ᕉᒪᒥᐅᓄᑦ 2
2
ᒎᑎᐅᑉ ᐃᖅᑲᖅᑐᐃᓂᖓ ᓇᓛᒎᖅᑐᖅ
1 #
ᒫᑎᐅᓯ 7:1; ᓘᑲᓯ 6:37. ᑍᒤᒻᒪᑦ ᐸᓯᔭᒃᓴᐅᖏᑦᔪᑎᒃᓴᖃᓐᖏᓚᑎᑦ, ᐊᓯᖕᓂᒃ ᐃᖅᑲᖅᑐᐃᔪᑎᑦ; ᐃᖅᑲᖅᑐᐃᑦᔪᑎᒋᔭᕐᖕᓄᑦ ᐃᓕᖕᓂᒃ ᓇᖕᒥᓂᖅ ᐸᓯᔭᒃᓴᓐᖑᖅᑎᑉᐳᑎᑦ, ᐃᖅᑲᖅᑐᐃᑦᔪᑎᒋᔭᕐᖕᓂᒃ ᑍᒫᓪᓗᐊᖅ ᐱᓇᓱᐊᕋᕕᑦ. 2ᖃᐅᔨᒪᒐᑦᑕ ᒎᑎᐅᑉ ᐃᖅᑲᖅᑐᐃᓂᖓ ᓈᒻᒪᓈᑦᓯᐊᖅᑐᒥᒃ ᐃᖅᑲᖅᑐᐃᖕᒪᑦ ᑍᒤᓕᐅᖅᑐᓄᑦ. 3ᐃᓄᑐᐃᓐᓇᐅᔪᑎᑦ, ᑍᒤᓕᐅᖅᑐᓂᒃ ᐃᖅᑲᖅᑐᐃᓪᓗᑎᑦ, ᐃᖅᑲᖅᑐᐃᑦᔪᑎᖕᓂᒡᓗ ᐊᑐᖅᐸᒡᓗᑎᑦ, ᒎᑎᐅᑉ ᐃᖅᑲᖅᑐᐃᓂᖓᓂᒃ ᕿᒫᔪᓐᓇᕋᓱᒋᕖᑦ? 4ᐅᕝᕙᓗ ᐱᑦᓯᐊᕐᖕᓂᕐᔪᐊᖓ ᐊᖏᔪᖅ ᑲᒪᖏᑦᓯᖅᑐᕐᖕᓂᖓᓗ ᕿᓄᐃᓵᕐᖕᓂᖓᓗ ᓇᕐᕈᒋᕕᐅᒃ? ᖃᐅᔨᒪᓐᖏᓚᑏ? ᒎᑎᐅᑉ ᐱᑦᓯᐊᕐᖕᓂᕐᔪᐊᖓᑕ ᑕᓯᐅᕋᓱᐊᕐᖕᒪᑎᑦ ᖃᕿᐊᓕᕐᖕᓂᕐᖕᒧᑦ?
5ᓯᑎᔪᐊᓘᓂᕐᖕᓄᑦ ᐆᒻᒪᑎᒃᑯᓪᓗ ᖃᕿᐊᓕᕈᒪᖏᓐᓂᕐᖕᓄᑦ ᐃᓕᖕᓂᒃ ᖁᒥᐅᑎᒋᓕᖅᐳᑎᑦ ᐅᓪᓗᒧᑦ ᒎᑎᐅᑉ ᓂᓐᖓᒡᕕᒃᓴᖓᓄᑦ ᐃᖅᑲᖅᑐᐃᓂᖓ ᓈᒻᒪᓈᑦᓯᐊᖅᑐᖅ ᓴᖅᑭᑉᐸᑦ. 6#ᐃᓐᖏᕈᑦ 62:12; ᓲᓗᒨᓂ 24:12.ᑖᑦᓱᒪ ᐊᑭᓕᕈᒫᕐᖕᒪᒋᑦ ᐃᓄᓕᒫᑦ ᐊᑐᓂᑦ ᐱᓂᐊᕐᖕᓂᕆᓚᐅᖅᑕᖏᑦ ᒪᓕᒡᓗᒋᑦ. 7ᕿᓄᐃᓵᕐᓗᑎᒡᓕ ᐱᐅᔪᒥᒃ ᐱᓇᓱᐊᖅᑐᑦ, ᓂᖅᑐᖅᑕᐅᓂᕐᖕᒥᒃ ᕿᓂᖅᑐᑦ, ᐅᐱᒋᔭᐅᓂᕐᖕᒥᒡᓗ, ᑐᖁᓱᐃᑦᑑᓂᕐᖕᒥᒡᓗ, ᑖᑦᓱᒪ ᑐᓂᓯᕕᒋᔪᒫᖅᐰᑦ ᐃᓅᓯᕐᖕᒥᒃ ᓄᖑᓱᐃᑦᑐᒥᒃ; 8ᐊᓯᖏᓪᓕ ᐃᒻᒥᖕᓂᑐᐊᖅ ᐃᓱᒪᒋᓪᓗᑎᒃ ᐱᓇᓱᐊᖅᑐᑦ ᓱᓕᓂᕐᖕᒥᒡᓗ ᓈᓚᖏᑦᑐᑦ, ᐊᔪᕐᖕᓂᕐᖕᒥᒃ ᒪᓕᖔᕐᓗᑎᒃ, ᑖᒃᑯᐊ ᓂᓐᖓᒡᕕᐅᓂᕐᖕᒧᑦ ᓱᒋᐊᖅᑕᐅᓂᕐᖕᒧᓪᓗ ᑎᑭᑦᓱᒫᖅᐳᑦ. 