ᔪᐊᓇᓯᐅᑉ ᐊᒡᓚᖏᑦ 13
13
ᔩᓱᓯᐅᑉ ᐃᓕᓐᓂᐊᖅᑎᒥ ᐃᑎᒐᖏᓐᓂᒃ ᐅᐊᓴᕐᖕᓂᖓ
1ᖄᖏᖅᑕᐅᕕᖕᒥᒃ ᓇᓪᓕᐅᓐᓂᖅᓯᐅᕐᕕᒃᓴᐅᑉ ᓯᕗᓂᖓᓂ, ᔩᓱᓯ ᖃᐅᔨᒪᒐᒥ ᐊᑖᑕᒥᓄᑦ ᐊᐅᓪᓚᕐᕕᒃᓴᖓ ᓯᓚᕐᔪᐊᕐᖕᒥᑦ ᓇᓪᓕᐅᑎᓕᕐᖕᒪᑦ, ᓇᖕᒥᓂᖅ ᐃᓄᖁᑎᓂ ᓇᒡᓕᒋᒐᒥᒋᑦ ᓯᓚᕐᔪᐊᕐᖕᒦᑦᑐᑦ, ᐃᓱᓕᑦᑎᕕᒋᔭᓂ ᑎᑭᓪᓗᒍ ᓇᓪᓕᒌᓐᓇᓚᐅᖅᐰᑦ.
2ᐅᓐᓄᒍᒻᒥᑕᖃᑎᒌᒃᑎᓪᓗᒋᑦ, ᓵᑖᓇᓯ ᐃᓱᒪᑖᖅᑎᑦᓯᓯᒪᓕᕇᕐᖕᒪᑦ ᔫᑕᓯ ᐃᔅᑲᕆᐊᑎᒥᒃ, ᓮᒨᓂᐅᑉ ᐃᕐᖕᓂᖓᓂᒃ, ᔩᓱᓯᒥᒃ ᐱᔭᐅᒃᑬᖁᓪᓗᒍ, 3ᔩᓱᓯ, ᖃᐅᔨᒪᒐᒥ ᐊᑖᑕᐅᑉ ᓱᓇᓕᒫᓂᒃ ᑐᓂᓯᕕᒋᖕᒪᒍ, ᒎᑎᒥᓪᓗ ᐱᓚᐅᕋᒥ ᒎᑎᒧᓪᓗ ᐂᓂᐊᕋᒥ. 4ᓂᕆᕕᖕᒥᑦ ᓂᑯᕕᓐᓇᒥ, ᐊᓐᓄᕌᓂ ᓯᓚᓪᓖᑦ ᐲᕐᓗᒋᑦ, ᐊᓪᓚᕈᑎᒥᒃ ᕿᑎᕐᖕᒥᓄᑦ ᕿᓚᒃᓯᓪᓗᓂ. 5ᐅᐊᓴᕐᕕᖕᒧᑦ ᐃᒥᕐᖕᒥᒃ ᑯᕕᓯᓪᓗᓂ, ᐃᓕᓐᓂᐊᖅᑎᑦ ᐃᑎᒐᖏᓐᓂᒃ ᐅᐊᓴᓕᖅᐳᖅ, ᐊᓪᓚᕈᑎᒧᑦ ᕿᑎᕐᖕᒥᐅᑕᕆᔭᒥᓄᑦ ᐊᓪᓚᖅᑎᕐᓗᒋᑦ. 6ᑕᕝᕙ ᓮᒨᓂ ᐲᑦᑐᕉᓯᒧᑦ ᑎᑭᐅᑎᖕᒪᑦ; ᐲᑦᑐᕉᓯᐅᑉ ᐅᖃᐅᑎᕚ: “ᐊᑕᓃᖅ ᐃᑎᒐᒃᑲ ᐅᐊᓴᕐᖕᓂᐊᖅᐱᒌᑦ?” 7ᔩᓱᓯᐅᑉ ᑭᐅᕚ, “ᒫᓐᓇ ᑐᑭᓯᖏᒃᑲᓗᐊᖅᐳᑎᑦ ᓱᖕᒪᑦ ᑍᒤᓕᐅᕐᖕᒪᖔᕐᖕᒪ, ᑭᖑᕐᖓᒍᓪᓕ ᑐᑭᓯᔪᒫᖅᐳᑎᑦ.”
