ᐱᓕᐱᒥᐅᓄᑦ 2
2
᙭ᔅᑑᓯᐅᑉ ᒥᑭᓕᑎᕐᖕᓂᖓ ᐊᖏᔪᕈᖅᑎᑕᐅᓂᖓᓗ
1᙭ᔅᑑᓯᒥ ᐱᕙᓪᓕᖅᑎᑕᐅᔪᖃᖅᐸᑦ, ᓇᒡᓕᖕᓂᖓᓄᑦ ᓮᒻᒪᖅᑎᑕᐅᒍᑦᓯ, ᐊᓂᕐᖕᓂᖓᓄᓪᓗ ᐃᓚᒌᑦᓯᐊᓕᖅᑎᑕᐅᒍᑦᓯ ᐃᓕᑦᓯᓐᓄᑦ, ᐱᑦᓯᐊᕐᖕᓂᖃᓕᕐᓗᓯᓗ ᐃᓚᑦᓱᒍᓱᖕᓂᖃᓕᕈᑦᓯ ᐃᓅᖃᑎᑦᓯᓐᓄᑦ, 2ᖁᕕᐊᓱᖕᓂᕋ ᐃᓗᐃᑦᑐᓐᖑᖅᑎᑦᓯᐊᓚᐅᖅᓯᐅᒃ ᐃᓱᒪᖃᖃᑎᒌᖕᓂᑦᓯᓐᓄᑦ, ᓇᒡᓕᖕᓂᑦᓯᓐᓄᓪᓗ, ᐊᑕᐅᓯᐅᖃᑎᒌᑦᓯᐊᕐᖕᓂᑦᓯᓐᓄᓪᓗ ᐃᓱᒪᑦᓯᒍᑦ. 3ᐱᓇᓱᐊᕐᖕᓂᐊᕋᓯ ᓇᖕᒥᓂᖅᓯᐅᕐᖕᓂᕐᖕᒥᒃ ᐅᕝᕙᓗ ᐊᔪᖏᓐᓂᖅᓴᐅᓇᓱᒋᓂᕐᖕᒥᒃ, ᐱᐅᔪᕆᖏᓐᓂᕐᖕᒧᓪᓕ ᐃᓅᖃᑎᑦᓯ ᐃᓕᑦᓯᓐᓂᑦ ᐱᐅᓂᖅᓴᐅᓂᖏᓐᓂᒃ ᐃᓱᒪᖃᕆᑦᓯ. 4ᐃᓕᑦᓯᓕ ᐊᑐᓂᑦ ᖁᕕᐊᒋᔭᑐᐊᑦᓯᓐᓂᒃ ᕿᓂᕐᖕᓂᐊᕋᓯ, ᐊᓯᑦᓯᓕ ᖁᕕᐊᒋᔭᖏᓐᓂᒃᑕᐅᖅ ᐃᓱᒪᖃᕆᑦᓯ. 5ᐃᓱᒪᖃᕆᑦᓯ, ᔩᓱᓯ ᙭ᔅᑑᓯᐅᑉ ᐃᓱᒪᖃᕐᖕᓂᖓᑐᑦ.
6ᑖᓐᓇ ᒎᑎᑐᑦ ᑍᒤᒃᑲᓗᐊᕋᒥ,
ᒎᑎᒥᒃ ᐊᑦᔨᖃᕋᓱᓚᐅᓐᖏᓚᖅ ᓂᖅᑐᕐᖕᓇᐅᑎᖃᕋᓱᐊᕋᓂᓘᓐᓃᑦ.
7ᐃᓱᒪᖅᓱᑦᓯᐊᕐᓗᓂᓕ ᐱᔪᒪᔭᒥᓂᒃ ᓴᒃᑯᐃᓚᐅᖅᐳᖅ,
ᐱᔨᑐᐃᓐᓇᖅᑎᑐᑦ ᑍᒤᓕᕐᓗᓂ, ᐃᓄᑐᐃᓐᓇᖅᑐᓪᓗ ᑍᒤᓕᓚᐅᖅᐳᖅ
ᐃᓄᑐᐃᓐᓇᖅᑎᑐᓪᓗ ᑕᑯᒃᓴᐅᓂᖃᓕᕐᓗᓂ.
8ᐃᒻᒥᓂᒃ ᒥᑭᒡᓕᑎᓚᐅᖅᐳᖅ,
ᓈᓚᑦᓯᐊᖏᓐᓇᓚᐅᖅᐳᖅ ᑐᖁᒧᑦ ᐊᒡᓛᑦ ᑎᑭᓪᓗᓂ,
ᑐᖁᒧᑦ ᓴᓐᓂᖓᔪᓕᖕᒥ ᐊᒡᓛᑦ.
