Matayo 26
26
Enama y'eritha Yesʉ
(Mar 14:1-2; Luk 22:1-2; Yoa 11:45-53)
1Yesʉ abere amamala amakangɨrɨtsya woshi ayo, mwabwɨra abɨga bʉwe athɨ: 2«Mwetsi kw'elinye ly'ePasaka lyabya mʉ bɨro bɨbɨrɨ, n'oMʉgala w'oMʉndʉ andahotherwa bʉshana abambwe kʉ mʉsalaba.»
3Aho abakʉlʉ b'abaheri n'abangʉmwa b'aBayuta mobahindana mo nyʉmba ya Kayafa Muheri Mʉkʉlʉ. 4Mobahʉlɨkɨrɨrana ɨtsɨmba Yesʉ mʉ menge bʉshana bamwithe. 5Hewethuwe bagendaga abanegena bathɨ: «Thʉthamʉmɨnaga ekɨro ky'elinye, bʉshana abandʉ bathangakarama.»
Mʉkatsɨ ashesha mafʉtha ko muthwe wa Yesʉ
(Mar 14:3-9; Yoa 12:1-8)
6Yesʉ abere alɨ ɨBetanɨa mo nyʉmba ya Simoni Mʉbenzɨ, 7mʉkatsɨ mʉgʉma mwayɨfʉnda hofɨ naye niahekire murangi wa marasi wa kɨtsɨro kɨnene. Yesʉ abere anemulya, omʉkatsɨ mwashesha amarasɨ ayo ko muthwe ʉwe. 8Abɨga babere bashʉnga ebyo, mobatsɨbʉka n'ɨnegena bathɨ: «Bʉshana na ki bubihya bʉlɨ ng'obu? 9Amarasɨ aya angagutsibwe kɨtsɨro kɨnene, n'ɨha esofaranga s'abatsene!»
10Yesʉ mwamɨnya emɨanɨtsye yabo, mwabwɨrabo athɨ: «Omunubya omʉkatsɨ oyu bʉshana na ki? Ebyo amanyɨkolera bikwirire. 11Kʉshangwa mwandabya n'abatsene ebɨro byoshi, h'ingye, muthindabye nangye ebɨro byoshi. 12Omʉkatsɨ oyu amashesha amarasi aya ko mʉbɨrɨ aye, bʉshana n'ithegekania erɨthabwa lyaye. 13Kwenene enyɨbabwɨra, ahoshi handafʉlwa Engʉlʉ Mbʉya eyi, mo kɨhʉgo kyoshi, bandaganʉlɨra eby'omʉkatsɨ oyu athakola, na andagenda ɨbʉkwa.»
Yuta ahothera Yesʉ
(Mar 14:10-11; Luk 22:3-6)
14Aho, mʉgʉma w'oko bɨga ikumi na babɨrɨ, yo wahʉlawamo Yuta Isikariote, mwaya eyɨrɨ abakʉlʉ b'abaheri 15n'ɨbwɨrabo athɨ: «Mwanyɨha ki nyamabaha Yesʉ?» Aho mobamʉha bɨtsere makumi ashathʉ bya faranga.#26:15 Bɨtsere makumi ashathʉ: Byabyaga bɨrɨngene na lʉhembo lwa mwetsɨ mʉgʉmaSoma Sakarɨa 11:12. 16Ɨthoka ko ndambi eyo, Yuta mwagenda ashondya mwanya angahanamo Yesʉ.
Yesʉ alya akalyo k'ePasaka hagʉma n'abɨga bʉwe
(Mar 14:12-21; Luk 22:7-14; Luk 22:21-23; Yoa 13:21-30)
17Ekɨro kɨmbere ky'elinye ly'emikati ɨthemo tsatsʉ, abɨga mobayabʉtsya Yesʉ bathɨ: «Ushondya thʉyakʉkometsye akalyo k'ePasaka ko hayi?» 18Yesʉ mwashʉbɨtsyabo athɨ: «Mʉye mo muyi omwa mʉndʉ mʉlebe na mʉmʉbwɨre mʉthɨ: “Nyinya-kowethʉ anegena athɨ endambi aye yamahika, nɨ omwawe monyalɨra ePasaka hagʉma n'abɨga baye.”» 19Abɨga mobakola nga ko Yesʉ ahamʉlagabo na mobatheka akalyo k'ePasaka.
