ᓲᓗᒨᓂᐅᑉ ᐅᖃᓪᓚᖕᓂᖏᑦ 31
31
ᐊᖓᔪᖅᑳᕐᔪᐊᑉ ᐃᓱᒪᑖᕈᑎᒃᓴᖏᑦ
1ᓕᒧᐃᓕᐅᑉ, ᒫᓴᒥᐅᑦ ᐊᖓᔪᖅᑳᕐᔪᐊᖓᑕ ᐅᖃᐅᓯᖏᑦ, ᐊᓈᓇᖓᑕ ᐃᓕᓮᑦᔪᑎᒋᓚᐅᖅᑕᖏᑦ ᑖᑦᓱᒧᖓ:
2ᓇᒡᓕᒋᒻᒪᕆᒃᑖᒃ ᐃᕐᖕᓃᒃ ᖃᓄᐃᓕᖅᐲᑦ?
ᐃᒡᓕᐊᓐᓄᑦ ᓇᖕᒥᓂᖅ ᐃᕐᖕᓂᖅᑖᕆᓚᐅᖅᐸᒋᑦ?
ᐊᖏᒻᒪᕆᒍᑎᓕᐅᖅᓗᖓ ᐃᕐᖕᓂᖅᑖᕆᓚᐅᖅᐸᒋᑦ?
3ᓄᑭᖃᑦᓯᐊᕐᖕᓃᑦ ᐊᑐᕐᖕᓂᐊᕐᖕᓇᒍ ᐊᕐᖕᓇᓄᑦ,
ᐱᓇᓱᐊᕈᑎᓕᒫᑎᓪᓗ ᑐᓂᓂᐊᕐᖕᓇᒋᑦ ᐊᕐᖕᓇᓄᑦ; ᐊᖓᔪᖅᑳᕐᔪᐊᓂᒃ ᐊᓯᕈᐃᖃᑦᑕᖅᓯᒪᖕᒪᑕ.
4ᑕᒪᓐᓇ ᐊᖓᔪᖅᑳᕐᔪᐊᖅᓯᐅᑕᐅᓐᖏᓚᖅ, ᓕᒧᐃᓖ,
ᐊᖓᔪᖅᑳᕐᔪᐊᖅ ᕔᓂᒥᒃ ᐃᒥᖅᑐᒃᓴᐅᓐᖏᓚᑦ,
ᐊᐅᓚᑦᓯᔨᐅᔪᑦ ᐃᒥᐊᓗᖕᒥᒃ ᓴᓐᖏᔪᒥᒃ ᐃᒥᕈᒪᔪᒃᓴᐅᓐᖏᓚᑦ;
5ᐃᒥᖅᓯᒪᓕᕈᑎᒃ ᐊᖏᕈᑕᐅᓯᒪᔪᒥᒃ ᐳᐃᒍᖁᓇᒋᑦ,
ᐃᓄᐃᓪᓗ ᐊᔪᖅᓴᖅᑐᑦ ᐃᒃᐱᒋᔭᐅᑦᓯᐊᕆᐊᖃᕐᖕᓂᖏᓐᓂᒃ ᑲᒪᔪᓐᓃᖁᓇᒋᑦ.
6ᑐᖁᑐᐃᓐᓇᕆᐊᖃᓕᖅᑐᑦ ᓴᓐᖏᔪᒥᒃ ᐃᒥᖅᑎᑦᓱᓐᓇᖅᐸᓯ,
ᕔᓂᑐᖅᑎᓪᓗᒋᓪᓗ ᐆᒻᒪᑎᒥᒍᑦ ᖁᕕᐊᓱᖏᑦᑐᑦ;
7ᐃᒥᖅᑐᒃᓴᐅᕗᑦ ᐊᔪᖅᓴᕐᖕᓂᕐᖕᒥᖕᓂᒃ ᐳᐃᒍᖁᓪᓗᒋᑦ,
ᐆᒻᒪᑎᒥᒍᓪᓗ ᖁᕕᐊᓱᖏᓐᓂᕆᔭᒥᖕᓂᒃ ᐃᖅᑲᐅᒪᔪᓐᓃᖁᓪᓗᒋᑦ.
