab 33:1-49
Omayelifilo okutauluka Jordan 33:50—36:13
Currently Selected:
NUMERI ETWALEMO: OKYB
Highlight
Share
Copy
Want to have your highlights saved across all your devices? Sign up or sign in
Oshikwanyama Bible Revised © Bible Society of Namibia, 2008, 2012.