20Bwabere bwakʉra, Yesʉ mwalya hagʉma n'abɨga ikumi na babɨrɨ. 21Babere banemulya, Yesʉ mwanegena athɨ: «Kwenene enyɨbabwɨra, mʉgʉma wa mw'imwe anyɨhothera.» 22Abɨga mobafwa bulige bʉnene na mobathanga ɨmʉbʉtsya mʉgʉma mʉgʉma bathɨ: «Ni ingye he Nyinya-kowethʉ?» 23Yesʉ mwashubya athɨ: «Yo ʉkolera hagʉma nangye mo mbale, nɨ ɨye yo wanyɨhothera. 24oMʉgala w'oMʉndʉ ayɨgendera nga kw'aMashako anegenire kw'ɨye. Hewethuwe bʉhanya ko yo wamʉhothera! Lyabyaga lɨtholere omʉndʉ oyo nɨathabʉthwa!» 25Yuta, yo wamʉhothera, mwamʉbʉtsya athɨ: «Ni ingye he Mʉkangɨrɨtsya?» Yesʉ mwamʉshʉbɨtsya athɨ: «Nɨ ɨwe wo wamanegena.»
Linye lya Nyinya-kowethʉ
(Mar 14:22-26; Luk 22:14-20; 1Kor 11:23-25)
26Babere bakɨnalɨ abalya, Yesʉ mwatsɨmba omukati, abere amamala ɨsɨma Gongo, mwatsitsangawo na mwahawo abɨga bʉwe n'ɨbwɨrabo athɨ: «Mʉtsɨmbe, mulye, ono nɨ mʉbɨrɨ aye.» 27Honyuma kw'aho, mwatsɨmba olwatha lw'etifai, abere amamala ɨsɨma Gongo, mwahalobo nɨanegena athɨ: «Mʉshomero imwe boshi, 28kʉshangwa ono nɨ mʉsasɨ aye, mʉsasɨ w'endagane ow'asheshekire bʉshana na bandʉ bangɨ, na bʉshana n'obuganyiri bw'ebɨtsɨbʉ. 29Enyɨbabwɨra, ɨthoka lɨno, nyɨthɨndashʉbe shoma ko tifai y'emisabibu ihika ko kɨro nyandashoma nemwe etifai nyihya mo Bwamɨ bwa Thatha.»
30Babere bamamala erimba sosaburi, mobaya ko kɨthwa ky'eMiseituni.
Yesʉ anegena ko Petero ayɨgana ɨye
(Mar 14:27-31; Luk 22:31-34; Yoa 13:36-38)
31Aho Yesʉ mwabwɨra abɨga bʉwe athɨ: «Mo kɨro kɨno, imwe boshi mwanyishiga, kʉshangwa kushakirwe kʉthɨ:
“Nyanditha omulishya,
n'ekihyo ky'esombuli kyandasanzabana.”»
32«Hewethuwe, nyandabya nyalubuka, nyandayabalɨndɨra iNgalilaya.» 33Petero mwamʉbwɨra athɨ: «Abandɨ boshi mobangakushiga, ingye nyithindakushige n'ahake.» 34Yesʉ mwamʉshʉbɨtsya athɨ: «Kwenene enyɨkʉbwɨra, mo kɨro kɨno, embere embagatsɨ yɨbɨke, wayɨgana ingye ngendo kashathʉ ʉthɨ uthanyetsi.» 35Petero mwamʉbwɨra athɨ: «Monyangabya mbʉ nyafwa hagʉma nawe, nyɨthɨyɨgane nyɨthɨ nyithakwetsi.» N'abandɨ bɨga boshi mobanegena bathyo.
Yesʉ ashabɨra mw'ɨshwa ly'iNgetetsemani
(Mar 14:32-42; Luk 22:39-46)
36Aho Yesʉ mwahika handʉ hagenda ahahʉlwamo Ngetetsemani hagʉma n'abɨga bʉwe. Mwabwɨrabo athɨ: «Mwikale hano, mo ndambi enyɨya shabɨra halira.» 37Honyuma kw'aho, mwagenda na Petero n'abagala babɨrɨ ba Sebetayo. Mwathanga ɨfwa buliye na n'igangya-gangya mʉthɨma. 38Aho mwabwɨrabo athɨ: «Omʉthɨma aye otswiremo buliye ihika ko kɨka ky'ɨfwa. Mushibe hano na mutheye hagʉma nangye.» 39Yesʉ mwayɨfʉnda hale hake, mwafʉkama obʉsʉ ihika ahishi na mwashaba nɨanegena athɨ: «Thatha, bɨrɨ byangathokekana, fʉnda hale nangye olwatha lw'obwagali olu. Hewethuwe, bithabyaga nga ko nyishashire, he nga ko ushashire.»
