ᕼᐆᓯᐊᑉ ᐊᒡᓚᖏᑦ 14
14
ᕼᐆᓯᐊᑉ ᓴᐳᓐᓂᐊᕐᖕᓂᖓ ᐃᓴᕆᐊᓕᒥᒃ
1ᐃᓴᕆᐊᓖ, ᐅᑎᓚᐅᕆᑦ ᐊᑕᓂᕐᖕᒧᑦ ᒎᑎᖕᓄᑦ, ᐹᓪᓚᒃᓯᒪᒐᕕᑦ ᐱᐅᖏᑦᑐᓕᓂᕐᖕᓄᑦ. 2ᐅᖃᐅᓯᕐᖕᓂᒃ ᑎᒍᓯᓕᕆᑦ ᐅᑎᖅᓗᑎᓪᓗ ᐊᑕᓂᕐᖕᒧᑦ, ᐅᖃᐅᑎᓗᒍᓗ, “ᐱᐅᖏᑦᑐᓕᓂᓕᒫᑦ ᐲᔭᒃᑭᑦ; ᐱᐅᔪᑦ ᐃᓚᓕᐅᖅᓗᒋᑦ ᓮᒻᒪᖅᑎᑎᒍᑦ ᑕᕝᕙ ᑐᓂᓯᓂᐊᖅᐳᒍᑦ ᖃᓂᑦᑕ ᐱᕈᖅᑎᑕᖏᓐᓂᒃ. 3ᐊᓯᕆᐊᒧᑦ ᐱᐅᓕᔭᐅᓂᐊᓐᖏᓚᒍᑦ, ᕿᒻᒥᕐᔪᐊᒃᑰᕐᖕᓂᐊᓐᖏᓚᒍᑦ; ᐅᖃᕐᖕᓂᐊᕈᓐᓁᖅᐳᒍᓪᓗ, ‘ᒎᑎᕗᑦ,’ ᐊᒡᒐᑦᑕ ᓴᓇᓯᒪᔭᖏᓐᓄᑦ. ᐃᓕᖕᓂᑦ ᐃᓕᐊᕐᔪᐃᑦ ᓂᑲᒋᔭᐅᓂᕐᖕᒥᒃ ᓇᒡᕚᕐᖕᒪᑕ.”
ᐊᑕᓂᐅᑉ ᐃᓅᓯᕐᖕᒥᒃ ᓄᑖᒥᒃ ᐃᓴᕆᐊᓕᒧᑦ ᐱᑎᑦᓯᓂᐊᕐᖕᓂᕋᕐᖕᓂᖓ
4“ᐋᖅᑭᖕᓂᐊᖅᐸᒃᑲ ᐅᒃᐱᖏᓐᓂᖏᓐᓂᑦ; ᓇᒡᓕᒋᓂᐊᖅᐸᒃᑲ ᐃᓱᒪᖅᓱᖅᓗᖓ, ᓂᓐᖓᐅᒪᓂᕋ ᓴᖑᖕᒪᑦ ᑖᒃᑯᓇᓐᖓᑦ. 5ᐅᓪᓛᒃᑯᑦ ᖃᑯᐊᖅᑎᓯᒪᔪᑐᑦ ᑍᒤᓐᓂᐊᖅᐳᖓ ᐃᓴᕆᐊᓕᒧᑦ; ᐱᕈᖅᓯᐊᑎᑐᑦ ᐱᕈᕐᖕᓂᐊᖅᐳᖅ, ᐊᒫᖏᓪᓗ ᑕᑭᒡᓕᑎᓐᓂᐊᖅᐸᒃᑲ ᓇᐹᖅᑐᑎᑐᑦ ᖃᑯᖅᑕᑎᑐᑦ ᕾᕈᓕᒃᑎᑐᑦ ᓕᐸᓇᓂᒦᑦᑐᑎᑐᑦ. 6ᐊᕙᓚᖓᔪᖏᑦ ᓯᐊᒻᒪᒍᒫᖅᐳᑦ ᐃᓯᕕᖓᑦᓯᐊᖅᓗᑎᒃ; ᐅᖅᓱᒃᓴᓕᒃᑎᑐᑦ ᑕᑯᒥᓇᖅᓯᔪᒫᖅᐳᖅ, ᑎᐱᖓᓗ ᓕᐸᓇᓂᒥᐅᑎᑑᕈᒫᖅᓗᓂ. 7ᑖᒃᑯᐊ ᐅᑎᕈᒫᖅᐳᑦ ᑕᕐᕋᓕᓂᓐᓂᓗ ᐃᓂᖃᓕᖅᓗᑎᒃ, ᐱᕈᖅᐸᓪᓕᐊᓕᕈᒫᖅᐳᑦ ᓂᐊᖂᔭᒃᓴᑎᑐᑦ; ᐱᕈᕈᒫᖅᐳᑦ ᐃᓯᕕᑦᓯᐊᖅᓗᑎᒃ ᕔᓂᓕᒃᓴᑎᑐᑦ, ᑎᐱᖃᓕᕈᒫᖅᐳᓪᓗ ᕔᓂᑎᑐᑦ ᓕᐸᓇᓂᒥᐅᑕᑎᑐᑦ. 8ᐃᕗᕅᒥ, ᒎᑎᓐᖑᐊᑦ ᖃᓄᐃᓕᐅᕆᐊᖃᖅᐸᒃᑳ? ᐅᕙᖓ ᑭᐅᓯᒪᕗᖓ ᐃᓕᑦᓯᓐᓂᒡᓗ ᑲᒪᓕᖅᓗᖓ. ᑐᖑᔪᐃᓐᓇᖅᑐᑎᑐᑦ ᓇᐹᖅᑐᑐᑦ ᑍᒤᑉᐳᖓ, ᐱᕈᖅᑎᑕᑎᑦ ᐅᕙᓐᓂᑦ ᐱᕗᑦ.”
ᓄᖅᑲᐅᓯᕈᑏᑦ
9ᓇᓪᓕᐊᑦ ᓯᓚᑐᔪᖅ, ᑕᒪᒃᑯᓂᖓ ᑐᑭᓯᓕᕐᓕ; ᓇᓪᓕᐊᑦ ᖃᐅᔨᔪᓐᓇᖅᑐᖅ ᑖᒃᑯᓂᖓ ᖃᐅᔨᓕᕐᓕ; ᐊᑕᓂᐅᑉ ᐊᖅᑯᑎᖏᑦ ᓈᒻᒪᑦᓯᐊᕐᖕᒪᑕ; ᐃᓱᐊᖅᑐᑦ ᑕᒪᓐᓇ ᐊᑐᖅᐹᑦ, ᐱᐅᖏᑦᑐᓕᔪᓪᓕ ᑕᒪᐅᓇ ᐹᓪᓚᒃᐳᑦ.
Currently Selected:
ᕼᐆᓯᐊᑉ ᐊᒡᓚᖏᑦ 14: EAIB
Highlight
Share
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.