8ᐃᒻᒥᖕᓂᒃ ᐅᖃᕈᓐᓇᖏᑦᑐᑦ ᐅᖃᕈᑎᔭᒃᓴᕆᕙᑎᑦ,
ᐱᕕᒃᓴᖃᖏᑦᑐᑦ ᐃᑲᔪᖅᑎᒃᓴᖃᖏᑦᑐᓪᓗ ᓴᐳᑎᓯᒪᔭᒃᓴᕆᕙᑎᑦ.
9ᑖᒃᑯᐊ ᐅᖃᕈᑎᔭᒃᓴᕆᕙᑎᑦ ᓈᒻᒪᓈᖅᑐᒥᒃ ᐊᑦᔨᒌᒃᑎᑦᓯᖁᓪᓗᑎᑦ,
ᐱᔪᓐᓇᖅᑕᓂᖏᓐᓂᒃ ᐃᑲᔪᖃᑦᑕᒃᑭᑦ ᐊᔪᖅᓴᖅᑐᑦ ᐃᑲᔪᖅᑕᐅᔭᕆᐊᓖᓪᓗ.
ᓄᓕᐊᕆᔭᐅᔫᑉ ᐱᔪᓐᓇᑦᓯᐊᕐᖕᓂᖓ
10ᑭᓇ ᐊᕐᖕᓇᒥᒃ ᐂᑉᐸᑦᓯᐊᕙᐅᔪᒥᒃ ᓇᓂᓯᔪᓐᓇᖅᐹ?
ᑖᓐᓇ ᐱᓪᓚᕆᐅᓂᖅᓴᒻᒪᕆᐅᕗᖅ ᐱᖁᑎᓂᑦ ᑕᑯᒥᓇᖅᑐᓂᑦ.
11ᑖᓐᓇ ᐅᐃᖓᑕ ᐅᒃᐱᕆᑦᓯᐊᕈᓐᓇᖅᐹ,
ᑖᓐᓇᓗ ᒪᑭᒪᐅᑎᒃᓴᒥᒃ ᐊᔪᖅᓴᓕᕐᖕᓂᐊᓐᖏᓚᖅ.
12ᐊᕐᖕᓇᐅᑉ ᐅᐃᓂ ᐱᑦᓯᐊᕐᕕᒋᖕᒪᒍ, ᐱᐅᖏᑦᑐᒥᒡᓗ ᐱᓂᐊᕐᕕᒋᓇᒍ,
ᐊᕐᖕᓇᐅᑉ ᐃᓅᓂᓕᒫᒥᓂ.
13ᐃᒻᒥᓂᒃ ᐊᓐᓄᕌᒃᓴᓕᐅᕐᖕᓂᕐᖕᒧᑦ ᓄᕕᖅᓵᒃᓴᓕᐅᕐᖕᓂᕐᖕᒧᓪᓗ,
ᐊᒡᒐᒥᓄᓪᓗ ᐱᓇᓱᐊᕆᐊᒃᓴᖅ ᐃᕿᐊᓱᖏᑦᓯᐊᖅᓗᓂ.
14ᑖᓐᓇ ᐊᕐᖕᓇᖅ ᐊᑦᔨᖃᖅᐳᖅ ᓲᕐᓗ ᐅᒥᐊᕐᔪᐊᑎᑐᑦ ᓂᐅᕕᐊᒃᓴᖅᑕᖅᑐᑎᑐᑦ,
ᓂᕿᒃᓴᓂᒃ ᐅᖓᓯᒃᑐᒥᑦ ᑎᑭᐅᑦᔨᖃᑦᑕᖅᑐᑎᑐᑦ.