9ᐅᖁᒤᓐᓇᖅᑐᖃᕈᒫᖅᐳᖅ ᐃᓱᒫᓗᓇᖅᑐᖃᕈᒫᕐᓗᓂᓗ ᐃᓄᓕᒫᓄᑦ ᐊᔪᖅᑐᓕᔪᓄᑦ, ᔫᑎᓄᑦ ᓯᕗᓪᓕᕐᖕᒥᒃ ᒍᕇᑭᓄᓪᓗ, 10ᒎᑎᐅᑉ ᓂᖅᑐᕐᖕᓇᕐᖕᓂᖃᖅᑎᑦᓱᒫᖅᐰᑦ ᐱᐅᔪᒥᒃ ᐱᓇᓱᐊᖅᑐᑦ ᐅᐱᒋᔭᐅᓗᑎᒡᓗ, ᓮᒻᒪᖅᑎᑕᐅᓗᑎᒡᓗ, ᔫᑎᑦ ᓯᕗᓪᓕᐅᓗᑎᒃ ᒍᕇᑭᓄᓪᓗ. 11#ᒨᓯᓯ ᑕᓪᓕᒪᖏᑦ 10:17.ᒎᑎᐅᑉ ᐃᓄᓕᒫᑦ ᐊᑦᔨᒌᒃᑎᒻᒪᒋᑦ.
12ᐊᔪᖅᑐᓕᔪᑦ ᐱᖁᔭᖃᕋᑎᒃ ᐊᓯᐅᔪᒫᖅᐳᑦ ᐱᖁᔭᖃᖏᓪᓗᑎᒃ, ᐱᖁᔭᖃᕐᓗᑎᒡᓗ ᐊᔪᖅᑐᓕᔪᓕᒫᑦ ᐱᖁᔭᑦ ᒪᓕᒡᓗᒋᑦ ᐃᖅᑲᖅᑐᖅᑕᐅᔪᒫᖅᐳᑦ. 13ᐱᖁᔭᓂᒃ ᑐᓴᑐᐃᓐᓇᖅᑐᑦ ᓈᒻᒪᒃᓯᑎᑕᐅᖏᒻᒪᑕ ᒎᑎᐅᑉ ᓵᖓᓂ, ᐱᖁᔭᓂᒡᓕ ᒪᓕᑦᓯᐊᖅᑐᑦ ᓈᒻᒪᖕᓂᕋᖅᑕᐅᔪᒫᖅᐳᑦ. 14ᔫᑎᐅᖏᑦᑐᑦ ᐱᖁᔭᖃᖏᒃᑲᓗᐊᕐᓗᑎᒃ ᐃᓕᖅᑯᓯᕐᖕᒥᒃᑎᒍᑦ ᐱᖁᔭᑦ ᐊᑐᖁᔭᖏᓐᓂᒃ ᐊᑐᓲᖑᒋᕗᑦ, ᐱᖁᔭᖃᕐᖕᒪᑕ ᐃᓕᖅᑯᓯᕐᖕᒥᒃᑎᒍᑦ, ᐱᖁᔭᓂᒃ ᐱᓯᒪᖏᒃᑲᓗᐊᕐᓗᑎᒃ. 15ᑕᕝᕙ ᓴᖅᑭᑎᑦᓯᕗᑦ ᐱᖁᔧᑦ ᐊᑐᖅᑕᐅᖁᔭᖏᓐᓂᒃ ᐃᓗᒥᐅᑕᖃᕐᖕᓂᕐᖕᒥᖕᓂᒃ, ᐃᒃᐱᒋᔭᒥᒃᑎᒍᓪᓗ ᓇᓗᓁᖅᓯᓪᓗᑎᒃ, ᐃᓱᒪᒥᒃᑎᒍᓪᓗ ᐃᖅᑲᖅᑐᖅᑕᐅᕙᒃᓗᑎᒃ, ᑕᒻᒪᖏᓐᓂᕐᖕᒥᖕᓂᒡᓗ ᖃᐅᔨᑎᑕᐅᕙᒃᑭᓪᓗᑎᒃ. 16ᐅᖃᐅᓰᑦ ᑐᓴᕈᒥᓇᖅᑐᑦ ᐅᖃᐅᓯᕆᔭᒃᑲ ᒪᓕᒡᓗᒋᑦ, ᑕᒪᓐᓇ ᐊᑐᕈᒫᖅᐳᖅ ᒎᑎ ᐃᖅᑲᖅᑐᐃᓕᖅᐸᑦ ᐃᓄᐃᑦ ᐃᔨᖅᓯᒪᔭᖏᓐᓂᒃ ᔩᓱᓯ ᙭ᔅᑑᓯᑯᑦ.