40Honyuma kw'aho mwashʉba ahalɨ abɨga na mweyabo nɨbalɨtho. Mwabwɨra Petero athɨ: «Momʉthalɨ omukotsya itheya hagʉma nangye n'esaha n'engʉma? 41Mʉthayagatho na mʉshabe nɨmo mʉthɨlengweko. Omʉthɨma afwire muhwa, hewethuwe omʉbɨrɨ nɨ molo.» 42Yesʉ mwayɨfʉnda hale n'ɨya shaba Gongo ngendo lya kabɨrɨ nɨanegena athɨ: «Thatha, olwatha lw'amalɨgo olu lʉlɨ lʉthangatsʉka hale nangye bʉthashoma kʉlo, aho, erɨshasha lyawe lɨkoleke!» 43Kandɨ mwashʉba aho abɨga babyaga, na mweyabo nɨbalɨtho, kʉshangwa amesho wabo abyaga nɨamatsɨthoha bʉshana n'othʉlo. 44Yesʉ mwashʉba shigabo, mwashʉba yɨfʉnda n'ɨya shaba ngendo lya kashathʉ nɨashʉbɨrɨra ebɨnwa bɨgʉmerera. 45Honyuma kw'aho mwashʉba aho abɨga babyaga n'ɨbwɨrabo athɨ: «mʉkɨnalɨtho n'ɨlʉhʉka? Mʉlole, endambi yamahika oMʉgala w'oMʉndʉ ahirwa mo minwe y'abakoli b'ebɨtsɨbʉ. 46Mwimane thʉgende! Mʉlole kw'oyo wamanyɨhothera kʉbo kw'amahika!»
Ɨtsɨmbwa lya Yesʉ
(Mar 14:43-50; Luk 22:47-53; Yoa 18:3-12)
47Yesʉ abere akɨnalɨ anegena, Yuta mʉgʉma w'oko bɨga ikumi na babɨrɨ mwahika. Yuta oyo abyaga na bandʉ bangɨ bahekire miyali na bɨbando. Babyaga nibathumirwe n'abakʉlʉ b'abaheri n'abangʉmwa b'aBayuta. 48Yuta, oyo wabyaga nɨamahothera Yesʉ, mwaha abandʉ abo bo kɨmɨnyɨkalo athɨ: «Oyo nyafʉmbatha nɨ ɨye. Mʉmʉtsɨmbe.» 49Aho n'aho Yuta mwayɨfʉnda ahalɨ Yesʉ n'ɨmʉbwɨra athɨ: «Enyɨkʉketsya mbe Mʉkangɨrɨtsya!» Honyuma kw'aho mwamʉfʉmbatha. 50Yesʉ mwamʉbwɨra athɨ: «Mwira aye, kola ebyo bɨthakʉletha.» Aho, abandʉ abo mobayɨfʉnda hofɨ, mobatsɨmba Yesʉ n'ɨmʉmɨna. 51Mʉgʉma w'oko bo babyaga na Yesʉ mwahulukya omuyali ʉwe, mwabanda mukoli w'omuheri mʉkʉlʉ n'ɨmʉtsako okuthwi. 52Aho Yesʉ mwamʉbwɨra athɨ: «Shubya omuyali awe w'omo lʉba lwawo, kʉshangwa aboshi bo batsɨmba omuyali bandafwa mʉ muyali. 53Uthetsi ko nyangalakɨra Thatha anyiwathikye. Aho n'aho anganyɨthʉmɨra bɨkembe bilengitsye ikumi na bɨbɨrɨ bya bamalaɨka? 54Hewethuwe, aMashako owanegenire athɨ bɨno bithyo ko byangabere, angabererere athɨ?»
55Honyuma kw'aho Yesʉ mwabwɨra abandʉ abo athɨ: «Iki kyangaleka nimwahika na miyali na bɨbando bʉshana mʉnyɨtsɨmbe nga nyɨrɨ mubandi? Nyagendaga enyikala mo Nyʉmba ya Gongo mw'ebɨro byoshi nyɨrɨ enyɨkangɨrɨtsya, momʉthanyɨmɨna. 56Hewethuwe ebyoshi ebyo mobyabya bʉshana n'ebyo bamɨnyeretsɨ banegenaga mo Mashako Abuyirire bɨbererere.» Aho abɨga bʉwe boshi mobamushiga na mobashaga.
Yesʉ embere y'oBʉshenge Bʉkʉlʉ
(Mar 14:53-65; Luk 22:54-55,63-71; Yoa 18:13-14,19-24)
57Bo bamɨnaga Yesʉ mobamʉthwala ewa Kayafa Muheri Mʉkʉlʉ, eyo aBakangɨrɨtsya b'oMʉgomba n'abangʉmwa b'aBayuta babyaga bahindanire. 58Petero mwakwama Yesʉ nɨanalɨ hale, ihika mo kɨbʉga ky'enyʉmba y'oMuheri Mʉkʉlʉ. Mwɨngɨra mo kɨbʉga na mwikala hagʉma n'abatheya bʉshana amɨnye nga byahwa bɨthɨ.