15ᒪᑭᑉᐸᒃᑐᖅ ᓱᓕ ᐅᓐᓄᐊᖑᑎᓪᓗᒍ,
ᐃᒡᓗᒥᐅᖃᑎᒥ ᓂᕆᔭᒃᓴᖏᓐᓂᒃ ᐋᖅᑭᒃᓱᐃᔪᒪᓪᓗᓂ,
ᐊᕐᖕᓁᓪᓗ ᐱᔨᒥ ᐱᓇᓱᐊᕐᖕᓂᐊᖅᑕᖏᓐᓂᒃ ᓇᓗᓁᖅᓯᔪᒪᓪᓗᓂ.
16ᓄᓇᓗ ᖃᐅᔨᓴᓚᐅᖅᓗᓂᐅᒃ ᓂᐅᕕᐊᕆᕙ ᓇᖕᒥᓂᖅ;
ᑮᓇᐅᔭᒥᓄᑦ ᐱᓇᓱᐊᖅᓗᓂ ᐊᑭᓕᖅᑕᐅᑦᔪᑎᒋᓯᒪᔭᒥᓄᑦ
ᓄᓇ ᓴᓇᓪᓗᒍ ᐸᐅᕐᖓᓄᑦ ᐱᕈᖅᓰᕕᓕᐊᕆᕚ.
17ᐱᓇᓱᒃᓯᑎᐅᓪᓗᓂ ᓄᑭᖃᑦᓯᐊᖅᓗᓂᓗ,
ᐱᓇᓱᐊᖅᑕᒥᓂᒡᓗ ᐱᔭᕇᑦᓯᐊᖃᑦᑕᖅᓱᓂ.
18ᖃᐅᔨᒪᓪᓗᓂᓗ ᓂᐅᕕᐊᒃᓴᖏᑕ ᐱᕙᓪᓕᕐᖕᓇᕐᖕᓂᖏᓐᓂᒃ,
ᐅᓐᓄᐊᕈᖅᓰᕙᒡᓗᓂᓗ ᐱᓇᓱᐊᖏᓐᓇᖅᓗᓂ.
19ᓇᖕᒥᓂᖅ ᐃᕙᓗᒃᓴᒥᓂᒃ ᓴᓇᕙᒡᓗᓂ,
ᓇᖕᒥᓂᕐᓗ ᐊᓐᓄᕌᒃᓴᒥᓂᒃ ᓄᕕᖅᓴᖅᐸᒡᓗᓂ.
20ᑐᓂᓯᖃᑦᑕᖅᓗᓂᓗ ᐊᔪᖅᓴᖅᑐᓄᑦ ᐱᔭᕆᐊᓕᖕᓄᓪᓗ,
ᐄᓛᒃ, ᓇᖕᒥᓂᖅ ᐊᒡᒐᖕᒥᓄᑦ ᓴᓇᓪᓗᓂ ᐃᑲᔪᖅᑕᐅᔭᕆᐊᓕᖕᓂᒃ ᐃᑲᔪᖃᑦᑕᖅᐳᖅ.
21ᓂᒡᓚᖅᑐᐊᓘᒐᓗᐊᖅᐸᑦ ᐊᐳᓯᖅᓗᓂ ᐃᓱᒫᓗᖕᓂᐊᓐᖏᓚᖅ,
ᐃᓚᖏᑦ ᐊᓐᓄᕌᖃᑦᓯᐊᕐᖕᒪᑕ ᐅᖅᑰᔪᓂᒃ.
22ᕿᐱᓕᐅᖅᐸᒡᓗᓂᓗ ᓇᖕᒥᓂᖅ;
ᐊᓐᓄᕌᖃᖅᓗᓂᓗ ᐊᑭᑐᔪᒃᓴᔭᓂᒃ ᐊᐅᐸᓪᓚᕆᒃᑐᓂᒃ.
