HESEKIEL ETWALEMO
ETWALEMO
Omuxunganeki Hesekiel okwa li moupika waBabilon, okudja fimbo Jerusalem inashi teka po fiyo opetekepo lasho momudo 586, Kristus fimbo ina dalwa. Okwa udifila eenghwatwa muBabilon naava va fyaala muJerusalem. Embo laHesekiel oli na oitukulwa ya fimana ihamano: (1) Kalunga ta ifana Hesekiel a ninge omuxunganeki. (2) Kalunga ta londwele oshiwana kutya ehandu laye otali uya kombada yasho ngeenge itashi lidilulula naJerusalem otashi ka teka po nokuhalakanifwa po kovatondi. (3) Omatumwalaka Omwene taa popi ehandukilo laye koiwana imwe oyo ya hepeka noya pukifa ovanhu vaye. (4) Ehekeleko kuIsrael eshi Jerusalem sha teka po neudaneko lonakwiiwa tai vilima. (5) Exunganeko lokukondjifa Gog. (6) Efano lotembeli ya tungululwa noshiwana sha aluka moupongekwa.
Hesekiel okwa li e na eitavelo la kola nomadiladilo hae litungile ouumbo. Shihapu shomeudeko laye oshi li molupe lomamoniko, namahapu omomatumwalaka aye oku li molupe loinyandwamayele. Hesekiel ota tu omufindo komhumbwe yeshituluko lomeni, omutima nomhepo. Omunhu keshe ota ka pangulwa molwomanyono aye mwene. Hesekiel okwa udifa eteelelo eli e na kombinga yeshituluko monghalamwenyo yoshiwana. Okwa li omuyambi nomuxunganeki, onghee okwa li e na elitulemo kombinga yotembeli nokulombwela oshiwana shi kale shiyapuki.
Elandulafano loshikalimo
Eifano laHesekiel 1:1—3:27
Omatumwalaka ehandukilo laJerusalem 4:1—24:27
Kalunga ta pangula oiwana 25:1—32:32
Eudaneko laKalunga kovanhu vaye 33:1—37:28
Exunganeko lokukondjifa Gog 38:1—39:29
Efano lotembeli noshilongo tashi ya 40:1—48:35
Currently Selected:
HESEKIEL ETWALEMO: OKYB
Highlight
Share
Copy
Want to have your highlights saved across all your devices? Sign up or sign in
Oshikwanyama Bible Revised © Bible Society of Namibia, 2008, 2012.