ᔫᑎᓪᓗ ᐱᖁᔭᓪᓗ
17ᐃᕝᕕᓪᓕ ᔫᑎᐅᓂᕋᖅᑐᑎᑦ ᐱᖁᔭᓂᒡᓗ ᑕᑎᖃᖅᑐᑎᑦ, ᒎᑎᒥᒡᓗ ᐃᓚᖃᑦᓯᐊᕐᖕᓂᕐᖕᓂᒃ ᓂᖅᑑᑎᖃᖅᑐᑎᑦ. 18ᐊᑐᖅᑕᐅᖁᔭᖓ ᖃᐅᔨᒪᒐᕕᐅᒃ ᐱᐅᓂᖅᐹᖑᔪᖅ ᐊᑲᐅᒋᒐᕕᐅᒃ, ᑍᒫᒃ ᐱᖁᔭᓂᑦ ᐊᔪᕆᖅᑐᖅᑕᐅᒐᕕᑦ, 19ᖃᐅᔨᒪᑦᓯᐊᕋᕕᓪᓗ ᑕᐅᑐᖏᑦᑐᓂᒃ ᑕᓯᐅᖅᓯᔪᓐᓇᕋᓱᒋᕗᑎᑦ, ᑖᖅᑐᒦᑦᑐᓂᒡᓗ ᖃᐅᒻᒤᔪᓐᓇᕋᓱᒋᓪᓗᑎᑦ, 20ᓯᓔᑦᑐᓂᒡᓗ ᐋᖅᑭᒋᐊᖅᓯᔪᓐᓇᕋᓱᒋᓪᓗᑎᑦ, ᓄᑕᖅᑲᓂᒡᓗ ᐃᓕᓮᔪᓐᓇᕋᓱᒋᓪᓗᑎᑦ, ᐱᖁᔭᓂᒃ ᐱᑕᖃᕇᕋᕕᑦ ᐃᓕᓯᒪᓂᕐᖕᒥᒃ ᓱᓕᑦᓯᐊᕐᖕᓂᕐᖕᒥᒡᓗ ᐱᑕᖃᕐᖕᓂᕋᖅᑕᕐᖕᓂᒃ; 21ᐊᓯᖕᓂᒃ ᐊᔪᕆᖅᑐᐃᕙᒃᑲᕕᑦ, ᐃᓕᖕᓂᒡᓕ ᐊᔪᕆᖅᑐᕈᓐᓇᓐᖏᓚᑏᑦ? ᑎᒡᓕᒋᐊᖃᖏᓐᓂᕐᖕᒥᒃ ᐊᔪᕆᖅᑐᐃᕙᒃᑐᑎᑦ, ᓇᖕᒥᓂᕐᓗ ᑎᒡᓕᖃᑦᑕᖅᐲᑦ? 22ᐅᖃᖅᐸᒃᑐᑎᑦ ᓄᓕᐊᕇᖕᓂᕐᖕᒥᒃ ᐊᓯᕈᐃᔪᒃᓴᐅᖏᓐᓂᕐᖕᒥᒃ, ᓇᖕᒥᓂᕐᓕ ᓄᓕᐊᕇᖕᓂᖅ ᐊᓯᕈᖅᐱᐅᒃ? ᒎᑎᓐᖑᐊᓂᒃ ᐱᐅᒃᓴᖏᓐᓂᕋᖅᐸᒃᑐᑎᑦ, ᑐᒃᓯᐊᕐᕕᖕᓂᒡᓗ ᑎᒡᓕᒡᕕᖃᖃᑦᑕᖅᐲᑦ? 23ᒎᑎᒥᑦ ᐱᖁᔭᖃᖅᑎᑕᐅᓂᕐᖕᒥᒃ ᓂᖅᑐᕈᑎᖃᖅᑐᑎᑦ, ᒎᑎ ᓇᕐᕈᓇᖅᑎᖃᑦᑕᖅᐱᐅᒃ ᐱᖁᔭᓂᒃ ᓱᕅᖃᑦᑕᕐᖕᓂᕐᖕᓄᑦ? 24#ᐂᓮᐊᓯ 52:5.ᑎᑎᕋᖅᓯᒪᖕᒪᑦ, “ᒎᑎᐅᑉ ᐊᑎᖓ ᓇᕐᕈᓇᖅᓯᑎᑕᐅᕗᖅ ᔫᑎᐅᖏᑦᑐᓂᑦ ᔫᑎᐅᔪᓯ ᑍᒤᑎᑦᓯᑎᓪᓗᓯ.”