9ᑍᒤᒻᒪᑦ ᒎᑎᐅᑉ ᖁᑦᓯᖕᓂᖅᐹᒧᑦ ᓲᖑᓂᖅᐹᒧᐊᖅᑎᓚᐅᖅᐹ
ᐊᑎᖅᑖᖅᑎᓪᓗᓂᐅᒡᓗ ᐊᑎᕐᖕᓂᑦ ᑕᒤᓐᓂᑦ ᐊᖏᓂᖅᐹᒥᒃ.
10 #
ᐂᓮᐊᓯ 45:23. ᔩᓱᓯᐅᑉ ᐊᑎᖓᓂ ᓰᖅᑯᑦ ᑕᒪᕐᖕᒥᒃ ᓰᖅᑯᖅᑐᒃᓴᐅᕗᑦ,
ᕿᓚᖕᒦᑦᑐᑦ ᓄᓇᒦᑦᑐᓪᓗ ᓄᓇᐅᑉ ᐊᑖᓃᑦᑐᓪᓗ,
11ᐅᕾᓪᓗ ᑕᒪᕐᖕᒥᒃ ᓇᓗᓁᔧᔪᒃᓴᐅᕗᑦ ᔩᓱᓯ ᙭ᔅᑑᓯᐅᑉ ᐊᑕᓂᐅᓂᖓᓂᒃ,
ᒎᑎᐅᑉ ᐊᑖᑕᐅᑉ ᓂᖅᑐᖅᑕᐅᓂᒃᓴᖓᓄᑦ.
ᓯᓚᕐᔪᐊᕐᖕᒥ ᐃᑯᒪᔪᑎᑐᑦ ᖃᐅᒪᖁᓪᓗᑕ
12ᑍᒤᒻᒪᑦ ᓇᒡᓕᒋᔭᒃᑲ, ᑍᒪᓐᖓᑦ ᓈᓚᑦᓯᐊᖃᑦᑕᓚᐅᕋᑦᓯᓐᖓ, ᐃᓕᑦᓯᓐᓄᑦ ᓇᔫᑎᑎᓪᓗᖓᑐᐃᓐᓇᐅᖏᑦᑐᖅ, ᐱᓗᐊᕐᖕᑐᒥᒃᓕ ᐃᓕᑦᓯᓐᓃᖏᑎᓪᓗᖓ, ᐱᐅᓕᔭᐅᓂᒃᓴᓯ ᑍᒪᓐᓇ ᐱᓇᓱᐊᖅᓯᐅᒃ ᐃᓕᕋᓱᒡᓗᓯ ᓴᔪᒃᓗᓯᓗ; 13ᒎᑎ ᐱᓇᓱᐊᕐᖕᒪᑦ ᐃᓕᑦᓯᓐᓂ, ᐱᔪᒪᓂᖃᖁᓪᓗᓯ ᐱᓇᓱᐊᖁᓪᓗᓯᓗ ᑖᑦᓱᒪ ᓇᖕᒥᓂᖅ ᐊᑲᐅᒋᔭᖓᓂᒃ.
14ᑕᒤᓐᓂᒃ ᐱᓇᓱᐊᕆᑦᓯ ᐅᖃᐅᓯᕐᓗᒐᓯ ᐂᕙᓇᓯᓗ, 15#ᒨᓯᓯ ᑕᓪᓕᒪᖏᑦ 32:5.ᐸᓯᔭᒃᓴᐅᖁᓇᓯ ᓴᓗᒪᑦᓯᐊᖁᓪᓗᓯᓗ, ᒎᑎᐅᑉ ᕿᑐᕐᖓᖏᑎᑐᑦ ᑕᕝᕙᓂ ᓯᓚᕐᔪᐊᕐᖕᒥ ᐃᓅᑎᓪᓗᓯ ᑭᒡᓗᕐᖕᒨᖅᑐᓂ ᐊᔪᖅᑐᓕᔪᓂᓗ, ᑖᒃᑯᐊ ᐊᑯᕐᖓᓐᓂ ᖃᐅᒪᓂᐅᔪᒃᓴᐅᒐᑦᓯ ᓄᓇᒥ ᓇᓂᕈᐊᑎᑐᑦ, 16ᐊᑕᕕᒋᑦᓯᐊᕐᓗᒍ ᐅᖃᐅᓯᖅ ᐃᓅᑦᔪᑕᐅᔪᖅ, ᑕᕝᕙ ᙭ᔅᑑᓯᐅᑉ ᐅᓪᓗᒃᓴᖓᓂ ᖁᕕᐊᓱᒍᑎᒃᓴᖃᕋᔭᖅᐳᖓ ᐅᓪᓚᐅᑎᔪᓂ ᓵᓚᐅᔪᑎᑐᑦ ᑍᒤᑦᑑᖏᓐᓂᓐᓄᑦ ᐅᕝᕙᓗ ᐊᒃᓱᕈᕐᓗᖓ ᐱᓇᓱᐊᓚᐅᕐᖕᓂᕐᖕᒪ ᑕᒪᐅᖕᒊᓐᓈᖅᓯᒪᖏᓐᓂᖓᓄᑦ.
