ᔫᓇᐅᑉ ᐊᒡᓚᖏᑦ 1
1
ᔫᓇᐅᑉ ᓈᓚᖏᓐᓂᖓ ᐊᑕᓂᕐᖕᒥᒃ
1 #
ᐊᑕᓃᑦ ᐂᑉᐸᖏᑦ 14:25. ᐅᓪᓗᐃᑦ ᐃᓚᖓᓐᓂ ᐊᑕᓂᖅ ᔫᓇᒧᑦ ᐅᖃᖅᐳᖅ, ᐊᒥᑍᑉ ᐃᕐᖕᓂᖓᓄᑦ ᐅᖃᖅᓗᓂ: 2“ᓂᓂᕕᒧᐊᓕᕆᑦ, ᐃᒡᓗᒐᓴᒡᔪᐊᓄᑦ ᐊᖏᔪᐊᓗᖕᓄᑦ; ᓂᐱᖅᑯᖅᑐᓗᑎᓪᓗ ᐅᖃᕐᕕᒋᒃᑭᑦ ᐱᐅᖏᑦᑐᓕᓂᖏᑦ ᒪᔪᐊᕐᖕᒪᑕ ᓵᓐᓄᑦ.” 3ᓂᑯᕕᑉᐳᕐᓗ ᔫᓇ ᑖᕐᓯᓯᒧᑦ ᕿᒫᔪᒪᓪᓗᓂ ᐊᑕᓂᕐᖕᒥᑦ; ᐊᑎᖅᓗᓂᓗ ᔮᐸᒧᑦ ᐅᒥᐊᕐᔪᐊᖅᓯᐅᖅᐳᖅ ᑖᕐᓯᓯᓕᐊᖅᑐᒥᒃ, ᐊᑭᓖᕗᕐᓗ ᐃᖏᕐᕋᑦᔪᑎᒋᓂᐊᖅᑕᒥᓂᒃ, ᐃᑭᕗᕐᓗ ᐅᒥᐊᕐᔪᐊᒧᑦ ᐃᖏᕐᕋᖃᑎᒋᔪᒪᓪᓗᒋᑦ ᑖᕐᓯᓯᒧᑦ, ᕿᒫᔪᒪᓪᓗᓂ ᐊᑕᓂᐅᑉ ᓵᖓᓂᑦ. 4ᐊᑕᓂᐅᓪᓕ ᐃᒪᕐᕕᒃ ᑎᓕᒃᓕᕐᕕᒋᕚ ᐊᓄᕆᕐᔪᐊᒥᒃ, ᐊᖅᑯᓇᖅᑐᐊᓘᓚᐅᖅᐳᕐᓗ ᐅᒥᐊᕐᔪᐊᖅ ᓱᕋᑐᐃᓐᓇᕆᐊᖃᖅᓗᓂ ᐊᒡᓛᑦ. 5ᐅᒥᐊᕐᔪᐊᒥᐅᓪᓗ ᓇᖏᐊᖅᓗᑎᒃ ᑐᒃᓯᐊᓚᐅᖅᐳᑦ ᐊᑐᓂᑦ ᒎᑎᒋᔭᒥᖕᓄᑦ, ᐅᒥᐊᕐᔪᐊᓪᓗ ᐅᓯᔭᖏᑦ ᐃᒋᐅᖅᑲᖅᐰᑦ ᐃᒫᓄᑦ ᐅᕿᓐᓂᖅᓴᐅᑎᑕᐅᖁᓪᓗᒍ, ᔫᓇᓕ ᐃᑎᖅᓯᒪᓪᓗᓂ ᐅᒥᐊᕐᔪᐊᑉ ᐃᓗᐊᓄᑦ ᐅᓯᕕᖓᓂ ᐃᓐᓇᖓᓪᓗᓂ ᓯᓐᓇᕆᒃᐳᖅ.