59 Abaheri bakʉlʉ n'oBʉshenge Bʉkʉlʉ boshi bagendaga abashondya mabesɨ wo bangasitakira Yesʉ bʉshana bamʉsohere lʉholo. 60Hewethuwe mobathabonawo, n'omo bandʉ bangɨ mobayɨyɨramo batimo ba bʉbesɨ. Ko nduli bandʉ babɨrɨ mobayɨsɨnga, 61na mobanegena bathɨ: «oMʉndʉ oyu mwanegena athɨ: “Nyangashambʉla eNyʉmba ya Gongo n'ishubahimbaro mʉ bɨro bɨshathʉ.”» 62oMuheri Mʉkʉlʉ mwimana n'ɨbwɨra Yesʉ athɨ: «Uthishubye kɨndʉ ko byo abandʉ aba abakʉnegenako?» 63Hewethuwe Yesʉ mwatsɨra. Aho oMuheri Mʉkʉlʉ mwamʉbwɨra athɨ: «Kw'ɨtsɨna lya Gongo yo ʉlɨho, enyɨkʉshaba ʉthʉbwɨre mw'ɨlahɨtsya nga nɨ ɨwe Kirisito, Mʉgala wa Gongo.» 64Yesʉ mwamʉshʉbɨtsya athɨ: «Nɨ ɨwe wo wamanegena. H'ingye enyɨbabwɨra nyɨthɨ, ɨthoka ko ndambi eno mwalola ko Mʉgala w'oMʉndʉ n'ikere ko malyo wa Gongo w'amaka, nɨathoka mo bɨfʉ by'oko buthuku.» 65Aho oMuheri Mʉkʉlʉ mwaberenga so ngɨmba sɨwe n'ɨnegena athɨ: «Amahatsya! Thuthakilayire ku mutimo! Mwamonvwa obʉhatsye bʉwe. 66Mwamanegena muthi ki?» Mobashubya bathɨ: «Atholere lʉholo.»
67Aho, mobamʉtsɨrako mathandɨ mo bʉsʉ n'imuhumba mʉ bikundi. N'abandɨ mobamuhiramo makofi, 68nɨabanegena bathɨ: «Mɨnyerera, ɨwe Masia, thʉbwɨre nga nɨ ndɨ yo wamakuhumba!»
Petero ayɨgana Yesʉ
(Mar 14:66-72; Luk 22:56-62; Yoa 18:15-18,25-27)
69Mo ndambi eyo, Petero abyaga n'ikere embʉga mo kɨbʉga. Mukoli mʉgʉma wa bʉkatsɨ mwayɨfʉnda hofɨ naye n'ɨmʉbwɨra athɨ: «Nawe kuthyo, ʉthalɨ hagʉma na Yesʉ, Munyangalilaya.» 70He mwayɨgana embere y'abandʉ boshi n'ɨnegena athɨ: «Nyithetsi ebyo ushondya ɨnegena.» 71Aho Petero mwaya emʉnda w'olukyo lw'ekɨbʉga. Ʉndɨ mukoli wa bʉkatsɨ mwamʉshʉnga n'ɨbwɨra abo babyagaho athɨ: «Oyu athalɨ hagʉma na Yesʉ w'iNasareti.» 72Na Petero mwashʉbayɨgana, mwalahɨtsya nɨanegena athɨ: «Ko kwenene, nyithetsi omuyira oyu.» 73Kwabere kwatsʉka kathambi, bo babyaga aho mobayɨfʉnda ahali Petero n'ɨmʉbwɨra bathɨ: «Kundu-kundu, ɨwe nawe ʉlɨ mʉgʉma wa kʉbo, emɨnegenere awe yamakukangania.» 74Aho Petero mwathanga ɨlahɨtsya athɨ: «Nyɨthakɨrwe nyamabya nɨenyɨnegena mabesɨ! Nyithetsi omʉndʉ oyu!» Aho n'aho, embagatsɨ moyabɨka.
75Na Petero mwɨbʉka ebɨnwa Yesʉ amʉbwɨraga athɨ: «Embere embagatsɨ y'ɨbɨke, wayɨana ingye ngendo kashathʉ ʉthɨ uthanyetsi.»#26:75 Soma 26:34. Mwahʉlʉka na mwalɨra na buliye bʉnene.