8ᐲᑦᑐᕉᓯᐅᑉ ᐅᖃᐅᑎᕚ, “ᐃᑎᒐᓐᓂᒃ ᐅᐊᓴᓚᐅᖅᓯᒪᓂᐊᓐᖏᓚᑎᑦ.”
ᔩᓱᓯᐅᑉ ᑭᐅᕚ, “ᐃᑎᒐᑎᑦ ᐅᐊᓴᕐᖕᓂᐊᓐᖏᒍᒃᑭᑦ, ᐃᓚᒋᔪᓐᓃᕐᖕᓂᐊᖅᐸᕐᖕᒪ.”
9ᑕᕝᕙ ᓮᒨᓂ ᐲᑦᑐᕉᓯᐅᑉ ᐅᖃᐅᑎᕚ, “ᐊᑕᓃᖅ, ᐃᑎᒐᒃᑲᓕ ᑖᒃᑯᑑᖏᑦᑐᑦ ᐊᒡᒐᒃᑲᓕ ᓂᐊᖁᕋᓗ ᐅᐊᓴᖃᓯᐅᑎᓕᒃᑭᑦ!”
10ᔩᓱᓯᐅᑉ ᐅᖃᐅᑎᕚ, “ᓇᓪᓕᐊᑦ ᑎᒥᒥᓂᒃ ᐃᓘᓐᓈᓐᓂᒃ ᐅᐊᓴᖅᓯᒪᔪᖅ ᓴᓗᒪᓕᕋᒥ ᐅᐊᓴᒃᑲᓐᓂᕆᐊᖃᓐᖏᓚᖅ, ᐃᑎᒐᖏᑐᐊᖅ ᐅᐊᓴᕆᐊᓕᑑᕗᑦ, ᑕᒪᑦᓯ ᓴᓗᒪᕗᓯ ᐊᑕᐅᓯᕐᓕ ᐃᓚᒋᔭᓯ ᓴᓗᒻᒪᖅᓴᕆᐊᖃᖅᑐᑐᕗ.” 11ᔩᓱᓯ ᖃᐅᔨᒪᓚᐅᕐᖕᒪᑦ ᓇᓪᓕᐊᑦᑕ ᐱᔭᐅᑎᓐᓂᐊᕐᖕᒪᖔᒍ; ᑍᒤᒻᒪᑦ ᐅᖃᖅᐳᖅ, “ᐃᓚᓯᓕ ᓴᓗᒪᖅᓴᕆᐊᖃᖅᑐᑑᕗᖅ.”
