MARKUS ETWALEMO
ETWALEMO
Evaengeli paMarkus otali tameke nehokololo longhundana iwa tai popi Jesus Kristus, Omona waKalunga. Jesus okwa hololwa omunhu ha longo oilonganghono. Eenghono daye oda monika melongo laye, naashi a dula okuta mo eemhepo da nyata nokudimina po ovanhu omanyono avo. Jesus okwe lipopya ye mwene, kutya Oye Omona waKalunga, ou a yandja omwenyo waye, opo a xupife ovanhu momatimba avo.
Markus ota yandje ehokololo laJesus li yela lo oli na ongushu. Okwa tula omufindo kwaashi Jesus a longa ndele haunene keendjovo nelongo laye. Okwa hokolola ehokololo laJohannes Omushashi, eshasho nemakelo laJesus pauxupi, nopo nee okwa hokolola oilonga yaJesus yokuvelula nokulonga ovanhu. Konima yefimbo ovalongwa vaJesus ove mu uda ko nawa ashike ovakondjifi vaye ove mu tonda. Omatukulwa axuuninwa monghalamwenyo yaJesus kombada yedu, unene okuvalelwa komushiyakano nokunyumuka kwaye.
Elandulafano loshikalimo
Etameko levaengeli 1:1-13
Oilonga yaJesus muGalilea 1:14—9:50
Okudja kuGalilea nokuya kuJerusalem 10:1-52
Oshivike shaxuuninwa muJerusalem nomoushiinda washo 11:1—15:47
Enyumuko laJesus 16:1-8
Omalihololo nelondo lOmwene konima yenyumuko 16:9-20
Currently Selected:
MARKUS ETWALEMO: OKYB
Highlight
Share
Copy
Want to have your highlights saved across all your devices? Sign up or sign in
Oshikwanyama Bible Revised © Bible Society of Namibia, 2008, 2012.