Currently Selected:
Matayo 26: ver
Highlight
Share
Copy
Want to have your highlights saved across all your devices? Sign up or sign in
2025 Group of Associations for the Promotion of Languages, Cultures for Integral Development
Matayo 26
26
Enama y'eritha Yesʉ
(Mar 14:1-2; Luk 22:1-2; Yoa 11:45-53)
1Yesʉ abere amamala amakangɨrɨtsya woshi ayo, mwabwɨra abɨga bʉwe athɨ: 2«Mwetsi kw'elinye ly'ePasaka lyabya mʉ bɨro bɨbɨrɨ, n'oMʉgala w'oMʉndʉ andahotherwa bʉshana abambwe kʉ mʉsalaba.»
3Aho abakʉlʉ b'abaheri n'abangʉmwa b'aBayuta mobahindana mo nyʉmba ya Kayafa Muheri Mʉkʉlʉ. 4Mobahʉlɨkɨrɨrana ɨtsɨmba Yesʉ mʉ menge bʉshana bamwithe. 5Hewethuwe bagendaga abanegena bathɨ: «Thʉthamʉmɨnaga ekɨro ky'elinye, bʉshana abandʉ bathangakarama.»
Mʉkatsɨ ashesha mafʉtha ko muthwe wa Yesʉ
(Mar 14:3-9; Yoa 12:1-8)
6Yesʉ abere alɨ ɨBetanɨa mo nyʉmba ya Simoni Mʉbenzɨ, 7mʉkatsɨ mʉgʉma mwayɨfʉnda hofɨ naye niahekire murangi wa marasi wa kɨtsɨro kɨnene. Yesʉ abere anemulya, omʉkatsɨ mwashesha amarasɨ ayo ko muthwe ʉwe. 8Abɨga babere bashʉnga ebyo, mobatsɨbʉka n'ɨnegena bathɨ: «Bʉshana na ki bubihya bʉlɨ ng'obu? 9Amarasɨ aya angagutsibwe kɨtsɨro kɨnene, n'ɨha esofaranga s'abatsene!»
10Yesʉ mwamɨnya emɨanɨtsye yabo, mwabwɨrabo athɨ: «Omunubya omʉkatsɨ oyu bʉshana na ki? Ebyo amanyɨkolera bikwirire. 11Kʉshangwa mwandabya n'abatsene ebɨro byoshi, h'ingye, muthindabye nangye ebɨro byoshi. 12Omʉkatsɨ oyu amashesha amarasi aya ko mʉbɨrɨ aye, bʉshana n'ithegekania erɨthabwa lyaye. 13Kwenene enyɨbabwɨra, ahoshi handafʉlwa Engʉlʉ Mbʉya eyi, mo kɨhʉgo kyoshi, bandaganʉlɨra eby'omʉkatsɨ oyu athakola, na andagenda ɨbʉkwa.»
Yuta ahothera Yesʉ
(Mar 14:10-11; Luk 22:3-6)
14Aho, mʉgʉma w'oko bɨga ikumi na babɨrɨ, yo wahʉlawamo Yuta Isikariote, mwaya eyɨrɨ abakʉlʉ b'abaheri 15n'ɨbwɨrabo athɨ: «Mwanyɨha ki nyamabaha Yesʉ?» Aho mobamʉha bɨtsere makumi ashathʉ bya faranga.#26:15 Bɨtsere makumi ashathʉ: Byabyaga bɨrɨngene na lʉhembo lwa mwetsɨ mʉgʉmaSoma Sakarɨa 11:12. 16Ɨthoka ko ndambi eyo, Yuta mwagenda ashondya mwanya angahanamo Yesʉ.
Yesʉ alya akalyo k'ePasaka hagʉma n'abɨga bʉwe
(Mar 14:12-21; Luk 22:7-14; Luk 22:21-23; Yoa 13:21-30)
17Ekɨro kɨmbere ky'elinye ly'emikati ɨthemo tsatsʉ, abɨga mobayabʉtsya Yesʉ bathɨ: «Ushondya thʉyakʉkometsye akalyo k'ePasaka ko hayi?» 18Yesʉ mwashʉbɨtsyabo athɨ: «Mʉye mo muyi omwa mʉndʉ mʉlebe na mʉmʉbwɨre mʉthɨ: “Nyinya-kowethʉ anegena athɨ endambi aye yamahika, nɨ omwawe monyalɨra ePasaka hagʉma n'abɨga baye.”» 19Abɨga mobakola nga ko Yesʉ ahamʉlagabo na mobatheka akalyo k'ePasaka.