12 #
ᓘᑲᓯ 22:27. ᐃᑎᒐᖏᑦ ᐅᐊᓴᕇᕋᒥᒋᑦ, ᐊᓐᓄᕌᓂ ᓯᓚᓪᓖᑦ ᐊᑎᒋᕔᑦ, ᐅᑎᕐᓗᓂ ᐃᓂᒋᔭᒥᓄᑦ, ᐅᖃᐅᑎᓪᓗᒋᑦ, “ᑐᑭᓯᕕᓰ ᖃᓄᐃᓕᐅᕐᖕᒪᖔᕐᖕᒪ ᐃᓕᑦᓯᓐᓄᑦ? 13ᐊᔪᕆᖅᑐᐃᔨᒥᒃ ᐊᑕᓂᕐᖕᒥᒡᓗ ᑍᕙᑦᓯᓐᖓ; ᓇᓛᒍᑦ ᐅᖃᖅᐳᓯ, ᑖᓐᓇᐅᒐᒪ. 14ᐅᕙᖓ ᑕᕝᕙ ᐊᑕᓂᓯ ᐊᔪᕆᖅᑐᐃᔨᓯᓗ, ᐃᑎᒐᑦᓯᓐᓂᒃ ᐅᐊᓴᖅᐳᖓ, ᐃᓕᑦᓯᑦᑕᐅᖅ ᐃᑎᒐᑦᓯᓐᓂᒃ ᐅᐊᓴᖃᑦᑕᐅᑎᔪᒃᓴᐅᒋᕗᓯ. 15ᒪᓕᒐᒃᓴᑦᓯᓐᓂᒃ ᐱᓇᓱᐊᕐᕕᒋᕙᑦᓯ, ᑍᒤᓕᐅᖁᓪᓗᓯ ᓲᕐᓗ ᐱᓇᓱᐊᕐᕕᒋᒐᑦᓯ. 16#ᒫᑎᐅᓯ 10:24; ᓘᑲᓯ 6:40; ᔪᐊᓇᓯ 15:20.ᓱᓕᔪᒥᒃ ᐅᖃᐅᑎᕙᑦᓯ, ᐱᔨ ᐊᖏᓂᖅᓴᐅᓐᖏᓚᖅ ᐊᖓᔪᖅᑳᒥᓂᑦ; ᑎᓕᔭᐅᓯᒪᔪᕐᓗ ᐊᖏᓂᖅᓴᐅᖏᓐᓂᕗᖅ ᑎᓕᔨᒥᓂᑦ. 17ᑕᒪᓐᓇ ᖃᐅᔨᒐᑦᓯᐅᒃ, ᓮᒪᓇᖅᑐᒦᓕᕋᔭᖅᐳᓯ ᐊᑐᓕᕈᑦᓯᐅᒃ.
18 #
ᐃᓐᖏᕈᑦ 41:9. “ᑕᒪᑐᒥᖓ ᐅᖃᐅᑎᔧᓐᓇᕆᓐᖏᓚᑦᓯ; ᖃᐅᔨᒪᒐᒃᑭᑦ ᓂᕈᐊᖅᓯᒪᔭᒃᑲ; ᐊᒡᓔᓪᓕ ᓇᓚᐅᑦᓯᔭᕆᐊᖃᕐᖕᒪᑕ ᐅᖃᖅᑐᑦ: ‘ᓂᕆᖃᑎᒋᔭᒪ ᐊᑭᕋᖅᑐᓕᖅᐹᖓ.’ 19ᒫᓐᓇ ᑕᒪᑐᒥᖓ ᐅᖃᐅᑎᕙᑦᓯ, ᓱᓕ ᐱᔪᖃᓚᐅᖅᑎᓐᓇᒍ, ᑕᒪᓐᓇ ᐊᑐᓕᖅᐸᑦ ᐅᕙᓐᓄᑦ ᐅᒃᐱᓕᖁᓪᓗᓯ, ‘ᐅᕙᖓ ᑖᓐᓇᐅᒐᒪ.’ 20#ᒫᑎᐅᓯ 10:40; ᒫᑯᓯ 9:37; ᓘᑲᓯ 9:48; 10:16.ᓱᓕᔪᒥᒃ ᐅᖃᐅᑎᕙᑦᓯ, ᑎᓕᔭᓐᓂᒃ ᐃᓚᓕᐅᖅᓯᔪᖅ ᑖᓐᓇ ᐅᕙᓐᓂᒃ ᐃᓚᓕᐅᖅᓯᒋᕗᖅ; ᐅᕙᓐᓂᒡᓕ ᐃᓚᓕᐅᖅᓯᔪᖅ ᑎᓕᔨᓐᓂᒃ ᐃᓚᓕᐅᖅᓯᒋᕗᖅ.”
