OILONGA YOVAYAPOSTOLI ETWALEMO
ETWALEMO
Oilonga yovayapostoli oyo ewedelo lEvaengeli paLukas. Otamu hokololwa nghee ovalongwa vaJesus votete, va wilikwa kOmhepo Iyapuki nova tandavelifa Onghundana Iwa kombinga yaJesus, eshi va udifa muJerusalem,, muJudea alishe, muSamaria fiyo omoilongo aishe yokombada yedu (1:8). Eli olo ehokololo letameko lOukriste nghee wa tameka mokati kOvajuda fiyo wa tandavela mounyuni aushe.
Omunyoli okwa hala okushilipaleka ovaleshi vembo eli kutya Ovakriste kave shi oshiponga kepangelo laRoma, nosho yo kutya eitavelo lOvakriste olo ewanifo leitavelo lOvajuda.
Oilonga yOvayapostoli oya tukulwa moitukulwa itatu oyo tai ulike Onghundana iwa kombinga yaJesus, nonghee ongerki ya tameka, oyo: (1) Etameko lOukriste muJerusalem konima yelondo laJesus. (2) Etandavelifo lEvaengeli muPalestina. (3) Etandavelifo lEvaengeli moilongo yopEfuta Lopokati fiyo okuRoma.
Oshinenenima membo eli osho oilonga yOmhepo Iyapuki oyo ya yandja eenghono kovaitaveli muJerusalem mefiku laPentekoste, okutwikila okwaamena nokukoleka ongerki novawiliki ngaashi sha ulikwa moiningwanima membo eli. Etumwalaka membo eli otali monika momaudifo opetameko lembo eli. Oiningwanima ya popiwa mOilonga yOvayapostoli otai ulike eenghono detumwalaka mokukalamwenyo kwovaitaveli noukumwe womeongalo.
Elandulafano loshikalimo
Elongekido leembangi 1:1-26
a. Ekumaido neudaneko laJesus laxuuninwa 1:1-14
b. Omulanduli waJudas 1:15-26
Oumbangi muJerusalem 2:1—8:3
Oumbangi muJudea nomuSamaria 8:4—12:25
Oilonga yaPaulus 13:1—28:31
a. Olweendotumo laye lotete 13:1—14:28
b. Oshiongalele muJerusalem 15:1-35
c. Olweendotumo laye olutivali 15:36—18:22
d. Olweendotumo laye olutitatu 18:23—21:16
e. Paulus onghwate muJerusalem, Kesarea nomuRoma 21:17—28:31
Currently Selected:
OILONGA YOVAYAPOSTOLI ETWALEMO: OKYB
Highlight
Share
Copy
Want to have your highlights saved across all your devices? Sign up or sign in
Oshikwanyama Bible Revised © Bible Society of Namibia, 2008, 2012.