20Bwabere bwakʉra, Yesʉ mwalya hagʉma n'abɨga ikumi na babɨrɨ. 21Babere banemulya, Yesʉ mwanegena athɨ: «Kwenene enyɨbabwɨra, mʉgʉma wa mw'imwe anyɨhothera.» 22Abɨga mobafwa bulige bʉnene na mobathanga ɨmʉbʉtsya mʉgʉma mʉgʉma bathɨ: «Ni ingye he Nyinya-kowethʉ?» 23Yesʉ mwashubya athɨ: «Yo ʉkolera hagʉma nangye mo mbale, nɨ ɨye yo wanyɨhothera. 24oMʉgala w'oMʉndʉ ayɨgendera nga kw'aMashako anegenire kw'ɨye. Hewethuwe bʉhanya ko yo wamʉhothera! Lyabyaga lɨtholere omʉndʉ oyo nɨathabʉthwa!» 25Yuta, yo wamʉhothera, mwamʉbʉtsya athɨ: «Ni ingye he Mʉkangɨrɨtsya?» Yesʉ mwamʉshʉbɨtsya athɨ: «Nɨ ɨwe wo wamanegena.»
Linye lya Nyinya-kowethʉ
(Mar 14:22-26; Luk 22:14-20; 1Kor 11:23-25)
26Babere bakɨnalɨ abalya, Yesʉ mwatsɨmba omukati, abere amamala ɨsɨma Gongo, mwatsitsangawo na mwahawo abɨga bʉwe n'ɨbwɨrabo athɨ: «Mʉtsɨmbe, mulye, ono nɨ mʉbɨrɨ aye.» 27Honyuma kw'aho, mwatsɨmba olwatha lw'etifai, abere amamala ɨsɨma Gongo, mwahalobo nɨanegena athɨ: «Mʉshomero imwe boshi, 28kʉshangwa ono nɨ mʉsasɨ aye, mʉsasɨ w'endagane ow'asheshekire bʉshana na bandʉ bangɨ, na bʉshana n'obuganyiri bw'ebɨtsɨbʉ. 29Enyɨbabwɨra, ɨthoka lɨno, nyɨthɨndashʉbe shoma ko tifai y'emisabibu ihika ko kɨro nyandashoma nemwe etifai nyihya mo Bwamɨ bwa Thatha.»
30Babere bamamala erimba sosaburi, mobaya ko kɨthwa ky'eMiseituni.
Yesʉ anegena ko Petero ayɨgana ɨye
(Mar 14:27-31; Luk 22:31-34; Yoa 13:36-38)
31Aho Yesʉ mwabwɨra abɨga bʉwe athɨ: «Mo kɨro kɨno, imwe boshi mwanyishiga, kʉshangwa kushakirwe kʉthɨ:
“Nyanditha omulishya,
n'ekihyo ky'esombuli kyandasanzabana.”»
32«Hewethuwe, nyandabya nyalubuka, nyandayabalɨndɨra iNgalilaya.» 33Petero mwamʉbwɨra athɨ: «Abandɨ boshi mobangakushiga, ingye nyithindakushige n'ahake.» 34Yesʉ mwamʉshʉbɨtsya athɨ: «Kwenene enyɨkʉbwɨra, mo kɨro kɨno, embere embagatsɨ yɨbɨke, wayɨgana ingye ngendo kashathʉ ʉthɨ uthanyetsi.» 35Petero mwamʉbwɨra athɨ: «Monyangabya mbʉ nyafwa hagʉma nawe, nyɨthɨyɨgane nyɨthɨ nyithakwetsi.» N'abandɨ bɨga boshi mobanegena bathyo.
Yesʉ ashabɨra mw'ɨshwa ly'iNgetetsemani
(Mar 14:32-42; Luk 22:39-46)
36Aho Yesʉ mwahika handʉ hagenda ahahʉlwamo Ngetetsemani hagʉma n'abɨga bʉwe. Mwabwɨrabo athɨ: «Mwikale hano, mo ndambi enyɨya shabɨra halira.» 37Honyuma kw'aho, mwagenda na Petero n'abagala babɨrɨ ba Sebetayo. Mwathanga ɨfwa buliye na n'igangya-gangya mʉthɨma. 38Aho mwabwɨrabo athɨ: «Omʉthɨma aye otswiremo buliye ihika ko kɨka ky'ɨfwa. Mushibe hano na mutheye hagʉma nangye.» 39Yesʉ mwayɨfʉnda hale hake, mwafʉkama obʉsʉ ihika ahishi na mwashaba nɨanegena athɨ: «Thatha, bɨrɨ byangathokekana, fʉnda hale nangye olwatha lw'obwagali olu. Hewethuwe, bithabyaga nga ko nyishashire, he nga ko ushashire.»