ᔩᓱᓯᐅᑉ ᓇᓗᓁᖅᓯᓂᖓ ᐱᔭᐅᒃᑲᖅᑕᐅᓂᐊᕐᖕᓂᕐᖕᒥᓂᒃ
ᒫᑎᐅᓯ 26:20-25; ᒫᑯᓯ 14:17-21; ᓘᑲᓯ 22:21-23
21ᔩᓱᓯᓕ ᑕᒪᒃᑯᓂᖓ ᐅᖃᕇᕋᒥ, ᐊᓂᕐᖕᓂᒃᑯᑦ ᕿᒃᓵᖕᓂᕐᖕᒧᑦ ᐊᖏᔪᒧᑦ ᑎᑭᑕᐅᕗᖅ, ᓇᓗᓁᖅᓯᓕᖅᐳᖅ, “ᓱᓕᔪᒥᒃ ᐅᖃᐅᑎᕙᑦᓯ, ᐃᓚᑦᓯ ᐃᓚᖓᑦᑕ ᐱᔭᐅᑎᓐᓂᐊᖅᐹᖓ.”
22ᐃᓕᓐᓂᐊᖅᑏᑦ ᐃᒻᒥᖕᓄᑦ ᑕᑯᓴᖃᑦᑕᐅᑎᕗᑦ, ᓇᓗᓪᓗᑎᒃ ᓇᓪᓕᐊᓐᓂᒃ ᐅᖃᐅᓯᖃᕐᖕᒪᖔᑦ. 23ᐃᓕᓐᓂᐊᖅᑎᖏᑕᓕ ᐃᓚᖓᑦ, ᔩᓱᓯᐅᑉ ᓇᒡᓕᒋᔭᖓ,#13:23 ᐃᒃᓯᕙᕗᖅ ᑖᓐᓇ ᑐᑭᖃᕐᖕᒥᔪᖅ ᐊᐅᕐᔪᖓᔪᒥᒃ ᐃᒃᓯᕙᐅᑕᐅᖏᑦᑐᒥ ᐹᒻᒪᖓᔮᖅᑐᖅ ᐃᒃᓯᕙᕗᖅ ᔩᓱᓯᐅᑉ ᑭᒡᓕᖓᓂ; 24ᓮᒨᓂ ᐲᑦᑐᕉᓯᐅᑉ ᐃᔨᒻᒥᓄᑦ ᓇᓗᓁᖅᓯᕕᒋᓪᓗᓂᐅᒃ ᐅᖃᐅᑎᕚ, “ᐊᐱᕆᓚᐅᕈᒃ ᓇᓪᓕᐊᓐᓂᒃ ᐅᖃᐅᓯᖃᕐᖕᒪᖔᑦ.”
25ᑖᑦᓱᒪ ᐃᓕᓐᓂᐊᖅᑎᐅᑉ ᔩᓱᓯ ᐄᒐᕐᕕᒋᓪᓗᓂᐅᒃ ᐅᖃᐅᑎᕚ, “ᐊᑕᓃᖅ ᑭᓇᐅᕙ?”
26ᔩᓱᓯᐅᑉ ᑭᐅᕚ, “ᓂᐊᖂᔭᒥᒃ ᒥᓱᒃᓯᓗᖓ ᑐᓂᓯᕕᒋᔭᕋ ᑖᓐᓇᐅᓂᐊᖅᐳᖅ.” ᑕᕝᕙ ᔩᓱᓯ ᓂᐊᖂᔭᒥᒃ ᐊᕕᒃᓯᓪᓗᓂ ᒥᓱᒃᐹ, ᑐᓂᓪᓗᒍ ᔫᑕᓯᒧᑦ, ᓮᒨᓂᐅᑉ ᐃᔅᑲᕆᐊᑎᐅᑉ ᐃᕐᖕᓂᖓᓄᑦ. 27ᔫᑕᓯᐅᑉ ᓂᐊᖂᔭᖅ ᑎᒍᖕᒪᒍ, ᓵᑖᓇᓯᐅᑉ ᐃᑎᕐᕕᒋᕚ. ᔩᓱᓯᐅᑉ ᐅᖃᐅᑎᕚ, “ᑐᐊᕕᕐᓗᑎᑦ ᐱᔭᕆᐊᖃᖅᑍᑦ, ᐱᓇᓱᐊᓕᕈᒃ.”