23ᐅᐃᖓᓗ ᖃᐅᔨᒪᔭᐅᑦᓯᐊᖅᐳᖅ ᐃᓄᖕᓄᑦ,
ᐊᖓᔪᖅᑳᖑᖃᑕᐅᓪᓗᓂᓗ ᓄᓇᒥᓂ.
24ᐊᓐᓄᕌᓕᐅᖅᐸᒃᐳᖅ ᑕᑦᓯᕈᑎᒃᓴᓂᒡᓗ ᓂᐅᕐᕈᑎᖃᖅᐸᒃᑐᖅ;
ᓂᐅᕕᖅᑎᓄᓪᓗ ᓂᐅᕕᐊᒃᓴᓕᐅᖅᐸᒃᓱᓂ ᑕᑦᓯᓂᒃ.
25ᓴᓐᖏᓂᖅ ᐅᐱᒋᔭᐅᓂᕐᓗ ᐊᓐᓄᕌᕆᕔᑦ,
ᖁᕕᐊᒋᔭᖃᖅᐳᖅ ᐅᓪᓗᓂᒃ ᕾᔪᓂᒃ.
26ᖃᓂᕐᖕᒥᒍᑦ ᐅᖃᖅᐸᒃᐳᖅ ᓯᓚᑐᔪᓂᒃ,
ᐊᔪᕆᖅᑐᐃᓂᖓᓗ ᐱᑦᓯᐊᕐᖕᓂᕐᖕᒥᒃ ᓴᖅᑭᑎᑦᓯᕗᖅ.
27ᐃᓚᒌᑦ ᐱᔭᕆᐊᖃᕐᖕᓂᖏᑦ ᐊᒃᓱᕉᑎᒋᓪᓗᒋᑦ ᐱᓇᓱᐊᖅᐰᑦ,
ᓂᕆᕙᓐᖏᓚᕐᓗ ᓂᕿᒃᓴᒥᒃ ᐃᕿᐊᓱᒃᑐᑦ ᓂᕿᖓᓂᒃ.
28ᕿᑐᕐᖓᖏᑦ ᐱᕈᕋᒥᒃ ᓮᒻᒪᖅᑎᑕᐅᓯᒪᓂᕋᖅᐹᑦ;
ᐅᐃᖓᑕᑦᑕᐅᖅ ᖁᕕᐊᒋᕚ, ᓂᖅᑐᖅᓗᒍᓗ.
29ᐅᖃᐅᓯᕆᕚ, “ᐊᕐᖕᓁᑦ ᐅᓄᖅᑐᑦ ᓄᓕᐊᑦᓯᐊᕙᐅᔪᓐᓇᖅᐳᑦ,
ᐃᕝᕕᓪᓕ ᑕᒤᓐᓂᑦ ᐱᐅᓂᖅᐹᖑᕗᑎᑦ.”
30ᐱᔪᒥᓇᕐᖕᓂᖅ ᐅᐃᕖᕐᕆᒃᓯᔪᓐᓇᖅᐳᖅ, ᑕᐅᑦᑐᑦᓯᐊᕆᖕᓂᖓᓗ ᑍᒤᑦᓮᓐᓇᕈᓐᓇᓐᖏᓚᖅ,
ᐊᕐᖕᓇᕐᓕ ᐊᑕᓂᕐᖕᒥᒃ ᓯᕘᕋᔪᖅ ᑖᓐᓇ ᓂᖅᑐᖅᑕᐅᔭᕆᐊᖃᖅᐳᖅ.
31ᑐᓂᓯᕕᐅᓕ ᐊᒡᒐᒥᓄᑦ ᐱᕈᖅᑎᑕᖏᓐᓂᒃ,
ᐱᓇᓱᐊᖅᓯᒪᔭᖏᑕ ᓂᖅᑐᕐᖕᓇᖅᑎᓪᓕᐅᒃ ᐃᓄᖕᓄᑦ.
Currently Selected:
ᓲᓗᒨᓂᐅᑉ ᐅᖃᓪᓚᖕᓂᖏᑦ 31: EAIB
Highlight
Share
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.