40Honyuma kw'aho mwashʉba ahalɨ abɨga na mweyabo nɨbalɨtho. Mwabwɨra Petero athɨ: «Momʉthalɨ omukotsya itheya hagʉma nangye n'esaha n'engʉma? 41Mʉthayagatho na mʉshabe nɨmo mʉthɨlengweko. Omʉthɨma afwire muhwa, hewethuwe omʉbɨrɨ nɨ molo.» 42Yesʉ mwayɨfʉnda hale n'ɨya shaba Gongo ngendo lya kabɨrɨ nɨanegena athɨ: «Thatha, olwatha lw'amalɨgo olu lʉlɨ lʉthangatsʉka hale nangye bʉthashoma kʉlo, aho, erɨshasha lyawe lɨkoleke!» 43Kandɨ mwashʉba aho abɨga babyaga, na mweyabo nɨbalɨtho, kʉshangwa amesho wabo abyaga nɨamatsɨthoha bʉshana n'othʉlo. 44Yesʉ mwashʉba shigabo, mwashʉba yɨfʉnda n'ɨya shaba ngendo lya kashathʉ nɨashʉbɨrɨra ebɨnwa bɨgʉmerera. 45Honyuma kw'aho mwashʉba aho abɨga babyaga n'ɨbwɨrabo athɨ: «mʉkɨnalɨtho n'ɨlʉhʉka? Mʉlole, endambi yamahika oMʉgala w'oMʉndʉ ahirwa mo minwe y'abakoli b'ebɨtsɨbʉ. 46Mwimane thʉgende! Mʉlole kw'oyo wamanyɨhothera kʉbo kw'amahika!»
Ɨtsɨmbwa lya Yesʉ
(Mar 14:43-50; Luk 22:47-53; Yoa 18:3-12)
47Yesʉ abere akɨnalɨ anegena, Yuta mʉgʉma w'oko bɨga ikumi na babɨrɨ mwahika. Yuta oyo abyaga na bandʉ bangɨ bahekire miyali na bɨbando. Babyaga nibathumirwe n'abakʉlʉ b'abaheri n'abangʉmwa b'aBayuta. 48Yuta, oyo wabyaga nɨamahothera Yesʉ, mwaha abandʉ abo bo kɨmɨnyɨkalo athɨ: «Oyo nyafʉmbatha nɨ ɨye. Mʉmʉtsɨmbe.» 49Aho n'aho Yuta mwayɨfʉnda ahalɨ Yesʉ n'ɨmʉbwɨra athɨ: «Enyɨkʉketsya mbe Mʉkangɨrɨtsya!» Honyuma kw'aho mwamʉfʉmbatha. 50Yesʉ mwamʉbwɨra athɨ: «Mwira aye, kola ebyo bɨthakʉletha.» Aho, abandʉ abo mobayɨfʉnda hofɨ, mobatsɨmba Yesʉ n'ɨmʉmɨna. 51Mʉgʉma w'oko bo babyaga na Yesʉ mwahulukya omuyali ʉwe, mwabanda mukoli w'omuheri mʉkʉlʉ n'ɨmʉtsako okuthwi. 52Aho Yesʉ mwamʉbwɨra athɨ: «Shubya omuyali awe w'omo lʉba lwawo, kʉshangwa aboshi bo batsɨmba omuyali bandafwa mʉ muyali. 53Uthetsi ko nyangalakɨra Thatha anyiwathikye. Aho n'aho anganyɨthʉmɨra bɨkembe bilengitsye ikumi na bɨbɨrɨ bya bamalaɨka? 54Hewethuwe, aMashako owanegenire athɨ bɨno bithyo ko byangabere, angabererere athɨ?»
55Honyuma kw'aho Yesʉ mwabwɨra abandʉ abo athɨ: «Iki kyangaleka nimwahika na miyali na bɨbando bʉshana mʉnyɨtsɨmbe nga nyɨrɨ mubandi? Nyagendaga enyikala mo Nyʉmba ya Gongo mw'ebɨro byoshi nyɨrɨ enyɨkangɨrɨtsya, momʉthanyɨmɨna. 56Hewethuwe ebyoshi ebyo mobyabya bʉshana n'ebyo bamɨnyeretsɨ banegenaga mo Mashako Abuyirire bɨbererere.» Aho abɨga bʉwe boshi mobamushiga na mobashaga.
Yesʉ embere y'oBʉshenge Bʉkʉlʉ
(Mar 14:53-65; Luk 22:54-55,63-71; Yoa 18:13-14,19-24)
57Bo bamɨnaga Yesʉ mobamʉthwala ewa Kayafa Muheri Mʉkʉlʉ, eyo aBakangɨrɨtsya b'oMʉgomba n'abangʉmwa b'aBayuta babyaga bahindanire. 58Petero mwakwama Yesʉ nɨanalɨ hale, ihika mo kɨbʉga ky'enyʉmba y'oMuheri Mʉkʉlʉ. Mwɨngɨra mo kɨbʉga na mwikala hagʉma n'abatheya bʉshana amɨnye nga byahwa bɨthɨ.
