LUKAS ETWALEMO
ETWALEMO
Evaengeli paLukas otali holola kutya Jesus ke fi ashike Omuxupifi ile Omukulili a udanekelwa Ovaisraeli, ndelenee owovanhu aveshe. Lukas ota ti kutya Jesus okwa ifanwa kOmhepo yOmwene okuudifila eehepele onghundana iwa. Evaengeli eli oli na elalakano lokuulika oluhepo neemhumbwe dovanhu. Ehafo membo omu ola ulikwa mo luhapu, unene momatukulwa opehovelo omo tamu popiwa okudalwa kwaJesus, nopexulilo eshi ta londo ta i meulu. Ehokololo lokukula nokutandavela kweitavelo lOvakriste, konima yelondo laJesus, ola hokololwa kuLukas mOilonga yOvayapostoli.
Momatukulwa taa landula 1:5—21 neti 9:51—19:27, shihapu shoshikalimo shao, oshi li ashike mEvaengeli eli, ngaashi eimbilo lovaengeli novafita pedalo laJesus, okaana Jesus motembeli, eyele lOmusamaria omunamutimanghenda nomumati a kanene. Omufindo membo omu owa tulwa koinima tai landula: eilikano, Omhepo Iyapuki, onhele yovakainhu melongo laJesus nedimepo lomatimba.
Elandulafano loshikalimo
Etwalemo 1:1-4
Okudalwa nokuputuka kwaJohannes Omushashi nokwaJesus 1:5—2:52
Oilonga yaJohannes Omushashi 3:1-20
Okushashwa nokuyelekwa kwaJesus 3:21—4:13
Oilonga yaJesus moipafi yovanhu muGalilea 4:14—9:50
Okudja kuGalilea nokuya kuJerusalem 9:51—19:27
Oshivike shaxuuninwa muJerusalem nomoushiinda washo 19:29—23:56
Enyumuko, elihololo nelondo lOmwene 24:1-53
Currently Selected:
LUKAS ETWALEMO: OKYB
Highlight
Share
Copy
Want to have your highlights saved across all your devices? Sign up or sign in
Oshikwanyama Bible Revised © Bible Society of Namibia, 2008, 2012.