1 SAMUEL ETWALEMO
ETWALEMO
Embo lotete laSamuel otali hokolola oiningwanima mehistoli ile mondjokonona yOvaisraeli okudja kefimbo lovatokolipangeli fiyo opefimbo va pula va pewe ohamba. Elunduluko eli mokukalamwenyo kwoshiwana shaIsrael, ola kuma unene ovanhu vatatu, ovo Samuel, omutokolipangeli wahauxuuninwa, Saul, ohamba yotete naDavid ou omahokololo opetameko lokukalamwenyo kwaye fimbo ina ya koshipundi, a kuma unene Samuel naSaul.
Exuku lembo eli ola fa lomambo makwao opahistoli mEtestamenti Likulu, notali ti kutya okudulika kuKalunga otaku eta elao ofimbo okuhadulika taku twala momupya. Eshi osha popiwa kOmwene ta lombwele omuyambi Eli metukulwa 2:30: “Ava hava fimaneke nge, Ame ohandi ke va fimaneka. Ndelenee ava tava dini nge, otava ka dinika.”
Embo eli oli na omadiladilo e lili noku lili kombinga youhamba. Omwene Kalunga Oye a li a talika kutya Oye Ohamba yoshili yOvaisraeli, ashike ovanhu eshi va tameka okupula epangelo lopaukwahamba, Omwene okwe va dimina. Ashike eshi shi na okukonekwa oshosho kutya ohamba yoovene nosho yo Ovaisraeli ova li koshi yepangelo neufo laKalunga (2:7-10). Okudulika koipango yaKalunga otashi ti, ovanhu aveshe ove fike pamwe, oipuna neehepele.
Elandulafano loshikalimo
Samuel omutokolipangeli 1:1—7:17
Saul ta ningi ohamba 8:1—10:27
Omido dotete depangelo laSaul 11:1—15:35
David naSaul 16:1—30:31
Efyo laSaul nolovana vaye 31:1-13
Currently Selected:
1 SAMUEL ETWALEMO: OKYB
Highlight
Share
Copy
Want to have your highlights saved across all your devices? Sign up or sign in
Oshikwanyama Bible Revised © Bible Society of Namibia, 2008, 2012.