17ᐊᐅᒐᓕ ᑯᕕᓂᐊᖅᐸᓪᓘᓐᓃᑦ ᑐᓂᕐᕈᓯᕐᕕᖕᒥ ᑐᓂᕐᕈᑕᐅᔪᑎᑐᑦ ᐅᒃᐱᕐᖕᓂᑦᓯᓐᓄᑦ, ᖁᕕᐊᓱᒃᑲᔭᖅᐳᖓ ᐃᓘᓐᓇᓯᓗ ᖁᕕᐊᓱᖃᑎᒋᓗᓯ. 18ᐃᓕᑦᓯᑦᑕᐅᖅ ᖁᕕᐊᓲᑎᒋᔭᒃᓴᕆᕙᓯ ᖁᕕᐊᓱᖃᑎᒋᔭᒃᓴᕆᕙᑦᓯᓐᖓᓗ.
ᑎᒧᑎᓗ ᐃᐸᐳᕈᑍᑕᓯᓗ
19ᐊᑕᓂᖅ ᔩᓱᓯ ᐱᖁᔨᒃᐸᑦ ᑎᒧᑎ ᒫᓐᓇᐸᓗᒃᑯᑦ ᐃᓕᑦᓯᓐᓄᑦ ᑎᓕᔪᒪᒐᓗᐊᖅᐸᕋ, ᐃᓕᑦᓯᓐᓂᒃ ᑐᓴᕈᒪ ᐱᕙᓪᓕᖅᑎᑕᐅᖁᓪᓗᖓ. 20ᑖᓐᓇ ᐃᓱᒪᖃᑎᑐᐊᕆᒐᒃᑯ, ᐃᑲᔪᖅᑕᐅᔭᕆᐊᖃᕐᖕᓂᑦᓯᓐᓂᒃ ᐃᒃᐱᒍᓱᓪᓚᕆᖕᒪᑦ ᐅᕙᑦᑐᑦ. 21ᐊᓯᖏᓪᓕ ᓇᖕᒥᓂᖅ ᐱᔭᕆᐊᖃᖅᑕᒥᖕᓂᒃ ᑭᓯᐊᓂ ᐃᓱᒪᖃᕐᖕᒪᑕ, ᔩᓱᓯ ᙭ᔅᑑᓯᐅᑉ ᐱᖏᑦ ᐃᓱᒪᒋᓇᒋᑦ. 22ᐃᓕᑦᓯᑦᑕᐅᖅ ᓇᖕᒥᓂᖅ ᖃᐅᔨᒪᒐᑦᓯᐅᒃ ᑎᒧᑎ ᓇᖕᒥᓂᖅ ᓴᖅᑭᑎᑦᓯᓯᒪᖕᒪᑦ ᐊᑐᖅᑕᐅᔪᓐᓇᕐᖕᓂᕐᖕᒥᓂᒃ, ᑎᒧᑎᓗ ᐅᕙᒍᒃ, ᓲᕐᓗ ᐃᕐᖕᓂᕆᓪᓗᒍ ᐊᑖᑕᒋᔭᐅᔮᕐᓗᖓᓗ ᑖᑦᓱᒧᖓ ᐱᓇᓱᐊᖃᑎᒌᒃᓯᒪᒐᓐᓄᒃ ᐅᖃᐅᓰᑦ ᑐᓴᕈᒥᓇᖅᑐᑦ ᐱᓪᓗᒋᑦ. 23ᑍᒤᒻᒪᑦ ᐃᓱᒪᖃᖅᐳᖓ ᑖᓐᓇ ᑎᓕᔪᒪᓪᓗᒍ ᑐᑭᓯᑦᓯᐊᑐᐊᕈᒪ ᖃᓄᐃᓕᖓᓂᐊᕐᖕᒪᖔᕐᖕᒪ; 24ᖁᓚᓐᖏᓚᖓᓕ ᐊᑕᓂᕐᖕᒥ ᐅᕙᖓᑦᑕᐅᖅ ᐃᓕᑦᓯᓐᓄᐊᕈᓐᓇᕐᖕᓂᐊᕋᒪ ᒫᓐᓇᐸᓗᒃᑯᑦ.