59 Abaheri bakʉlʉ n'oBʉshenge Bʉkʉlʉ boshi bagendaga abashondya mabesɨ wo bangasitakira Yesʉ bʉshana bamʉsohere lʉholo. 60Hewethuwe mobathabonawo, n'omo bandʉ bangɨ mobayɨyɨramo batimo ba bʉbesɨ. Ko nduli bandʉ babɨrɨ mobayɨsɨnga, 61na mobanegena bathɨ: «oMʉndʉ oyu mwanegena athɨ: “Nyangashambʉla eNyʉmba ya Gongo n'ishubahimbaro mʉ bɨro bɨshathʉ.”» 62oMuheri Mʉkʉlʉ mwimana n'ɨbwɨra Yesʉ athɨ: «Uthishubye kɨndʉ ko byo abandʉ aba abakʉnegenako?» 63Hewethuwe Yesʉ mwatsɨra. Aho oMuheri Mʉkʉlʉ mwamʉbwɨra athɨ: «Kw'ɨtsɨna lya Gongo yo ʉlɨho, enyɨkʉshaba ʉthʉbwɨre mw'ɨlahɨtsya nga nɨ ɨwe Kirisito, Mʉgala wa Gongo.» 64Yesʉ mwamʉshʉbɨtsya athɨ: «Nɨ ɨwe wo wamanegena. H'ingye enyɨbabwɨra nyɨthɨ, ɨthoka ko ndambi eno mwalola ko Mʉgala w'oMʉndʉ n'ikere ko malyo wa Gongo w'amaka, nɨathoka mo bɨfʉ by'oko buthuku.» 65Aho oMuheri Mʉkʉlʉ mwaberenga so ngɨmba sɨwe n'ɨnegena athɨ: «Amahatsya! Thuthakilayire ku mutimo! Mwamonvwa obʉhatsye bʉwe. 66Mwamanegena muthi ki?» Mobashubya bathɨ: «Atholere lʉholo.»
67Aho, mobamʉtsɨrako mathandɨ mo bʉsʉ n'imuhumba mʉ bikundi. N'abandɨ mobamuhiramo makofi, 68nɨabanegena bathɨ: «Mɨnyerera, ɨwe Masia, thʉbwɨre nga nɨ ndɨ yo wamakuhumba!»
Petero ayɨgana Yesʉ
(Mar 14:66-72; Luk 22:56-62; Yoa 18:15-18,25-27)
69Mo ndambi eyo, Petero abyaga n'ikere embʉga mo kɨbʉga. Mukoli mʉgʉma wa bʉkatsɨ mwayɨfʉnda hofɨ naye n'ɨmʉbwɨra athɨ: «Nawe kuthyo, ʉthalɨ hagʉma na Yesʉ, Munyangalilaya.» 70He mwayɨgana embere y'abandʉ boshi n'ɨnegena athɨ: «Nyithetsi ebyo ushondya ɨnegena.» 71Aho Petero mwaya emʉnda w'olukyo lw'ekɨbʉga. Ʉndɨ mukoli wa bʉkatsɨ mwamʉshʉnga n'ɨbwɨra abo babyagaho athɨ: «Oyu athalɨ hagʉma na Yesʉ w'iNasareti.» 72Na Petero mwashʉbayɨgana, mwalahɨtsya nɨanegena athɨ: «Ko kwenene, nyithetsi omuyira oyu.» 73Kwabere kwatsʉka kathambi, bo babyaga aho mobayɨfʉnda ahali Petero n'ɨmʉbwɨra bathɨ: «Kundu-kundu, ɨwe nawe ʉlɨ mʉgʉma wa kʉbo, emɨnegenere awe yamakukangania.» 74Aho Petero mwathanga ɨlahɨtsya athɨ: «Nyɨthakɨrwe nyamabya nɨenyɨnegena mabesɨ! Nyithetsi omʉndʉ oyu!» Aho n'aho, embagatsɨ moyabɨka.
75Na Petero mwɨbʉka ebɨnwa Yesʉ amʉbwɨraga athɨ: «Embere embagatsɨ y'ɨbɨke, wayɨana ingye ngendo kashathʉ ʉthɨ uthanyetsi.»#26:75 Soma 26:34. Mwahʉlʉka na mwalɨra na buliye bʉnene.
Currently Selected:
:
Highlight
Share
Copy
Want to have your highlights saved across all your devices? Sign up or sign in
2025 Group of Associations for the Promotion of Languages, Cultures for Integral Development