28ᓂᕆᕕᖕᒦᖃᑎᒋᔭᖏᓪᓕ ᑐᑭᓯᔪᖃᓐᖏᓚᑦ ᓱᖕᒪᑦ ᔩᓱᓯᐅᑉ ᑍᒫᒃ ᐅᖃᐅᑎᖕᒪᖔᒍ. 29ᔫᑕᓯ ᑲᒪᔨᒋᔭᐅᖕᒪᑦ ᑮᓇᐅᔭᖃᐅᑎᖓᓐᓂᒃ ᐃᒃᐱᐊᕐᔪᖕᒥᒃ; ᐃᓕᓐᓂᐊᖅᑏᑦ ᐃᓚᖏᑦ ᐃᓱᒪᕗᑦ ᔩᓱᓯ ᓂᐅᕕᕆᐊᖁᔨᓇᓱᒋᓪᓗᒍ ᐊᑐᕆᐊᖃᖅᑕᖏᓐᓂᒃ ᓇᓪᓕᐅᓐᓂᖅᓯᐅᓕᕈᑎᒃ; ᐅᕝᕙᓘᓐᓃᑦ ᑐᓂᓯᔭᖅᑐᖁᔭᐅᓇᓱᒋᕚᑦ ᐊᔪᖅᓴᖅᑐᓄᑦ.
30ᔫᑕᓯᐅᑉ ᓂᐊᖂᔭᖅ ᐄᒐᒥᐅᒃ ᑕᕝᕔᓐᓇᖅ ᐊᓂᕗᖅ; ᐅᓐᓄᐊᖑᕗᕐᓗ.
ᐱᖁᔭᖅ ᓄᑖᖅ
31ᔫᑕᓯ ᐊᓂᖕᒪᑦ, ᔩᓱᓯ ᐅᖃᖅᐳᖅ, “ᒫᓐᓇ ᐃᓅᑉ ᐃᕐᖕᓂᖓ ᓂᖅᑐᕐᖕᓇᖅᑎᑕᐅᕗᖅ, ᒎᑎ ᑖᑦᓱᒨᓇ ᓂᖅᑐᕐᖕᓇᖅᑎᑕᐅᒋᕗᖅ; 32ᒎᑎ ᓂᖅᑐᕐᖕᓇᖅᑎᑕᐅᒃᐸᑦ ᑖᑦᓱᒨᓇ, ᑕᕝᕙ ᐃᓅᑉ ᐃᕐᖕᓂᖓ ᒎᑎᐅᑉ ᓂᖅᑐᕐᖕᓇᖅᑎᓐᓂᐊᕆᕚ ᐃᒻᒥᒍᑦ, ᓂᖅᑐᕐᖕᓇᖅᑎᑲᐅᑎᒋᓂᐊᖅᐹᓗ. 33#ᔪᐊᓇᓯ 7:34.ᕿᑐᕐᖓᒃᑲ, ᐊᑯᓂᐅᖏᑦᑐᖅ ᓇᔪᓕᖅᐸᑦᓯ. ᕿᓂᕈᒫᖅᐸᑦᓯᓐᖓ; ᓲᕐᓗ ᔫᑎᓄᑦ ᐅᖃᓚᐅᕋᒪ, ᑍᒫᒃᑕᐅᖅ ᐃᓕᑦᓯᓐᓄᑦ ᒫᓐᓇ ᐅᖃᖅᐳᖓ, ‘ᐅᐸᖕᓂᐊᖅᑕᓐᓄᑦ ᐂᔪᓐᓇᖏᓐᓇᑦᓯ.’ 34#ᔪᐊᓇᓯ 15:12,17; 1 ᔪᐊᓇᓯ 3:23; 2 ᔪᐊᓇᓯ 1:5.