25ᐃᓱᒪᖃᖅᓯᒪᒋᕗᖓᓕ ᑎᓕᔭᕆᐊᖃᕋᓱᒋᓪᓗᒍ ᐅᒃᐱᖅᑑᖃᑎᕗᑦ ᐃᐸᐳᕈᑍᑕᓯ ᐱᓇᓱᐊᖃᑎᒐ ᐅᓇᑕᖅᑎᐅᖃᑎᒐᓗ, ᑖᓐᓇ ᐱᓇᓱᐊᖅᓯᒪᖕᒪᑦ ᑎᓕᔭᐅᓯᒪᓪᓗᓂ ᐃᓕᑦᓯᓐᓂᑦ ᐃᑲᔪᖅᑕᐅᖁᓪᓗᖓ. 26ᐃᓘᓐᓇᑦᓯᓐᓂᒃ ᑕᑯᔪᒪᓕᖅᓯᒪᖕᒪᑦ, ᖁᕕᐊᓱᖏᑦᔪᑎᖃᓚᐅᖅᐳᕐᓗ ᐃᓕᑦᓯᓐᓂᒃ ᑐᓴᐅᒪᓕᕐᖕᓂᑦᓯᓐᓂᒃ ᑐᓴᕋᒥ ᖃᓂᒪᓚᐅᕐᖕᓂᖓᓂᒃ. 27ᐃᓛᒃ ᖃᓂᒪᒻᒪᕆᓚᐅᕐᖕᒪᑦ, ᑐᖁᑲᓴᒃᓗᓂ ᐊᒡᓛᑦ. ᒎᑎᐅᓪᓕ ᓂᑲᒋᓚᐅᖅᐹ, ᑖᓐᓇᑑᖏᑦᑐᕐᓕ ᐅᕙᖓᑦᑕᐅᖅ ᓂᑲᒋᓚᐅᕐᖕᒪᖓ, ᕿᒃᓵᖕᓇᖅᑐᒦᓐᓂᕋ ᐃᓚᔭᐅᒋᐊᓪᓚᖁᓇᒍ ᕿᒃᓵᖕᓇᖅᑐᒧᑦ. 28ᑲᑦᓱᖕᒊᕆᐊᓪᓚᒃᐳᖓᓕ ᑎᓕᔪᒪᓪᓗᒍ ᐃᓕᑦᓯᓐᓄᑦ, ᖁᕕᐊᓱᖁᓪᓗᓯ ᑕᑯᓕᕐᖕᒥᒍᑦᓯᐅᒃ, ᐃᓱᒪᔮᕐᖕᓂᕋᓗ ᐃᑯᓪᓚᐅᒥᖁᓪᓗᒍ. 29ᑍᒤᒻᒪᑦ ᐃᓚᓕᐅᖅᓯᐅᒃ ᖁᕕᐊᓱᒻᒪᕆᒡᓗᓯ ᐊᑕᓂᕐᖕᒥ; ᑍᒤᑦᑐᓪᓗ ᑖᑦᓱᑐᓇᖅ ᐅᐱᒋᑦᓯᐊᖅᓯᒋᒃ, 30ᐃᓛᒃ ᐃᓅᓯᕐᖕᒥᓂᒃ ᐊᓐᓂᕈᓱᓚᐅᖏᒻᒪᑦ ᐊᒡᓛᑦ ᑐᖁᑲᓴᓚᐅᖅᐳᖅ; ᙭ᔅᑑᓯᐅᑉ ᐱᓂᐊᖁᔭᖏᑦ ᐱᑦᔪᑎᒋᓪᓗᒋᑦ, ᐃᓕᑦᓯᓐᓂᒃ ᐃᓇᖐᓗᓂ ᐅᕙᓐᓂᒃ ᐃᑲᔪᕈᒪᓪᓗᓂ.
Currently Selected:
ᐱᓕᐱᒥᐅᓄᑦ 2: EAIB
Highlight
Share
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.