6ᑕᕝᕙ ᐅᒥᐊᕐᔪᐊᑉ ᐊᖓᔪᖅᑳᖓᑕ ᐅᐸᒃᐹ ᐅᖃᐅᑎᓪᓗᒍᓗ: “ᖃᓄᐃᒻᒪᑦ ᓯᓐᓇᕆᒃᐲᑦ? ᒪᑭᓪᓗᑎᑦ ᒎᑏᑦ ᑐᒃᓯᐊᕐᕕᒋᓚᐅᕈᒃ, ᐃᒻᒪᖄ ᒎᑎᐅᑉ ᓇᒡᓕᒋᓕᕈᓂᑎᒍᑦ ᐱᐅᓕᒐᔭᖅᐹᑎᒍᑦ ᐊᓯᐅᖁᓇᑕ.”
7ᐅᒥᐊᖅᑐᖅᑏᓪᓗ ᐃᒻᒥᖕᓄᑦ ᐅᖃᖃᑎᒌᓕᖅᐳᑦ ᐅᖃᖅᓗᑎᒡᓗ: “ᐊᑏ ᓇᓚᐅᑦᑖᓚᐅᖅᑕ ᑭᓇ ᐱᑦᔪᑎᒋᓪᓗᒍ ᐊᑲᐅᖏᑦᑐᒥᒃ ᑕᒪᑐᒥᖓ ᐱᑎᑕᐅᖕᒪᖔᑦᑕ ᖃᐅᔨᖁᓪᓗᑕ.” ᓇᓚᐅᑦᑖᓕᖅᐳᑦ ᑕᕝᕙ, ᓇᓚᐅᑦᑖᕈᑎᐅᓪᓗ ᔫᓇᐅᑉ ᐊᑎᖓ ᓇᓚᐅᑉᐹ. 8ᑕᕝᕙ ᑖᒃᑯᐊ ᐅᖃᐅᑎᕚᑦ: “ᐅᖃᐅᑎᓚᐅᖅᑎᒍᑦ ᑭᓇ ᐱᑦᔪᑎᒋᓪᓗᒍ ᐊᑲᐅᖏᓐᓂᕐᖕᒥᒃ ᑕᒪᑐᒥᖓ ᐱᑎᑕᐅᖕᒪᖔᑦᑕ, ᓱᓇᓕᕆᔨᐅᕖᑦ? ᓇᑭᓐᖔᖅᓯᒪᕕᓪᓗ? ᓇᓂᓗ ᓄᓇᖃᖅᐲᑦ? ᐃᓅᖃᑎᑎᓪᓗ ᑭᓱᒥᐅᑕᐅᕚᑦ?”
9ᐅᖃᐅᑎᕔᓪᓗ: “ᐄᑉᕈᐃᖑᕗᖓ, ᓯᕘᕋᒋᕙᕋ ᐊᑕᓂᖅ ᕿᓚᐅᑉ ᒎᑎᖓ ᐃᒪᕐᖕᒥᒃ ᓄᓇᒥᒡᓗ ᐱᓐᖑᑎᑦᓯᓯᒪᔪᖅ.”
10ᐊᖑᑎᓪᓗ ᑖᒃᑯᐊ ᑲᑉᐱᐊᓱᒃᑐᐊᓘᓪᓗᑎᒃ ᐅᖃᐅᑎᕚᑦ: “ᓱᓇᐅᕙ ᑕᒪᓐᓇ ᐱᓇᓱᐊᖅᑍᑦ?” ᖃᐅᔨᓚᐅᕐᖕᒪᑕ ᔫᓇᐅᑉ ᕿᒫᓇᓱᐊᕐᖕᓂᖓᓂᒃ ᐊᑕᓂᕐᖕᒥᑦ ᐅᖃᐅᑎᓚᐅᕐᖕᒪᒋᑦ. 11ᑖᒃᑯᐊᓗ ᔫᓇ ᐊᐱᕆᕚᑦ, “ᓱᓇᒥᒃ ᐅᕙᑦᑎᓐᓅᑦ ᐱᓂᐊᕐᕕᐅᔪᒃᓴᐅᕖᑦ ᐃᒪᖅ ᐅᖅᓱᐊᓕᖁᓪᓗᒍ?” ᒪᓪᓕᓕᖅᐸᓪᓕᐊᑐᐃᓐᓇᓚᐅᕐᖕᒪᑦ.