25ᑭᐱᔭᐅᓂᖅ#2:25 ᑭᐱᔭᐅᓂᖅ; ᔫᑎᑦ ᐱᖁᔭᖏᑦ ᒪᓕᒡᓗᒋᑦ ᐅᓱᐊᑕ ᐊᒥᖓᑕ ᓄᕗᐊ ᐲᖅᑕᐅᓯᒪᔪᖅ ᐊᑐᕐᖕᓇᖅᑑᕗᖅ ᐱᖁᔭᑦ ᒪᓕᑦᓯᐊᕈᕕᒋᑦ; ᐱᖁᔭᓂᒡᓕ ᓱᕅᒍᕕᑦ, ᑭᐱᔭᐅᓯᒪᖏᑦᑐᑎᑐᑦ ᑍᒤᓕᖅᐳᑎ. 26ᑭᐱᔭᐅᓯᒪᖏᑦᑐᑦ ᐱᖁᔭᓂᒃ ᒪᓕᒃᐸᑕ, ᑭᐱᔭᐅᓯᒪᔪᑎᑐᑦ ᐃᓱᒪᒋᔭᐅᒐᔭᓐᖏᓛᑦ? 27ᑎᒥᒥᒍᑦ ᑭᐱᔭᐅᓯᒪᖏᑦᑐᑦ ᐱᖁᔭᓂᒃ ᒪᓕᑦᓯᐊᕈᑎᒃ ᑖᒃᑯᓇᓐᖓᑦ ᐃᒋᑕᒃᓴᓐᖑᖅᑎᑕᐅᔪᒫᖅᐳᓯ ᐱᖁᔭᓂᒃ ᓱᕅᒍᑦᓯ ᐱᖁᔧᑦ ᑎᑎᕋᖅᓯᒪᔪᑦ ᐱᓯᒪᒐᓗᐊᕐᓗᒋᒃ ᑭᐱᔭᐅᓯᒪᓗᓯᓗ.
28ᐃᓄᒃ ᔫᑎᓪᓚᕆᐅᖏᒻᒪᑦ ᑕᑯᒃᓴᐅᓂᑐᐃᓐᓇᕐᖕᒥᒍᑦ, ᑭᐱᔭᐅᓂᖅᑕᐅᖅ ᑕᑯᒃᓴᐅᓂᒃᑯᑐᐃᓐᓈᐅᓐᖏᓚᖅ ᑎᒥᒃᑰᖓᑐᐃᓐᓇᕌᓂᓗ. 29#ᒨᓯᓯ ᑕᓪᓕᒪᖏᑦ 30:6.ᐃᓄᒃ ᔫᑎᓪᓚᕆᐅᕗᖅ ᐃᓗᒥᒍᑦ ᔫᑎᐅᔪᖅ, ᐃᓗᒥᒍᓪᓗ ᑭᐱᔭᐅᓯᒪᓗᓂ ᒎᑎᐅᑉ ᐊᓂᕐᖕᓂᖓᒍᑦ, ᑎᑎᕋᖅᓯᒪᔪᑎᒍᑐᐃᓐᓇᐅᖏᑦᑐᖅ, ᑍᒤᑦᑑᑉ ᓂᖅᑐᖅᑕᐅᓂᖓ ᐃᓄᖕᓂᑦ ᐱᓐᖏᓚᖅ, ᒎᑎᒥᓪᓕ ᐱᕗᖅ.
Currently Selected:
ᕉᒪᒥᐅᓄᑦ 2: EAIB
Highlight
Share
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.