ZAA 'BƆGƲ -Ɩ -WƲ-Ɔ -MA 'BƆGƲ LA'A 'MÖ
-Ɩ -WƲ-Ɔ -MA 'BƆGƲ LA'A 'MÖ
Zezwie 'tɩtɩɛ -tɩtɩ Za -sa-a, ɩ -yɛ -mʋabhaa -li 'nɩ 'wlʋnʋ, 'n ɛ nɩ Zezwie yʋlɔyʋlʋɛ -yɛ ɔ gluwlʋwlʋɛ 'sɔ glɩnɩ, 'bhë Za Badizɩ -gömöö wɛlɩkïbhï ja.
Zaa -nɩ-ɛ, la wa wɔzɩ-a Zezwi nglʋkwapɩpɩ 'wʋ (2:1-12) sa Nikodɛmö ji 'ylɩ -bhlʋɔ dʋdʋ Zezwi yɩlɩ kwla'a (3:1-23) sa Zezwi 'nyɛ Samalie 'nglɔ -bhlʋ -Lagɔwɛlɩ, (4:1-12) sa ɔ göpö Betɛsɩdaa 'kplakplanyɔ -bhlʋ, 'n ɔ ji nɩkpɛ -ɔ 'lɔkpɔ-a wa gwalɩ-aa 'jie kalɩ, sa ɔ -sa Lazalɩ glu, ɩ gbʋ ɔ gba -bha.
Ɔ 'tɩtɩɛ -tɩtɩɛ tɛnɩde, Zezwi ɔ tulua-a naa mɔ-ɔ -yɛ-a -Lagɔɔ 'nglie 'kɔgwlɛwɛlɩ -ɩ -zʋ-a nɩkpɛ, -ɩ ji-e ma'a nɩkpa 'gbamö, 'mɩ wɛlɩ mɩ-ɩ -yɛ-a 'kɔgwlɛpɩ, mɩ-ɩ -yɛ-a yʋlokpë, mɩ-ɩ -yɛ-a 'dɛdɛɛ.
'Mɩ 'tɩtɩɛ -tɩtɩ, sa Zezwi nʋ -ma Zwidee dʋdʋ -gömö -yɛ Zelwizalɛmö 'sɔ libho, 'mɩ ɩ -sa-a -bha (1:19–12:50).
-Ma 'sɔ köbhë 'mö, 'wʋbhlonʋlili ɔ -yɛ ɔ 'wʋbhlinɩngwa 'sɔ li-a, -bha ɩ go wɛlɩ -ɩ ɔ gba-a -bha wa de 'bhë 'n ɔ ji-a yʋlɔ, ɔ 'wlʋ-a glu 'bhë 'n -Lagɔ jio 'ghlimanɩ, mɩ-ɩ 'cɛlɩɔ-ɔ -ma. 'Tɩtɩɛ -tɩtɩ Zezwie tiatiangwa -sa-a, -ma ɩ gla'a Zaa -li ka-a -Lagɔwɛlɩ -ɩ Zezwi 'pa-a nɩkpa nglie 'kïbhïë -bɛ 'mö.
Zaa dlɩ 'bhuo 'jɩbha naa, -wa bhuo-o ji-a 'mɩ 'tɩtɩɛ -tɩtɩ zɛlɩɛ -ka Zezwi dlɩ 'wʋ wa 'yɛ 'kɔgwlɛpɩ ghlɩ, ɩ yɛ ɔ 'cɛlɩɩ -bha.
Kïbhï -ɩɩ 'mö Zezwi palɩ-a ɔjɩ -li 'wʋ ɩ gbʋ ɔ gba 'yɛ -bha.
-Ɩ Zezwi palɩ-a ɔjɩ 'wʋ
Zezwi nɛ:
-Amö-ö -yɛ-a 'fʋloko -a nyɛ-a 'kɔgwlɛpɩ (6:25)
-Amö-ö -yɛ-a 'pɩ 'wʋɔ yʋlokpë (8:12)
-Amö-ö -yɛ-a 'bhlabhlɩɛ -gbʋɔ klana (10:7)
-Amö-ö -yɛ-a gluwlʋwlʋɛ -yɛ 'pɩ sɔ (11:25)
-Amö-ö -yɛ-a 'yuogblʋ, -amö-ö -yɛ-a 'dɛdɛɛ, -amö-ö -yɛ-a 'kɔgwlɛpɩ (14:6)
-Amö-ö -yɛ-a suo gblʋ (15:1)
Sa ɩ 'palɩɔ-a -dɔlʋ
1) Zezwi -Lagɔɔ Wɛlɩ ɔ glɩnɩ -bha (1:1-18)
2) Za Badizɩ -yɛ Zezwie taka -wʋbhliɩnɩngwa 'sɔ (1:19-51)
3) Zezwie -Lagɔlibho (2:1–12:50)
4) 'Wʋbhlonʋylɩ Zezwi -sa-a -ma Zelwizalɛmö (13:1–19:42)
5) Zezwie gluwlʋwlʋɛ (20:1-30)
6) -Bha Tibeliadɩɛ -bada yawʋ Zezwi yɛ -bha ɔ 'wʋbhlinɩngwa 'wʋ ghlanɩ (21:1-25)
Currently Selected:
ZAA 'BƆGƲ -Ɩ -WƲ-Ɔ -MA 'BƆGƲ LA'A 'MÖ: BNT96
Highlight
Share
Copy
Want to have your highlights saved across all your devices? Sign up or sign in
Bete New Testament © Bible Society of Côte d'Ivoire 1996