12ᔫᓇᐅᓪᓗ ᐅᖃᐅᑎᕔᑦ: “ᑎᒍᓯᓐᖓ ᐃᒋᓪᓗᖓᓗ ᐃᒫᓄᑦ ᐃᒪᖅ ᐅᖅᓱᐊᓕᖁᓪᓗᒍ ᐃᓕᑦᓯᓐᓄᑦ; ᖃᐅᔨᒪᒐᒪ ᐅᕙᖓ ᐱᑦᔪᑎᒋᓪᓗᖓ ᐊᖅᑯᓇᖅᓯᐅᖅᑐᐊᓘᑎᑕᐅᒐᑦᓯ.”
13ᐊᖑᑎᓪᓗ ᑖᒃᑯᐊ ᐊᒃᓱᕈᖅᓗᑎᒃ ᐃᐳᓐᓇᓱᐊᖅᐳᑦ ᓄᓈᕋᓱᐊᕈᒪᓪᓗᑎᒃ, ᓴᐱᓕᖅᐳᓪᓕ ᒪᓪᓕᓕᖅᐸᓪᓕᐊᓂᖓ ᐱᑦᔪᑎᒋᓪᓗᒍ, ᐊᒡᒍᕋᕋᒥᒃ. 14ᑐᒃᓯᐊᕐᕕᒋᕚᓪᓗ ᐊᑕᓂᖅ ᐅᖃᖅᓗᑎᒃ: “ᐊᑕᓃᖅ ᐊᓯᐅᓐᖏᑲᓚᐅᖅᑕᑐᖅ ᐃᓅᑉ ᐆᒪ ᐃᓅᓯᖓ ᐱᑦᔪᑎᒋᓪᓗᒍ; ᐊᐅᒡᓗ ᐸᓯᔭᒃᓴᐅᖏᑦᑐᖅ ᐃᓕᓂᐊᕐᖕᓇᒍ ᐅᕙᑦᑎᓐᓄᑦ, ᐃᕝᕕᑦ ᐊᑕᓃᖅ ᖁᕕᐊᒋᔭᕐᖕᓂᒃ ᐱᓂᐊᕋᕕᑦ.” 15ᑐᒃᓯᐊᕇᕋᒥᒡᓗ, ᔫᓇ ᑎᒍᓪᓗᓂᑦᔪᒃ ᐃᒋᑉᐹᑦ ᐃᒫᓄᑦ, ᐃᒪᖅ ᑕᕝᕙ ᐃᒃᑑᓕᔮᕈᓐᓃᖅᐳᖅ. 16ᐊᖑᑎᓪᓗ ᑖᒃᑯᐊ ᐊᑕᓂᕐᖕᒥᒃ ᓯᕘᕋᒻᒪᕆᓕᖅᐳᑦ, ᑐᓂᕐᕈᓯᕐᕕᒋᓪᓗᒍᓗ; ᐊᑕᓂᖅ ᐊᖏᒻᒪᕆᒃᕕᒋᕚᑦ.
17 #
ᒫᑎᐅᓯ 12:40. ᐊᑕᓂᐅᓪᓗ ᐱᖁᔨᓂᖓᒍᑦ ᐃᒪᕐᖕᒥᐅᑕᕐᔪᐊᖅ ᔫᓇᒥᒃ ᐄᓯᖁᕚ, ᔫᓇᓗ ᐃᒪᕐᖕᒥᐅᑕᐅᑉ ᐊᕿᐊᕈᐊᓃᓚᐅᖅᐳᖅ ᐅᓪᓗᑦ ᐱᖓᓱᑦ ᐅᓐᓄᐊᓪᓗ ᐱᖓᓱᑦ ᓈᓪᓗᒋᑦ.
Currently Selected:
ᔫᓇᐅᑉ ᐊᒡᓚᖏᑦ 1: EAIB
Highlight
Share
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.