ᐱᖁᔭᒥᒃ ᓄᑖᒥᒃ ᑐᓂᓯᕕᒋᕙᑦᓯ, ᓇᒡᓕᒃᑎᒌᖁᓪᓗᓯ; ᓲᕐᓗ ᓇᒡᓕᒋᓚᐅᕋᑦᓯ, ᑍᒫᒃᑕᐅᖅ ᐃᓕᑦᓯᓐᓄᑦ ᓇᒡᓕᒃᑎᒌᒃᑐᒃᓴᐅᒋᕗᓯ. 35ᐃᓕᑦᓯᓐᓄᑦ ᓇᒡᓕᒃᑎᒌᒍᑦᓯ, ᑕᒪᑐᒨᓇ ᐃᓄᓕᒫᑦ ᑐᑭᓯᔪᒫᖅᐳᑦ ᐅᕙᓐᓄᑦ ᐃᓕᓐᓂᐊᖅᑎᐅᓂᑦᓯᓐᓂᒃ.”
ᔩᓱᓯᐅᑉ ᓇᓗᓁᖅᓯᓂᖓ ᐲᑦᑐᕉᓯᐅᑉ ᖃᐅᔨᒪᖏᓐᓂᕋᕐᖕᓂᐊᕐᖕᓂᖓᓂᒃ
ᒫᑎᐅᓯ 26:31-35; ᒫᑯᓯ 14:27-31; ᓘᑲᓯ 22:31-34
36ᑕᕝᕙ ᓮᒨᓂ ᐲᑦᑐᕉᓯᐅᑉ ᐅᖃᐅᑎᕚ, “ᐊᑕᓃᖅ ᓇᒧᓐᖓᕐᖕᓂᐊᖅᐲᑦ?”
ᔩᓱᓯᐅᑉ ᑭᐅᕚ, “ᐅᐸᖕᓂᐊᖅᑕᓐᓄᑦ ᒫᓐᓇ ᒪᓕᒍᓐᓇᓐᖏᓚᕐᖕᒪ; ᑭᖑᕐᖓᒍᓪᓕ ᒪᓕᒍᒫᖅᐸᕐᖕᒪ.”
37ᐲᑦᑐᕉᓯᐅᑉ ᐅᖃᐅᑎᕚ, “ᐊᑕᓃᖅ ᓱᖕᒪᑦ ᒫᓐᓇ ᒪᓕᒍᓐᓇᓐᖏᓚᒌᑦ? ᐃᓕᖕᓂᒃ ᑐᖁᑕᐅᑦᔪᑎᖃᕋᓗᐊᕈᒪ ᖃᓄᐃᒃᓴᓐᖏᓚᖓ.”
38ᔩᓱᓯᐅᑉ ᑭᐅᕚ, “ᑐᖁᑕᐅᓂᕐᖕᒧᑦ ᐊᑐᐃᓐᓇᐅᓕᖅᐲᑦ ᐱᑦᔪᑎᒋᓗᖓ? ᓱᓕᔪᒥᒃ ᐅᖃᐅᑎᕙᒋᑦ, ᐊᖑᑎᕕᐊᖅ ᓂᓪᓕᖅᑳᖅᑎᓐᓇᒍ, ᐱᖓᓱᐃᖅᑐᕐᓗᑎᑦ ᐅᕙᓐᓂᒃ ᖃᐅᔨᒪᖏᓐᓂᕋᕐᖕᓂᐊᖅᐳᑎᑦ.”
Currently Selected:
ᔪᐊᓇᓯᐅᑉ ᐊᒡᓚᖏᑦ 13: EAIB
Highlight
Share
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.